ءماجىلىس توراعاسى نۇرلان نىعماتۋلين باستاعان پارلامەنتتىك دەلەگاتسيا 6-8 قىركۇيەك ارالىعىندا ۆەنا قالاسىندا وتەتىن بەسىنشى دۇنيەجۇزىلىك پارلامەنتتەر سپيكەرلەرىنىڭ كونفەرەنتسياسىنا قاتىسادى.

پارلامەنتارالىق وداق، اۆستريا پارلامەنتى بۇۇ-مەن ءوزارا ءىس-قيمىل كەزىندە ۇيىمداستىرعان فورۋمدا پارلامەنتشىلەر، اتاپ ايتقاندا، پاندەميادان كەيىنگى دامۋ، ونىڭ ىشىندە كليماتتىڭ وزگەرۋىمەن كۇرەسۋ جانە ەكولوگيالىق تۇراقتىلىقتى قامتاماسىز ەتۋ ءۇشىن ەكونوميكانى رەفورمالاۋ تۋرالى پىكىر الماسادى.

پارلامەنت وكىلدەرى كوپجاقتى قاتىناستاردى نىعايتۋ، بەيبىتشىلىك پەن تۇراقتى دامۋدى قامتاماسىز ەتۋ ءۇشىن ديالوگ، ءوزارا تۇسىنىستىك جانە ىنتىماقتاستىق قاعيداتتارى نەگىزىندە نەگىزگى پارلامەنتتىك ءىس-قيمىلداردى انىقتايدى. وسى تاقىرىپتا وتكىزىلەتىن ينتەراكتيۆتى جالپى پىكىرتالاستاردا ءماجىلىس سپيكەرى نۇرلان نىعماتۋليننىڭ ءسوز سويلەۋى جوسپارلانعان.

سونىمەن قاتار، نۇرلان نىعماتۋليننىڭ ەۋروپا جانە ازيا پارلامەنتتەرىنىڭ، حالىقارالىق پارلامەنتتىك ۇيىمداردىڭ باسشىلارىمەن، سونداي-اق ۇلتتىق دەلەگاتسيالاردىڭ وكىلدەرىمەن ەكى جاقتى كەزدەسۋلەرى قاراستىرىلعان.
پارلامەنت سپيكەرلەرىنىڭ ءاربىر بەس جىل سايىن وتكىزىلەتىن دۇنيەجۇزىلىك كونفەرەنتسياسى قاۋىپسىزدىك، ەكونوميكالىق جانە الەۋمەتتىك دامۋ، حالىقارالىق قۇقىق جانە ادام قۇقىقتارى، دەموكراتيا جانە گەندەرلىك تەڭدىك ماسەلەلەرىن تالقىلاۋعا ارنالادى.

Abai.kz