نۇر-سۇلتان قالاسىندا بالالار ۇيىندەگى جەتىمدەردىڭ تاماعىنا بولىنگەن قارجىنىڭ 25,9 ميلليون تەڭگەسىن جىمقىرعان. بۇل تۋرالى Arasha.kz-كە سىلتەمە جاساپ Abai.kz حابارلايدى. 

«قازىرگى ۋاقىتتا «Qamqor» جەدەل الدىن الۋ ءىس-شاراسى اياسىندا اگەنتتىك ەلوردالىق بالالار ۇيلەرىنىڭ بىرىندە جەتىم بالالارعا ازىق-تۇلىك ساتىپ الۋعا بولىنگەن بيۋدجەت قاراجاتىن جىمقىرۋ دەرەگى بويىنشا سوتقا دەيىنگى تەرگەۋدى باستادى.

تەرگەۋ وسى مەكەمەنىڭ ديرەكتورى مەن باس بۋحگالتەرى ساتىپ الۋ ەرەجەلەرىمەن قاراستىرىلعان پروتسەدۋرالاردى وتكىزبەي، باسقارۋىنداعى ۇلەستەس كاسىپورىنمەن ازىق-تۇلىك جەتكىزۋگە شارتتار جاساعاندىعىن انىقتادى. بۇل رەتتە، كومپانيانىڭ ناقتى يەسى باس بۋحگالتەردىڭ بۇرىنعى جۇبايى بولىپ تابىلادى.

2019-2020 جىلدار كەزەڭىندە جاسالعان شارتتار بويىنشا لاۋازىمدى تۇلعالار اتالعان كومپانيا ارقىلى بولىنگەن 130 ملن.تەڭگە بيۋدجەت قاراجاتىنان جەتىم بالالارعا ازىق-تۇلىك ساتىپ الۋعا بولىنگەن 25,9 ميلليون تەڭگەنى جىمقىرعان»، – دەپ حابارلادى كوميتەت.

Abai.kz