مەملەكەت باسشىسىنىڭ جارلىعىمەن ماعزۇم مىرزاعاليەۆ ەنەرگەتيكا ءمينيسترى بولىپ تاعايىندالدى.

«ماعزۇم ماراتۇلى مىرزاعاليەۆ قازاقستان رەسپۋبليكاسىنىڭ ەنەرگەتيكا ءمينيسترى بولىپ تاعايىندالسىن، ول قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى لاۋازىمىنان بوساتىلسىن», - دەلىنگەن پرەزيدەنت جارلىعىندا.

ماعزۇم ماراتۇلى 1978 جىلى 7 قاراشادا الماتى قالاسىندا تۋعان.

«تۇران» ۋنيۆەرسيتەتىن، سىرتقى ىستەر مينيسترلىگىنىڭ ديپلوماتيالىق اكادەمياسىن، ش.ەسەنوۆ اتىنداعى قازاق مەملەكەتتىك تەحنولوگيا جانە ينجينيرينگ ۋنيۆەرسيتەتىن بىتىرگەن.

2001-2004 جىلدارى - تەڭىز جانە باتىس ءسىبىر كەنىشتەرىندە «MIDrillingFluidsInternational» (Schlumberger) بۇرعىلاۋ ەرىتىندىلەرى جونىندەگى ينجەنەر.

2004-2007 جىلدارى - «MIDrillingFluidsInternational» اقتاۋ فيليالىندا بيزنەستى دامىتۋ مەنەدجەرى، ءوندىرىس جونىندەگى مەنەدجەر، فيليال باسشىسى.

2007-2010 جىلدارى - «قازمۇنايگاز» ۇك» اق «تەڭىزسەرۆيس» جشس باس ديرەكتورى.

2010-2012 جىلدارى - «قازمۇنايگاز» ۇك» اق باسقارۋشى ديرەكتورى.

2010-2013 جىلدارى - «قازمۇنايگاز» ۇك» اق باسقارما توراعاسىنىڭ يننوۆاتسيالىق دامىتۋ جانە سەرۆيستىك جوبالار جونىندەگى ورىنباسارى.

2013-2014 جىلدارى - قر مۇناي گاز ۆيتسە-ءمينيسترى. قر ەنەرگەتيكا ءمينيسترىنىڭ ورىنباسارى (2014-2019).

2019 جىلدىڭ ماۋسىمىنان بەرى قازىرگى قىزمەتىندە بولدى.

ايتا كەتەيىك، بۇعان دەيىنگى ەنەرگەتيكا ءمينيسترى نۇرلان نوعاەۆ لاۋازىمىنان بوساتىلىپ، ماڭعىستاۋ وبلىسىنىڭ اكىمى بولىپ تاعايىندالعان ەدى.

Abai.kz