قازاقستان تاۋەلسىزدىگىنىڭ 30 جىلدىعىنا وراي تالدىقورعاندا تاعى ءبىر زاماناۋي باسسەيننىڭ سالتاناتتى اشىلۋى ءوتتى.

ءىلياس جانسۇگىروۆ اتىنداعى جەتىسۋ ۋنيۆەرسيتەتىندە ارنايى سپورت نىسانى سالىندى. ونىڭ ەرەكشەلىگى-مۇندا ءجۇزۋدىڭ بارلىق تۇرلەرىنەن شۇعىلدانۋعا بولادى. مۇمكىندىگى شەكتەۋلى ازاماتتار ءۇشىن دە جاعداي جاسالعان. كوپتى قۋانتقان شاراعا

الماتى وبلىسى اكىمىنىڭ ورىنباسارى باتىرجان بايجۇمانوۆ تا ارنايى قاتىستى. جوو-نىڭ جاڭا باسسەينىنىڭ اشىلۋىمەن جانە جينالعان قالا تۇرعىندارىن قۇتتىقتادى.

"بۇل ەلباسىنىڭ سالاۋاتتى ءومىر سالتىن ناسيحاتتاۋ، بۇقارالىق سپورتتى دامىتۋ، دەنە شىنىقتىرۋ مەن جوعارى جەتىستىكتەر سپورتىن قولداۋ جونىندەگى تاپسىرماسى مەن ەل پرەزيدەنتىنىڭ جولداۋىن ىسكە اسىرۋداعى ماڭىزدى ۇلەس. مەملەكەتتىك قولداۋدىڭ ارقاسىندا جەتىسۋ ۋنيۆەرسيتەتى ستۋدەنتتەرىنىڭ جان-جاقتى دامۋىنا بارلىق جاعداي جاسالعان. بۇگىندە جوو - دا 6 مىڭنان استام ستۋدەنت ءبىلىم الۋدا، ونىڭ ىشىندە 450 ستۋدەنت وبلىس اكىمىنىڭ ءبىلىم بەرۋ گرانتى اياسىندا وقىپ جاتىر. بولاشاقتا سىزدەر جاقسى مامان بولىپ، ەلىمىزدىڭ دامۋىنا ۇلەس قوساسىزدار دەپ سەنەمىن. بۇگىن اشىلعان سپورت نىسانى قازاقستاندىق سپورت پەن جەتىسۋ ۋنيۆەرسيتەتى جاستارىنىڭ يگىلىگى ءۇشىن ۇزاق ءارى تابىستى قىزمەت ەتە بەرسىن", - دەدى باتىرجان بايجۇمانوۆ.
جابىق باسسەيننىڭ جالپى اۋدانى 1677,7 شارشى مەتردى قۇرايدى. باسسەين توستاعانىنىڭ مولشەرى 25 جانە 11 م. سۋ جاڭا نىسان قۇرىلىس تالاپتارى مەن سانيتارلىق-ەپيدەميولوگيالىق ستاندارتتارعا سايكەس سالىنعان جانە جابدىقتالعان. باسسەينگە جەكە كىرەبەرىس، ەرلەر مەن ايەلدەرگە ارنالعان كيىم اۋىستىرۋ بولمەلەرى، دۋش، جۇمىسشىلار مەن جاتتىقتىرۋشىلارعا، نۇسقاۋشىلارعا ارنالعان قوناق بولمەلەرى، سپورتتىق جابدىقتاردى ساقتاۋعا جانە جۋعا ارنالعان ارنايى بولمە بار.

جەتىسۋ ۋنيۆەرسيتەتىنىڭ رەكتورى اتاپ وتكەندەي، ۋنيۆەرسيتەت ستۋدەنتتەرى مەن قىزمەتكەرلەرى بەلگىلەنگەن كەستە بويىنشا باسسەينگە ەركىن كىرە الادى.
ء"بىزدىڭ ۋنيۆەرسيتەتتىڭ ستۋدەنتتەرى مەن وقىتۋشىلارىنىڭ كوپتەگەن توسقان ارمانى ورىندالدى. الماتى وبلىسىنىڭ اكىمى اماندىق باتالوۆقا ءبىزدىڭ ۋنيۆەرسيتەتكە جانە جالپى ءبىلىم بەرۋ سالاسىنا ەرەكشە كوڭىل بولگەنى ءۇشىن ەرەكشە العىسىمدى بىلدىرەمىن. دەنى ساۋ ۇرپاق قانا بيىكتەرگە جەتە الاتىنىن اتاپ وتكىم كەلەدى، سوندىقتان بىزگە وسىنداي كەرەمەت سىيلىق - زاماناۋي، بارلىق قاجەتتى جابدىقتارمەن جابدىقتالعان باسسەين جاسالدى. بارلىق وقۋشىلار مەن وقىتۋشىلار قۇرامى ءجۇزۋ نىسانىنا ەركىن قول جەتكىزە الادى", - دەپ ءبولىستى جەتىسۋ ۋنيۆەرسيتەتىنىڭ رەكتورى قۋات بايمىرزاەۆ.
وتكەن جىلى باستالعان باسسەين قۇرىلىسىنا 310 ملن تەڭگەدەن استام قاراجات جۇمسالدى.

ايتا كەتۋ كەرەك، بۇل وبلىس ورتالىعىندا بيىل اشىلعان ەكىنشى باسسەين. ەلوردا كۇنىنە وراي جەتىسۋلىقتارعا 570 ورىندىق وليمپيالىق ۇلگىدەگى ورتالىق ءجۇزۋ باسسەينى پايدالانۋعا بەرىلگەن ەدى.

Abai.kz