ءال-دارمەنى قۇرىدى، قايراتى قايتتى، ماعدىرى تاۋسىلدى، شاماسى جوق، كۇيرەدى دەگەن (ت.ب.) سوزدەردىڭ باي قازاق تىلىندەگى بالاماسىنىڭ ءبىرى «ءمانىسى قالمادى» بولسا كەرەك. سونىمەن كەزەكتى رەت «ءماسىموۆ ۇكىمەتىنىڭ ءمانىسى قالماعان سياقتى» دەپ وتىرمىز. بىراق، ءماسىموۆ ۇكىمەتى ۇرعان سايىن سەمىرەتىن بورسىقتاي سىناعان سايىن، «انە-مىنە وتستاۆكاعا كەتەدى» دەپ بولجام ايتقان سايىن كەرىگىپ ارقاسىن كەڭگە سالا تۇسۋدە. بۇل جولى دا سول باياعى «ستسەناري» قايتالانار ما ەكەن، الدە، «كۇتپەگەن جاعداي» ورىن الادى ما، بەلگىسىز: ەندى ۇكىمەتتىڭ تولىق قۇرامىمەن وتستاۆكاعا اتتانۋىن پارلامەنت دەپۋتاتتارى تالاپ ەتۋدە. وتكەن جىلدىڭ بيۋدجەتىن قانشالىقتى يگەرگەنى تۋرالى ۇكىمەت ەسەبىن تىڭداعان دەپۋتاتتار وسىنداي شەشىمگە كەلىپ وتىرعان سىڭايلى. دەپۋتاتتاردىڭ «دۇرلىگەتىندەي» دە ءجونى بار. ويتكەنى، ەلىمىزدە قاراجات مول، سويتە تۇرا سول مول قارجىنىڭ قاجەت جەرىنە وننان ءبىرى عانا جەتەدى ەكەن. ءسويتىپ ونداعان ميلليارد تەڭگە يەگرۋسىز قالاتىن كورىنەدى. بۇل جايت جىلدان جىلعا قايتالانۋدا، ال، ۇكىمەت بولسا، جايباراقات قانا جۇمىسىن جالعاستىرا بەرۋدە. مىسالى، بىلتىرعى جىلى يگەرىلمەگەن قارجىنىڭ كولەمى 80 ميلليارد تەڭگەگە جەتىپتى. «مەن قالاي بولعاندا دا ۇكىمەتتىڭ قارجىلىق ەسەبىنىڭ بەكۋىنە داۋىس بەرەمىن.

ءال-دارمەنى قۇرىدى، قايراتى قايتتى، ماعدىرى تاۋسىلدى، شاماسى جوق، كۇيرەدى دەگەن (ت.ب.) سوزدەردىڭ باي قازاق تىلىندەگى بالاماسىنىڭ ءبىرى «ءمانىسى قالمادى» بولسا كەرەك. سونىمەن كەزەكتى رەت «ءماسىموۆ ۇكىمەتىنىڭ ءمانىسى قالماعان سياقتى» دەپ وتىرمىز. بىراق، ءماسىموۆ ۇكىمەتى ۇرعان سايىن سەمىرەتىن بورسىقتاي سىناعان سايىن، «انە-مىنە وتستاۆكاعا كەتەدى» دەپ بولجام ايتقان سايىن كەرىگىپ ارقاسىن كەڭگە سالا تۇسۋدە. بۇل جولى دا سول باياعى «ستسەناري» قايتالانار ما ەكەن، الدە، «كۇتپەگەن جاعداي» ورىن الادى ما، بەلگىسىز: ەندى ۇكىمەتتىڭ تولىق قۇرامىمەن وتستاۆكاعا اتتانۋىن پارلامەنت دەپۋتاتتارى تالاپ ەتۋدە. وتكەن جىلدىڭ بيۋدجەتىن قانشالىقتى يگەرگەنى تۋرالى ۇكىمەت ەسەبىن تىڭداعان دەپۋتاتتار وسىنداي شەشىمگە كەلىپ وتىرعان سىڭايلى. دەپۋتاتتاردىڭ «دۇرلىگەتىندەي» دە ءجونى بار. ويتكەنى، ەلىمىزدە قاراجات مول، سويتە تۇرا سول مول قارجىنىڭ قاجەت جەرىنە وننان ءبىرى عانا جەتەدى ەكەن. ءسويتىپ ونداعان ميلليارد تەڭگە يەگرۋسىز قالاتىن كورىنەدى. بۇل جايت جىلدان جىلعا قايتالانۋدا، ال، ۇكىمەت بولسا، جايباراقات قانا جۇمىسىن جالعاستىرا بەرۋدە. مىسالى، بىلتىرعى جىلى يگەرىلمەگەن قارجىنىڭ كولەمى 80 ميلليارد تەڭگەگە جەتىپتى. «مەن قالاي بولعاندا دا ۇكىمەتتىڭ قارجىلىق ەسەبىنىڭ بەكۋىنە داۋىس بەرەمىن. ەگەر ۇكىمەتتىڭ ەسەبى بەكىمەسە، ول - وتستاۆكا» ، - دەيدى اتقارۋشى بيلىكتە لاۋازىمدى قىزمەت اتقارعان بۇگىنگى ءماجىلىس دەپۋتاتى گۇلجان قاراعۇسوۆا.  ايتكەنمەندە، ءماسىموۆ ۇكىمەتىنىڭ جۇمىسىنا تۇسىنىستىكپەن قاراۋ، كوڭىلشەكتىك تانىتۋ وزگە دەپۋتاتتاردىڭ تاراپىنان بولمايتىن سەكىلدى. مينيسترلەر كابينەتىنىڭ تاراۋىن تاباندى تۇردە تالاپ ەتىپ جۇرگەن دەپۋتات كوسارەۆ: «ۇكىمەت قازاقستاندىقتاردىڭ سەنىمىن كوپتەن بەرى اقتاپ كەلە جاتقان جوق، سوندىقتان ونى وتستاۆكاعا جىبەرۋ كەرەك»، - دەيدى.
ەستەرىڭىزگە سالا كەتەيىك، پرالامەنتتىڭ ۇكىمەتتى وتستاۆكاعا جىبەرۋگە تولىق قاقى بار. پارلامەنت دەپۋتاتتارى وسى مۇمكىندىكتەرىن كەلەسى جۇمادا زاڭ شەڭبەرىندە قاراستىرۋعا ۋعادالاسىپ وتىر.

وتكەن سەيسەنبىدە پرەزيدەنت نازارباەۆ قازىرگى ۇكىمەت باسشىسى كارىم ءماسىموۆتى قابىلداپ، ودان ەلدىڭ شارۋا-جايىن سۇراعان بولاتىن. وسى كەزدەسۋدە ەلباسى الداعى قىسقا دايىندىق پەن وزگە دە ماڭىزدى ىستەردى تەكسەرەتىنىن بىلدىرگەندە پرەمەر-مينيستر وعان پاريجدە قازاقستاننىڭ «ەحرو-2017» كورمەسىن وتكىزۋ تۋرالى تاپسىرماسىنىڭ تانىستىرىلىمى بولعانىن، تانىستىرىلىم قازاقستان پرەزيدەنتىنىڭ بەينەۇندەۋىمەن باستالعانىن ايتىپ ادەتتەگىدەي ميىعىنان كۇلىپ وتىرعان ەدى...

«اباي-اقپارات»