بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.

بيۋرو وتىرىسىندا دەپۋتاتتار قاراۋىنا بالانىڭ قۇقىقتارىن قورعاۋ ماسەلەلەرىنە قاتىستى  زاڭ  جوباسى ءبىرىنشى وقىلىمدا ۇسىنىلدى.

قۇجات بالالار مۇددەسى ءۇشىن زاڭنامانى جەتىلدىرۋ، سونداي-اق بالا قۇقىقتارى تۋرالى كونۆەنتسيانىڭ ەرەجەلەرىن قازاقستان رەسپۋبليكاسىنىڭ ورىنداۋى تۋرالى ءتورتىنشى كەزەڭدىك باياندامانى قورعاۋ قورىتىندىلارى بويىنشا ب¥¥ بالا قۇقىقتارى جونىندەگى كوميتەتىنىڭ ۇسىنىمدارىن ىسكە اسىرۋ ماقساتىندا جانە «بالاعا مەيىرىمدى قازاقستان» اتتى ەكى حالىقارالىق كونفەرەنتسيانىڭ قورىتىندىلارى بويىنشا دايىندالعان ۇسىنىمدار شەڭبەرىندە ازىرلەندى.

اتالعان زاڭ جوباسىندا سايكەس، قىلمىستىق، اكىمشىلىك قۇقىق بۇزۋشىلىق تۋرالى جانە ەڭبەك كودەكستەرىنە، سونداي-اق، تاعى باسقا دا بىرقاتار زاڭ جوبالارىنا تۇزەتۋلەر ەنگىزىلۋ ۇسىنىلادى.

سونىمەن قاتار، كۇن ءتارتىبىنىڭ جوباسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا قاراۋ ۇسىنىلماق.

Abai.kz