جۇكتى ايەلدەر مەن 2-11 جاس ارالىعىنداعى بالالارعا تۇماۋعا قارسى ماۋسىمدىق ۆاكتسينا ەگۋ ناۋقانى بۇگىن باستالادى.

"تۇماۋدىڭ الدىن الۋ" دەپ اتالاتىن اكتسيا 13-22 قىركۇيەك ارالىعىندا 10 كۇنگە سوزىلادى. وڭتۇستىك كورەيادا جاسالعان GC تۇماۋىنا قارسى ۆاكتسينا بالالارعا ەگۋ ءۇشىن ولاردىڭ اتا-انالارى مەن قامقورشىلارىنىڭ كەلىسىمىمەن ەنگىزىلەتىن بولادى. ماۋسىمدىق تۇماۋعا قارسى ۆاكتسيناتسيا كوروناۆيرۋستىق يممۋنداۋدان بولەك ايماقتاردا جۇرگىزىلەدى.

GC Flu 6 جاستان اسقان بالالار مەن ەرەسەكتەرگە، ونىڭ ىشىندە جۇكتى ايەلدەر مەن دەنساۋلىعىنىڭ سوزىلمالى پروبلەمالارى بار ادامدارعا قولدانۋعا رۇقسات ەتىلگەن. ۆاكتسينانى دەلتا ءتارىزدى نەمەسە جامباس بۇلشىقەتتەرىنە ءبىر رەت ەنگىزۋ ۇسىنىلادى. ەرەكشەلىك - الدىڭعى ماۋسىمداردا ماۋسىمدىق تۇماۋعا قارسى ۆاكتسيناتسيالانباعان 6 ايدان 8 جاسقا دەيىنگى بالالار، ولار كەم دەگەندە 4 اپتا ارالىقپەن 2 رەت ەگىلۋى ءتيىس. جۇكتىلىك كەزىندە تۇماۋعا قارسى ۆاكتسينا انا مەن جاڭا تۋعان نارەستەنى قورعايدى.

كادىمگى ۆاكتسيناتسيانى جىبەرىپ العان 0-15 جاس ارالىعىنداعى بالالاردى قايتا يممۋنداۋعا بولادى. موڭعوليا استاناسىندا 160 مىڭنان استام بالا مەن 10 مىڭ جۇكتى ايەلگە تۇماۋعا قارسى ۆاكتسينا ەگىلەدى.

Abai.kz