وتكەن اپتادا  «رۋح پەن ءتىل» كلۋبىنىڭ جەتەكشىسى جانبولات ماماي مەن «اقساراي» تەاترىنىڭ نەگىزىن قالاۋشى بولات اتاباەۆتىڭ قولىنا كىسەن ءتۇستى. ۇلتتىق قاۋىپسىزدىك قىزمەتكەرلەرى جاڭاوزەن قالاسىندا الەۋمەتتىك ارازدىقتى قوزدىردى دەگەن جەلەۋمەن ەكى بەلسەندىنى ەكى ايعا اباقتىعا جاپقان. قاڭتار ايىندا  اتالعان ەكى ازاماتتىڭ  الماتى قالاسىنىڭ اۋماعىنان الىستاماۋى زاڭمەن مىندەتتەلگەن ەدى. ماۋسىمنىڭ 15-ءى كۇنى ەشقانداي ەسكەرتۋسىز كەلگەن ۇقك قىزمەتكەرلەرى جانبولات ماماي مەن بولات اتاباەۆتى تۇرمەگە توعىتقان سوڭ، ولاردى قورعاۋ جونىندە «اراشا» كوميتەتى قۇرىلدى. وسى ورايدا، «رۋح پەن ءتىل» كلۋبىنىڭ بەلسەندىسى ينگا يمانبايدىڭ پىكىرىن بىلگەن ەدىك:

وتكەن اپتادا  «رۋح پەن ءتىل» كلۋبىنىڭ جەتەكشىسى جانبولات ماماي مەن «اقساراي» تەاترىنىڭ نەگىزىن قالاۋشى بولات اتاباەۆتىڭ قولىنا كىسەن ءتۇستى. ۇلتتىق قاۋىپسىزدىك قىزمەتكەرلەرى جاڭاوزەن قالاسىندا الەۋمەتتىك ارازدىقتى قوزدىردى دەگەن جەلەۋمەن ەكى بەلسەندىنى ەكى ايعا اباقتىعا جاپقان. قاڭتار ايىندا  اتالعان ەكى ازاماتتىڭ  الماتى قالاسىنىڭ اۋماعىنان الىستاماۋى زاڭمەن مىندەتتەلگەن ەدى. ماۋسىمنىڭ 15-ءى كۇنى ەشقانداي ەسكەرتۋسىز كەلگەن ۇقك قىزمەتكەرلەرى جانبولات ماماي مەن بولات اتاباەۆتى تۇرمەگە توعىتقان سوڭ، ولاردى قورعاۋ جونىندە «اراشا» كوميتەتى قۇرىلدى. وسى ورايدا، «رۋح پەن ءتىل» كلۋبىنىڭ بەلسەندىسى ينگا يمانبايدىڭ پىكىرىن بىلگەن ەدىك:

- 15 ماۋسىم كۇنى جانبولات ماماي 24 جاسقا تولعان. سول كۇنى تاڭعى ساعات 10 شاماسىندا ەش ەسكەرتۋسىز كەلگەن ۇقك قىزمەتكەرلەرى بولات اتاباەۆ ەكەۋىن اباقتىعا جاپتى. بۇل تۋرالى ەكى بەلسەندىنىڭ ادۆوكاتتارى مۇلدە ەستىمەگەن. ياعني، ولاردى ەش ەسكەرتپەستەن اباقتىعا جابۋ تۋرالى بۇيرىق 14 ماۋسىم كۇنى شىعىپ قويعان ەكەن. شەشىم شىعارعان المالى اۋداندىق سوتى. وسىعان وراي، بولات اتاباەۆ پەن جانبولات مامايدى  قورعاۋ ماقساتىندا تاۋەلسىز كوميسسيا قۇرىلدى. كوميسسياعا تولەگەن جۇكەەۆ باسشىلىق ەتەدى. سونداي-اق، «رۋح پەن ءتىل» كلۋبىنىڭ مۇشەلەرى ۇقك عيماراتىنىڭ الدىندا  جانبولات پەن بولات اتاباەۆقا بوستاندىق سۇراپ، پيكەت وتكىزدى. شەرۋگە دە شىقتىق. وسىدان سوڭ، ادۆوكاتتار اپپەليتسياعا جۇگىنگەن. سەبەبى، ولارعا مىندەتتى تۇردە قورعالۋشىلارىنىڭ قامالاتىنى تۋرالى ەسكەرتۋ كەرەك ەدى. الايدا، اپپەلياتسيا قارالماي جاتىپ، بولات اتاباەۆ پەن جانبولات مامايدى جاڭاوزەنگە الىپ كەتىپتى. بۇگىن قانداي دا ءبىر كەرەك-جاراق زاتتارىن وتكىزۋگە بارساق، وسىنداي جاۋاپ الدىق. زاڭ بويىنشا، اپپەلياتسيا قارالماي جاتىپ، ولاردى قالا اۋماعىنان الىپ كەتۋگە رۇقسات جوق.  وكىنىشتىسى ، ۇقك قىزمەتكەرلەرىنىڭ ءوزى زاڭدى بەلشەسىنەن باسىپ وتىر...

سۋرەت «Azattyq.org» سايتىنان الىندى.

«اباي-اقپارات»