نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتىنىڭ سوتى تالعات اقشاباەۆ بۇرىنعى دەنساۋلىق ساقتاۋ ءمينيسترى ەلجان بىرتانوۆقا ۇيقاماقتى ۇزارتتى.

سوت وتىرىسى بارىسىندا پروكۋرور تولەگەن جاراسپاەۆ اعىمداعى جىلدىڭ 7 شىلدەسىندە قىلمىستىق ءىس بويىنشا تەرگەۋ اياقتالعانىن، پروتسەسكە قاتىسۋشىلاردىڭ قىلمىستىق ءىس ماتەريالدارىمەن تانىسۋ ساتىسىندا تۇرعانىن ەسكە سالدى.

قىلمىستىق ءىستىڭ ءوزى، ونىڭ ايتۋىنشا، 133 تومنان تۇرادى. ولار زاتتاي ايعاقتار، فونوگراممالار جانە باسقا ماتەريالداردى قۇرايدى.

"ۇيقاماق مەرزىمى 14 قىركۇيەكتە اياقتالادى. وسىعان بايلانىستى مەن قىلمىستىق قۋدالاۋ ورگاندارىنىڭ ءوتىنىشىن قاناعاتتاندىرۋدى جانە ءۇي قاماۋدا ۇستاۋ مەرزىمىن ەكى ايعا، ياعني 2021 جىلدىڭ 14 قاراشاسىنا دەيىن ۇزارتۋدى سۇرايمىن", - دەدى جاراسپاەۆ.

سوت تالعات اقشاباەۆ ءوز كەزەگىندە تەرگەۋ ورگاندارىنىڭ مەرزىمدى ەكى ايعا ۇزارتۋ تۋرالى ءوتىنىشىن قاناعاتتاندىردى.

Abai.kz