مەيىرىمدى، راحىمدى اللانىڭ اتىمەن باستايمىن!

2012 جىلدىڭ 20 شىلدەسى - قاسيەتتى رامازان ايىنىڭ ءبىرىنشى (1) كۇنى

جارىلقاۋشى ايدا كوپ  جاقسىلىق جاسايىق

قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى، باس ءمۇفتي،

شەيح ءابساتتار قاجى دەربىسالىنىڭ

مينيسترلىكتەر مەن ءتۇرلى سالا جەتەكشىلەرىنە، وبلىس، قالا، اۋدان باسشىلارىنا، كاسىپكەرلەر مەن جالپى ەل حالقىنا

الداعى قاسيەتتى رامازان ايىنا بايلانىستى

ۇندەۋى

قۇرمەتتى باۋىرلار، وتانداستار!

تاۋەلسىز ەلىمىز الەم جۇرتشىلىعىنا ءوزىنىڭ ىنتىماعى مەن بىرلىگى جاراسقان ەل رەتىندە تانىلدى. از ۋاقىت ىشىندە عاسىرعا تاتىرلىق جۇمىس اتقارىلعانىمەن ءالى دە ءوز كەزەگىن كۇتكەن شارۋالار جەتەرلىك. ءبىزدىڭ ەڭ ۇلكەن بايلىعىمىز - وتانىمىزدىڭ تىنىشتىعى مەن تاتۋلىعى. وسىعان وراي جۇرتىمىزدىڭ دامۋىنا ءاربىر ازاماتىمىزدىڭ قوسار ۇلەسى زور دەپ بىلەمىن.

مۇسىلمان ءۇشىن وتىز كۇن ورازا ۇستاۋ - ۇلىق    عيبادات. بۇل كۇندەردە ورازا ۇستاۋمەن قاتار مۇقتاج جاندارعا قايىرىمدىلىق جاساۋ دا اللا قۇزىرىنداعى ساۋابى مول امالعا جاتادى. ءيسى مۇسىلمان بالاسى قاسيەتتى رامازان ايىندا ساۋاپتان ۇمىتتەنىپ كوپتەگەن يگى ىستەر جاساۋدى ادەتكە اينالدىرعان.

مەيىرىمدى، راحىمدى اللانىڭ اتىمەن باستايمىن!

2012 جىلدىڭ 20 شىلدەسى - قاسيەتتى رامازان ايىنىڭ ءبىرىنشى (1) كۇنى

جارىلقاۋشى ايدا كوپ  جاقسىلىق جاسايىق

قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى، باس ءمۇفتي،

شەيح ءابساتتار قاجى دەربىسالىنىڭ

مينيسترلىكتەر مەن ءتۇرلى سالا جەتەكشىلەرىنە، وبلىس، قالا، اۋدان باسشىلارىنا، كاسىپكەرلەر مەن جالپى ەل حالقىنا

الداعى قاسيەتتى رامازان ايىنا بايلانىستى

ۇندەۋى

قۇرمەتتى باۋىرلار، وتانداستار!

تاۋەلسىز ەلىمىز الەم جۇرتشىلىعىنا ءوزىنىڭ ىنتىماعى مەن بىرلىگى جاراسقان ەل رەتىندە تانىلدى. از ۋاقىت ىشىندە عاسىرعا تاتىرلىق جۇمىس اتقارىلعانىمەن ءالى دە ءوز كەزەگىن كۇتكەن شارۋالار جەتەرلىك. ءبىزدىڭ ەڭ ۇلكەن بايلىعىمىز - وتانىمىزدىڭ تىنىشتىعى مەن تاتۋلىعى. وسىعان وراي جۇرتىمىزدىڭ دامۋىنا ءاربىر ازاماتىمىزدىڭ قوسار ۇلەسى زور دەپ بىلەمىن.

مۇسىلمان ءۇشىن وتىز كۇن ورازا ۇستاۋ - ۇلىق    عيبادات. بۇل كۇندەردە ورازا ۇستاۋمەن قاتار مۇقتاج جاندارعا قايىرىمدىلىق جاساۋ دا اللا قۇزىرىنداعى ساۋابى مول امالعا جاتادى. ءيسى مۇسىلمان بالاسى قاسيەتتى رامازان ايىندا ساۋاپتان ۇمىتتەنىپ كوپتەگەن يگى ىستەر جاساۋدى ادەتكە اينالدىرعان.

كەلە جاتقان قاسيەتتى رامازان ايىندا مۇمكىندىگى بار وتانداستارىمدى اللا رازىلىعى ءۇشىن يگى ىستەردى مەيلىنشە كوبىرەك جاساۋعا شاقىرامىن. وكىنىشتىسى جىل سايىن رامازان ايى كەلۋىمەن دۇكەندەر مەن بازارلاردا ازىق-تۇلىك باعالارى كۇرت قىمباتتاپ شىعا كەلەدى. بۇل، ارينە، حالىقتىڭ ورىندى رەنىشىن تۋعىزادى. رامازان ءبىز ءۇشىن بەرەكەسى مول، اللانىڭ راحىمى مەن مەيىرىمى جاۋاتىن اي ەكەنىن ۇمىتپايىق. بۇل ايدا جاسالعان ءاربىر ىزگى امال وزگە ايلارعا قاراعاندا ساۋابى ەسەلەپ ارتاتىنى ءسوزسىز. سوندىقتان وسىناۋ مۇباراك ايدا ءتۇرلى مەكەمە باسشىلارى مەن كاسىپكەر مۇسىلمان باۋىرلارىمدى جاراتۋشى يەمىزدىڭ مەيىرىمىن تىلەپ، ازىق-تۇلىكتىڭ، قوناقۇيلەر مەن قوعامدىق قىزمەتتەردىڭ، كيىم-كەشەكتىڭ، قۇرىلىس زاتتارى مەن جانار-جاعار مايدىڭ، مەكتەپ فورماسى مەن وقۋلىقتارىنىڭ، دەمالىس لاگەرلەرى مەن شيپاجايلاردىڭ، مەيرامحانالار مەن اسحانالاردىڭ باعاسىن 10 پايىزعا ءتۇسىرىپ، جەڭىلدىك جاساۋعا شاقىرامىن. قوعامدىق كولىكتەردە ءجۇرۋ اقىسى، كوممۋنالدىق قىزمەت تولەماقىلارى مەن تەلەكوممۋنيكاتسيالىق بايلانىس تاريفتەرى  دە وسىلاي تومەندەتىلىپ، جاتسا، نۇر ۇستىنە نۇر. وتكەن 2011 جىلى  دا وسىنداي ۇندەۋ جاريالاعانىمىزدا بىزگە قولداۋ ءبىلدىرىپ، وزدەرىنىڭ ونىمدەرىنىڭ باعاسىن 10-30 پايىز اراسىندا تومەندەتكەن باۋىرلارىمىزعا اللا رازى بولسىن.

قادىرمەندى وتانداستارىم!

قاسيەتتى ايدا اللا تاعالانىڭ اشۋى مەن قاھارىن تۋدىرۋعا سەبەپشى اراق-شاراپتان، ءدىنىمىز تىيىم سالعان باسقا دا حارام ءىس-ارەكەتتەردەن اۋلاق بولايىق. رامازان ايىنىڭ قۇرمەتىنە جانە باسقا دا ايلاردا مەيرامحانالار مەن جيىن-تويلاردا ىشكىلىكتىڭ ەشبىر ءتۇرى داستارحانعا قويىلماسا جانە دۇكەندەردە ساتىلماسا. ارداقتى پايعامبارىمىزدىڭ (س.ع.س.) حاديسىندە اللا تاعالا ىشىمدىك ىشكەندى، ىشكىزگەندى، ساتقاندى، ساتىپ العاندى، سونداي-اق ونى جاساپ شىعارعاندى دا لاعىنەتتەگەن.

قۇران كارىمدە: «ەي، يمان كەلتىرگەندەر! اراق ءىشۋ، قۇمار ويناۋ، بۇتتارعا تابىنۋ جانە بال اشاتىن وقتار - لاستىق، شايتاننىڭ iستەرi. مۇراتقا جەتەم دەسەڭدەر ولاردان اۋلاق بولىڭدار», - دەلىنگەن («مايدا» سۇرەسi, 90-91 اياتتار).

بۇل ۇندەۋ بارشا ادامزات بالاسىنا مول ريزىق بەرۋشى اللا تاعالانىڭ رازىلىعىنا ءبىزدىڭ جۇرتىمىز مۇنان ءارى قاراي دا بولەنىپ، ساۋابىنا يە بولا بەرسە، بۇل ىزگى امال باسقا ايلاردا دا جالعاسسا دەگەن ىزگى ماقساتتان تۋىپ وتىر. جارىلقاۋشى ايدا ساۋاپتى امالدار - حالىققا جاقسىلىق جاساۋدىڭ وسىناۋ ورايى كەلگەن قولايلى ءساتىن مۇمكىندىگىنشە پايدالانىپ قالايىق، اعايىن!