استانا. 19 ماۋسىم. قازاقپارات - كەز كەلگەن مەملەكەتتە ءوزىنىڭ ءيميدجى مەن بەت-بەينەسى بار.

بۇل ءوز كەزەگىندە، ەلدىڭ جاعىمدى جانە جاعىمسىز جاعىنان تانىمال بولۋىنا اسەر ەتەدى. مىسالعا، اقش دوللارمەن، ماكدونالدسپەن; رەسەي گورباچەۆپەن، پۋتينمەن، قاتتى قىسىمەن، اۋعانستان ەسىرتكىمەن جانە تالىبتەرمەن اسسوتسياتسيالانادى.

ال قانداي كەيىپكەرلەر مەن وقيعالار قازاقستاندى تانىمال ەتەدى؟ بۇل سۇراققا Vلاست جۋرنالى جاۋاپ بەرۋگە تىرىسقان. باسىلىم نەگىزگى 10 برەندتى العا تارتتى. ولار:

مۇناي - قازاقستان الەم ەلدەرىندە ءبىرىنشى كەزەكتە ءدال مۇنايمەن اسسوتسياتسيالانادى. العاشقى قازاقستاندىق مۇناي 1899 جىلدىڭ قاراشاسىندا وندىرىلە باستادى. قازىر قازاقستاندا جىل سايىن 81 ميلليون توننا مۇناي شىعارىلادى. بولجامدار بويىنشا، مۇناي قورى قازاقستاندىقتارعا الداعى 50-60 جىلعا جەتەدى.

بايقوڭىر - قازاقستان اۋماعىندا ورنالاسقان الەمدەگى العاشقى جانە ەڭ ءىرى عارىش ايلاعى. «بايقوڭىردان» جەردىڭ العاشقى جاساندى سەرىگى ۇشىرىلدى، وسى جەردەن عارىشقا العاشقى ادام اتتاندى.

نۇرسۇلتان نازارباەۆ - قازاقستان پرەزيدەنتى. الەمنىڭ كوپتەگەن ادامدارىندا قازاقستان ەلدىڭ تۇڭعىش باسشىسى ن.نازارباەۆپەن اسسوتسياتسيالانادى. ول قازاق ەلىنىڭ پرەزيدەنتى بولىپ العىش رەت 1990 جىلى سايلاندى.

استانا. 19 ماۋسىم. قازاقپارات - كەز كەلگەن مەملەكەتتە ءوزىنىڭ ءيميدجى مەن بەت-بەينەسى بار.

بۇل ءوز كەزەگىندە، ەلدىڭ جاعىمدى جانە جاعىمسىز جاعىنان تانىمال بولۋىنا اسەر ەتەدى. مىسالعا، اقش دوللارمەن، ماكدونالدسپەن; رەسەي گورباچەۆپەن، پۋتينمەن، قاتتى قىسىمەن، اۋعانستان ەسىرتكىمەن جانە تالىبتەرمەن اسسوتسياتسيالانادى.

ال قانداي كەيىپكەرلەر مەن وقيعالار قازاقستاندى تانىمال ەتەدى؟ بۇل سۇراققا Vلاست جۋرنالى جاۋاپ بەرۋگە تىرىسقان. باسىلىم نەگىزگى 10 برەندتى العا تارتتى. ولار:

مۇناي - قازاقستان الەم ەلدەرىندە ءبىرىنشى كەزەكتە ءدال مۇنايمەن اسسوتسياتسيالانادى. العاشقى قازاقستاندىق مۇناي 1899 جىلدىڭ قاراشاسىندا وندىرىلە باستادى. قازىر قازاقستاندا جىل سايىن 81 ميلليون توننا مۇناي شىعارىلادى. بولجامدار بويىنشا، مۇناي قورى قازاقستاندىقتارعا الداعى 50-60 جىلعا جەتەدى.

بايقوڭىر - قازاقستان اۋماعىندا ورنالاسقان الەمدەگى العاشقى جانە ەڭ ءىرى عارىش ايلاعى. «بايقوڭىردان» جەردىڭ العاشقى جاساندى سەرىگى ۇشىرىلدى، وسى جەردەن عارىشقا العاشقى ادام اتتاندى.

نۇرسۇلتان نازارباەۆ - قازاقستان پرەزيدەنتى. الەمنىڭ كوپتەگەن ادامدارىندا قازاقستان ەلدىڭ تۇڭعىش باسشىسى ن.نازارباەۆپەن اسسوتسياتسيالانادى. ول قازاق ەلىنىڭ پرەزيدەنتى بولىپ العىش رەت 1990 جىلى سايلاندى.

قازاقستاننىڭ ەقىۇ-عا توراعالىعى جانە ەقىۇ-نىڭ استاناداعى ءسامميتى - 2010 جىلى قازاقستان تمد ەلدەرى اراسىندا ەۋروپاداعى قاۋىپسىزدىك جانە ىنتىماقتاستىق ۇيىمىنا ءبىرىنشى بولىپ توراعالىق ەتتى. توراعالىقتىڭ نۇكتەسى رەتىندە استانادا ەقىۇ ءسامميتى وتكىزىلدى. وعان ەقىۇ-عا قاتىسۋشى 56 ەلدىڭ، ىنتىماقتاستىقتاعى 12 سەرىكتەس-ەلدىڭ، سونداي-اق وزگە دە حالىقارالىق جانە وڭىرلىك ۇيىمداردىڭ باسشىلارى، ۇكىمەت باسشىلارى مەن جوعارى لاۋازىمدى تۇلعالارى قاتىستى.

"Pro Team Astana" ۆەلوكومانداسى. كوماندانىڭ تاريحي بەتتەرى الەكساندر ۆينوكۋروۆتىڭ 2006 جىلى ۆۋەلتادا جەڭىسكە جەتۋىنەن جازىلا باستادى. "Pro Team Astana" وسى ۋاقىتقا دەيىن جەكە جانە كوماندالىق سىنداردا العاشقى ورىنداردى الىپ كەلدى جانە سولاي بولىپ قالا بەرۋدە.

نەۆادا-سەمەي - 20 جىل بۇرىن قوعام قايراتكەرى ولجاس سۇلەيمەنوۆ انتيادرولىق قوزعالىس ۇيىمداستىردى. قازاق جەرىنە جانە حالقىنا قاسىرەت الىپ كەلگەن سەمەي يادرولىق پوليگونى 1991 جىلى جابىلدى.

بورات - اتتاس ءفيلمنىڭ ويدان شىعارىلعان كەيىپكەرى. كينو قازاقستان تۋرالى رەپورتاج جاساۋ ءۇشىن اقش-عا اتتانعان «قازاقستاندىق» رەپورتەر تۋرالى. ءفيلمنىڭ ستسەناريى دورەكى قالجىڭدار مەن بۇرمالانعان فاكتىلەردەن قۇرالعان، كريتيكتەر ونى كومەديا دەپ اتايدى. كارتينا الەمدە تانىمالدىلىققا يە بولدى.

2003 جىلدان باستاپ، ءار ءۇش جىل سايىن استانادا الەمدىك جانە ءداستۇرلى دىندەر كوشباسشىلارىنىڭ سەزى وتەدى.  2012 جىلى وتكەن IV سەزگە الەمنىڭ 40 ەلىنەن 87 دەلەگاتسيا قاتىستى.

7-ءىنشى قىسقى ازيا ويىندارى - 2011 جىلدىڭ قاڭتار-اقپانىندا استانا مەن الماتى قالالارىندا ءوتتى.

كوڭىلدى جانە تاپقىرلار كومانداسى - قازاقستاننىڭ العاشقى كومانداسى 2000 جىلى كۆن-نىڭ جوعارعى ليگاسىندا «قازاقستاندىق جوبا» اتاۋىمەن ويناي باستادى. ءوزىنىڭ العاشقى ويىنىندا كوماندا ەكىنشى ورىن الدى، بىراق فينالعا اقىرى شىعا المادى. 2001 جىلى قازاقستاندىق «كوڭىلدى جانە تاپقىرلار» «استانا قۇراماسى» اتالا باستادى. 2005 جىلى قايتا رەبرەندينگ جاسالىپ، ولار "استانا.kz" اتاۋىمەن ونەر كورسەتە باستادى. 2006 جىلى قاتىسۋشىلار العاش رەت جارتىلاي فينالعا ءوتىپ، ءۇشىنشى ورىن الدى. ال 2010 جىلى "كاzاحي" كۆن كومانداسى پايدا بولدى، وعان ەسكى قۇرامنىڭ مۇشەلەرى ەندى. كومانداعا جەڭىس ءۇشىن 0,6 بالل جەتپەي قالدى.