"تاليبان" راديكالدى قوزعالىسى (قازاقستاندا تىيىم سالىنعان) نيۋ-يوركتە ءوءتىپ جاتقان بۇۇ باس اسسامبلەياسىنىڭ وتىرىسىنا قاتىسۋعا جءانە ءالەم باسشىلارى الدىندا سءوز سءويلەۋگە ءوءتىنىش ءبىلدىردى. بۇل تۋرالى بۇۇ رەسمي ءوكىلى ستەفان ديۋجارريك حابارلادى.

ونىڭ سوزىنە قاراعاندا، بۇۇ باس حاتشىسى انتونيۋ گۋتەرريشكە "تاليباننان" جوعارى دەڭگەيدەگى پىكىرتالاسقا قاتىسۋ جونىندە ءوتىنىش حات كەلگەن. حات بۇۇ باس اسسامبلەياسىنا ءبىر كۇن قالعاندا ياعني، 20 قىركۇيەكتە جازىلعان. وعان اۋعانستان سىرتقى ىستەر ءمينيسترى ءامىر حان مۋتتاكي قول قويعان.

"تاليبان" حاتتا بۇۇ جيىنىنا قاتىسىپ قانا قويماي، بۇۇ-نىڭ وكىلى رەتىندە مۇحاممەد سۋحايل ءشاحيندى تاعايىندايتىنىن دا جەتكىزگەن.

حاتتا اۋعانستاننىڭ بۇرىنعى پرەزيدەنتى اشراف عاني 15 تامىزدا بيلىكتەن كەتىرىلگەندىكتەن الەم ەلدەرى ونى پرەزيدەنت رەتىندە مويىندامايتىنى جازىلعان. سول سەبەپتى قازىرگى اۋعان ەلشىسى گۋليام يساكزاي دا جيىندا اۋعانستان اتىنان سويلەي المايدى دەپ كورسەتىلگەن.

BBC سايتىنىڭ جازۋىنشا، سەيسەنبى كۇنى بۇۇ وتىرىسىندا كاتار الەم ەلدەرىن "تاليبانمەن" بايلانىس ۇزبەۋگە شاقىرعان.

ال بۇۇ وكىلىنىڭ ايتۋىنشا، گۋتەرريش 15 قىركۇيەكتە گۋليام يساكزايدان اسسامبلەيانىڭ 76-سەسسياسىنا قاتىساتىن اۋعان دەلەگاتتارىنىڭ ءتىزىمىن العان.

Abai.kz