قىرعىز دەلەگاتسياسى تاليبان ۇكىمەتىمەن كەزدەستى
قىرعىزستان رەسپۋبليكاسى قاۋىپسىزدىك كەڭەسى توراعاسىنىڭ ورىنباسارى تاالاتبەك ماسادىقوۆ كابۋلعا بارىپ، اۋعانستانداعى يسلام امىرلىگىنىڭ سىرتقى ىستەر ءمينيسترى ءامىر حان مۋتتاكيمەن كەزدەستى.
بۇل تۋرالى تاليبان ۇكىمەتىنىڭ ءباسپاسوز حاتشىسى زابيحۋللا مۋجاحيد الەۋمەتتىك جەلىدەگى پاراقشاسىندا حابارلادى.
كەزدەسۋگە پرەزيدەنت اكىمشىلىگىنىڭ سىرتقى ساياسات ءبولىمىنىڭ مەڭگەرۋشىسى جەەنبەك قۇلۋباەۆ تا قاتىستى.
مۇنداي دەڭگەيدەگى قىرعىز دەلەگاتسياسى ورتالىق ازيا ەلدەرىنىڭ ىشىندە ءبىرىنشى بولىپ تاليبان ۇكىمەتىمەن كەزدەستى.
ال، قىرعىزستاننىڭ رەسمي ورىندارى بۇل كەزدەسۋ تۋرالى ەشتەڭە ايتپادى.
Abai.kz
