رۋسلان جاقسىلىقوۆ ىشكى ىستەر ءمينيسترىنىڭ ورىنباسارى، ۇلتتىق ۇلاننىڭ باس قولباسشىسى بولىپ تاعايىندالدى. بۇل تۋرالى Tengrinews.kzكە سىلتەمە جاساپ Abai.kz حابارلايدى. 

"مەملەكەت باسشىسىنىڭ وكىمىمەن رۋسلان فاتيحۇلى جاقسىلىقوۆ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى، ۇلتتىق ۇلاننىڭ باس قولباسشىسى قىزمەتىنە تاعايىندالدى، ول قازاقستان رەسپۋبليكاسى ۇلتتىق ۇلانىنىڭ باس قولباسشىسى قىزمەتىنەن بوساتىلدى", - دەلىنگەن حابارلامادا.

رۋسلان جاقسىلىقوۆ 1966 جىلى 4 ناۋرىزدا الماتى وبلىسىنىڭ قاسكەلەن قالاسىندا قىزمەتشىلەر وتباسىندا دۇنيەگە كەلگەن.

1996 جىلى فرۋنزە اتىنداعى اسكەري اكادەميانى كوماندالىق-شتابتىق جەدەل-تاكتيكالىق اسكەري بارلاۋ ماماندىعى بويىنشا ءبىتىردى.

2004 جىلى رەسەي فەدەراتسياسى قك باس شتابى اسكەري اكادەمياسىنىڭ جوعارى اكادەميالىق كۋرسىن بىتىرگەن. ماماندىعى-مەملەكەتتىڭ اسكەري قاۋىپسىزدىگى.

2003 جىلى شىمكەنت قالالىق ءماسليحاتىنىڭ ءۇشىنشى شاقىرىلىمىنىڭ دەپۋتاتى بولىپ سايلاندى.

1987 جىلدان 2006 جىلعا دەيىن قازاقستان رەسپۋبليكاسى ءىىم ۆزۆود كومانديرىنەن ىشكى اسكەرلەر قۇراما كومانديرىنە دەيىن ءارتۇرلى لاۋازىمداردا قىزمەت اتقاردى.

2006-2007 جىلدارى-ءىىم ىشكى اسكەرلەرى قولباسشىسىنىڭ ورىنباسارى.

2007-2008 جىلدارى - قازاقستان ءىىم ىشكى اسكەرلەر قولباسشىسىنىڭ ءبىرىنشى ورىنباسارى-ىشكى اسكەرلەر باس شتابىنىڭ باستىعى.

2008 جىلعى 4 قىركۇيەكتەن باستاپ - ءىىم ىشكى اسكەرلەرىنىڭ قولباسشىسى.

2013 جىلعى 22 قاڭتاردان باستاپ - ءىىم ىشكى اسكەرلەرىنىڭ باس قولباسشىسى.

2014 جىلعى 24 ساۋىردەن باستاپ قازاقستان رەسپۋبليكاسى ۇلتتىق ۇلانىنىڭ باس قولباسشىسى.

Abai.kz