تۇران وداعىن قۇرۋ كەرەك!
تۇران ەلدەرىنىڭ تۇتاستىعىن ويلاساق، شۇعىل تۇركى ەلدەرى وداعىن قۇرۋىمىز كەرەك!
شىعىسىمىزدا قىتاي، سولتۇستىگىمىزدە رەسەي مەملەكەتتەرىمەن قۇدايى كورشى بولعاسىن، ولارمەن بىرنەشە ەكونوميكالىق جانە ىنتىماقتاستىق وداقتاردا مۇشە بولىپ وتىرمىز. الىستاعى الپاۋىت اقش-پەن دە سالەمىمىز ءتۇزۋ.
بىراق دۇربەلەڭى كوپ دۇنيە كۇندە دۇرلىگىپ تۇر.
وڭتۇستىك ازياداعى تاياۋدا تالىپتەر بيلىككە كەلگەن اۋعانستان دا الەم نازارىن اۋدارىپ، شەكاراسى جاقىن ەلدەردى قاتتى الاڭداتىپ تۇر.
ءبىز رەسەي باستاعان تمد-نىڭ ءبىراز ەلدەرىمەن ەۋرازيالىق ەكونوميكالىق وداقتا بارمىز. ەندى سول سەكىلدى تۇركى ەلدەرى وداعى دا ىرگەمىزدى بەكەمدەي تۇسۋگە بەرىك نەگىز بولار ەدى.
ەكپىنى قاتتى ەردوعان ەر باستاعان ەل باسشىلارىنىڭ موينىندا تۇگەل تۇركى مەملەكەتتەرىنىڭ تاۋەلسىزدىك تاعدىرى، تەرريتوريالىق تۇتاستىق
قاۋىپسىزدىگى تۇر!
“اقىماقتىڭ ايتقانى كەلەدى” دەگەندەي، اقىر “تۇران وداعى قۇرىلادى” دەپ ايقايلاپ جۇرگەن جيرينوۆسكيلەردىڭ ءسوزىن شىندىققا اينالدىرايىق. ول كەشە ويعا سىيمايتىن وتتاۋىن تاعى دا جاريالاپ، ورتا ازيا ەلدەرى وزدەرىن تالىپتەردەن قورعايتىن رەسەيدىڭ گۋبەرنيالارىنا اينالۋى كەرەك دەپ سوقتى…
تاعى دا قاداپ تۇرىپ، قايتالاپ ايتامىز، تاۋەلسىز تۇركى ەلدەرى ءۇشىن قازىر ەڭ باستى ماقسات - تۇركى وداعىن قۇرۋ!
ەڭ بولماسا، تۋىس ەلدەردىڭ تۇتاسۋىن وزگەدەن سۇراماي ءوزىمىز شەشە الاتىن شىعارمىز دەپ ۇمىتتەنەمىز.
ەل امان، جۇرت تىنىش بولىپ، تاۋەلسىزدىگىمىزدىڭ كوك تۋى كوكتە ماڭگى جەلبىرەي بەرسىن!
قازىبەك يسا
Abai.kz
