«...رەتى  كەلگەندە ءبىر ماسەلەنى ايتا كەتەيىن، كەيدە مەن تاڭ قالامىن. قازاقستانداعى ورىستاردىڭ جاعدايى ناشار ەكەن دەپ رەسەيلىك جۋرناليستەر ماعان سۇراقتار قويىپ جاتادى. ال رەسەيدەگى قازاقتاردىڭ جاعدايى قانداي ەكەن دەپ  ەشكىم سۇراق قويمايدى. مىسالى، رەسەيدىڭ باسشىلارى، پارلامەنتتىڭ جەتەكشىلەرى كەلىپ جاتادى، سىزدەر جۋرناليستەر سولارعا: «ومبىداعى قازاقتاردىڭ مەكتەبى جابىلىپ قالدى، ولاردىڭ وقۋلىقتارى جوق، قازاق ءتىلى قۇرىپ بارا جاتىر، قازاقتىڭ ازاماتتارى ەشبىر اكىمشىلىك جۇمىسقا كىرىكپەي قالدى»، - دەپ نەگە سۇراق قويمايسىڭدار. نە ورتالىق ازيادا، نە رەسەيدە ەشكىم وسىنداي سۇراق قويمايدى. ءبىز باياعى باسىمىز سالبىراپ جۇرە بەرەتىن ادەتىمىزبەن كەلە جاتىرمىز...»

ءسوز ەگەسى - ەلباسى، ءسوز جۇيەسى - جۋرناليستەرگە! پرەزيدەنتتىڭ ارىرەكتە ايتىلعان بۇل كەسىمدى پىكىرىن اراگىدىكتە قايتا ەسكە الىپ قويۋدىڭ ارتىقتىعى بولماس دەپ ويلايمىز. نەگە؟ ونى تاعى ويلانۋ كەرەك...

«...رەتى  كەلگەندە ءبىر ماسەلەنى ايتا كەتەيىن، كەيدە مەن تاڭ قالامىن. قازاقستانداعى ورىستاردىڭ جاعدايى ناشار ەكەن دەپ رەسەيلىك جۋرناليستەر ماعان سۇراقتار قويىپ جاتادى. ال رەسەيدەگى قازاقتاردىڭ جاعدايى قانداي ەكەن دەپ  ەشكىم سۇراق قويمايدى. مىسالى، رەسەيدىڭ باسشىلارى، پارلامەنتتىڭ جەتەكشىلەرى كەلىپ جاتادى، سىزدەر جۋرناليستەر سولارعا: «ومبىداعى قازاقتاردىڭ مەكتەبى جابىلىپ قالدى، ولاردىڭ وقۋلىقتارى جوق، قازاق ءتىلى قۇرىپ بارا جاتىر، قازاقتىڭ ازاماتتارى ەشبىر اكىمشىلىك جۇمىسقا كىرىكپەي قالدى»، - دەپ نەگە سۇراق قويمايسىڭدار. نە ورتالىق ازيادا، نە رەسەيدە ەشكىم وسىنداي سۇراق قويمايدى. ءبىز باياعى باسىمىز سالبىراپ جۇرە بەرەتىن ادەتىمىزبەن كەلە جاتىرمىز...»

ءسوز ەگەسى - ەلباسى، ءسوز جۇيەسى - جۋرناليستەرگە! پرەزيدەنتتىڭ ارىرەكتە ايتىلعان بۇل كەسىمدى پىكىرىن اراگىدىكتە قايتا ەسكە الىپ قويۋدىڭ ارتىقتىعى بولماس دەپ ويلايمىز. نەگە؟ ونى تاعى ويلانۋ كەرەك...

ال، قازىر ءبىزدى باسقا ساۋال قىزىقتىرادى: قازاق جۋرناليستەرىنە نە قاجەت؟ قازاق جۋرناليستەرىنەن قوعامعا نە قاجەت؟ بىزدىڭشە، ەكى جاق تا ءوز قاجەتتىلىكتەرىن وتەي الماي وتىرعان سياقتى. اگاراكي، قازاق جۋرناليستەرى قوعام قاجەتتىلىگىن تولىققاندى تاۋىپ بەرىپ وتىرعان بولسا، جوعارعى ءسوز ەگەسى - ەلباسى وسىلاي دەيتىن بە ەدى؟.. دەيسىڭ، دەيسىڭ دە قوياسىڭ! نەمەسە قازاق جۋرناليستەرىنە نە كەرەك ەدى، كەرەگىن تاۋىپ ءجۇر مە؟ بالاباقشا كەزەگى ءۇشىن بولعان داۋ تۋرالى وبەكتيۆتى ماقالا جازىپ وتىرىپ، ۇيگە قاماپ كەتكەن ۇلىڭدى ويلاپ قوياسىڭ... ۇلەسكەردىڭ ۋشىققان ماسەلەسىنە زەرتتەۋ جۇرگىزىپ كەلە جاتىپ، «وجەتتەگى» سىز ساسىعان جازدىق ءۇيدىڭ پاتەراقىسىن تولەيتىن كۇن كەلىپ قالعانى ەسىڭە تۇسەدى... الىس اۋىلداعى اۋىز سۋعا، جولدى جوندەۋگە بولىنگەن قاراجاتتىڭ قولدى بولىپ كەتكەنى جايلى شاعىم-حاتتى  قورىتىپ ءبىتىپ، اۋزى-مۇرنىنان شىققان اۆتوبۋسپەن، تاۋسىلىپ بىتپەيتىن تىعىندا ۇيگە قايتىپ باراسىڭ تاعى... قايتىپ بارا جاتىپ «قازاق جۋرناليستەرىنە نە قاجەت ەدى» وسى دەپ ويلانىپ قوياسىڭ. وتكەن مەرەكەمىزدە دە مەنى وسى سۇراق ىشتەي قاجاپ، شارشاتىپ تۇردى. ال، سەن نە ويلادىڭ، ارىپتەس؟

«اباي-اقپارات»