قازاقستان جۇمىسسىزدىق دەڭگەيى بويىنشا ەۋرازيا ەكونوميكالىق وداق ەلدەرى ىشىندە الدىڭعى قاتاردا تۇر. ەاەو كوميسسياسى بەرگەن ستاتيستيكاعا سۇيەنسەك، رەسپۋبليكادا جۇمىسپەن قامتۋ ورتالىعىنا تىركەلگەندەر سانى ءبىر جىلدا، ياعني 2020 جىلدىڭ تامىزىنان 2021 جىلدىڭ تامىزىنا دەيىن، 1,6%-عا ءوسىپ، جۇمىسسىزدار قاتارى 222,6 مىڭ ادامعا جەتكەن. بۇل جالپى جۇمىس كۇشىنىڭ 2,4 پايىزى ەكەن.

ال، قىرعىزستاندا بيىل جۇمىسسىزدىق دەڭگەيى 2,4%-عا ارتىپ، جۇمىس كۇشىنىڭ 3,1% قۇرادى. ەسەپپەن 80,5 مىڭ ادام جۇمىسسىز بولىپ سانالادى. ەندەشە جۇمىسسىزدىق ماسەلەسى جونىنەن قىرعىز ەلى كوشتى باستاپ، ءبىز قوشتاپ تۇر ەكەنبىز.

ودان كەيىنگى ورىندا ارمەنيا تۇر. مۇندا جۇمىسسىز رەتىندە تىركەلگەندەر سانى 60,8 مىڭ ادامعا جەتىپ، ءبىر جىلدا 1,2%-عا كوبەيگەن.
رەسەيدە جانە بەلورۋسسيادا كەرىسىنشە جۇمىسسىزدىق دەڭگەيى بىلتىرعى كورسەتكىشتەن الدەقايدا ازايعان. رەسەيدە جۇمىسسىزدار قاتارى 984,5 مىڭ ادام (جۇمىس كۇشىنىڭ 1,3%) بولسا، بەلورۋسسيادا 7,6 مىڭ (جۇمىس كۇشىنىڭ 0,2%) ادام. ستاتيستيكا بويىنشا رەسەيدە جۇمىسسىزدىق دەڭگەيى 73%-عا، بەلورۋسسيادا 23,2%-عا كەمىدى.

جالپى وداق ەلدەرى بويىنشا رەسمي تىركەلگەن جۇمىسسىزدار سانى – 1,4 ملن ادام جانە بىلتىرعى كورسەتكىشتەن ءۇش ەسە از.

قازاقستانداعى جۇمىسسىزدىق دەڭگەيى بيىلعى ماۋسىم ايىنداعى كورسەتكىش بويىنشا 20,9%-دى كورسەتتى. بۇل – ەۋرازيالىق ەكونوميكالىق وداقتىڭ وزگە ەلدەرىندەگى جۇمىسسىزدىق دەڭگەيىمەن سالىستىرعاندا قازاقستاننىڭ جاعدايى ءماز ەمەس ەكەنىن ايقىن كورسەتتى.

ايجان تەمىرحان

Abai.kz