رەسەي ءباسپاسوزى قازاقتى، قازاقتىڭ ءتىلىن توپەپ جاتىر. ءتىپتى ۇلتشىلداردىڭ دا ءتىزىمىن جاساپتى. ونىڭ ىشىندە مينيستر ايماعامبەتوۆتەن باستاپ، قازىبەك يسا، بەرىك ابدىعاليۇلى جانە باسقا دا ازاماتتار بار.
ماقالانىڭ ءبىرسىپىراسىن قاراپ شىقتىم. ءبىر اپتادان بەرى ونداعان ماقالا جارىق كورگەن. از ەمەس. رەسەيدىڭ كەيبىر سايتتارى قازاقستاننىڭ قاي ايماعىنىڭ قانشا پايىزى ورىسشا سويلەيدى، وعان دەيىن كورسەتكەن. شىندىققا ساي ەمەس، ءبىز بىلمەيتىن نانىمسىز دەرەكتى ولار قايدان العان؟

ەندى سوڭعى ون كۇندە رەسەي باسپاسوزىندە جاريالانعان ماقالالاردىڭ ءبىرسىپىراسىن تىزەيىن:
1.«نە زابىۆايتە، كتو ۆى تۋت» ۆ كازاحستانە وبياۆيلي ۆوينۋ رۋسسكومۋ يازىكۋ. پوچەمۋ ەگو سچيتايۋت ۋگروزوي دليا سترانى؟
2.يازىكوۆىە پاترۋلي ۆ كازاحستانە ناپومينايۋت «موۆنيە پاترۋلي» نا ۋكراينە
3.ترەتي پوشيول: سشا زادەيستۆوۆالي كازاحستان ۆ پروەكتە «انتي-روسسيا»
4.كازاحستانسكي پوليتولوگ: نەلزيا ۆنەدريات كازاحسكي يازىك، زاپرەششايا رۋسسكي
5.نەمايا ستەپ: چتو جدەت كازاحستان بەز رۋسسكوگو يازىكا. پارلامەنت سترانى پوشەل پو پوۆودۋ ۋ راديكالنىح ناتسيوناليستوۆ.
6.پارلامەنت كازاحستانا رەشيل پەرەۆەستي ۆسە ۆىۆەسكي، مەنيۋ ي ۋكازاتەلي تولكو نا كازاحسكي يازىك.

...بۇلار نەگە قويمايدى؟! ءتىپتى وپپوزيتسياداعى جۋرناليست گۇلجان ەرعاليەۆانىڭ ءوزى شىداماي كەتسە كەرەك، «روسسيسكيە سمي پروستو زاكيدالي ستاتيامي پرو «پاترۋل احمەتوۆا»... سكولكو موجنو؟ لۋچشە پريشليتە ك نام گاسترولي بولشوي تەاتر –بولشە پولزى بۋدەت» دەپ جازىپتى.
قازاقستاندىق «ەۆرازيا» تەلەارناسىنىڭ ءجۋرناليسى ولەگ جۋركەۆيچ رەسەيدىڭ باق وكىلىنە بەرگەن سۇحباتىندا «ەلىمىزدەگى مەملەكەتتىك تىلگە قاتىستى بولىپ وتىرعان جاعدايدان شوشىنۋدىڭ قاجەتى جوق» دەسە، بەلگىلى زاڭگەر جانگەلدى سۇلەيمەنوۆ ماجىلىستە ماقۇلدانعان «اۋىل اتاۋىنان باستاپ، اس مازىرىنە دەيىن قازاق تىلىندە بولۋى كەرەكتىگى» تۋرالى زاڭ جوباسىنا قارسى. ورىس جۋركەۆيچ قازاقتىڭ ساياساتىن جاقتايدى، قازاق جانگەلدى ماقتامايدى. قيسىنسىز.
«قازاقتىڭ ءتىلى – قازاقتىڭ جانى! - دەدى مەملەكەت باسشىسى قاسىم-جومارت توقاەۆ.
الاش كوسەمى ءاليحان «عۇمىر بايگەسىندە ءبىزدىڭ قازاق ءتىلى دە ءوز بايگەسىن الار»، – دەپ ەدى.
... قايتەمىز؟ قايتپەك كەرەك ەندى؟ دۇرىسى، قازاقشا وقىسىن، بالالارىمىزدى ءبارىمىز قازاق مەكتەبىنە بەرەيىك.
...بىزگە ۇلتتىق بىرلىك كەرەك، وسى باعىتتا ىنتىماق، تىرلىك كەرەك.
ەندەشە انا تىلىندە سويلەيىك!

بەرىك بەيسەنۇلى

Abai.kz