بيىل مەملەكەت باسشىسى قاسىم-جومارت كەمەلۇلى توقاەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا عىلىم سالاسىنداعى ماسەلەلەرگە توقتالىپ ءوتتى.

مەملەكەت باسشىسى ق.ك. توقاەۆ بيىلعى جىلدىڭ سوڭىنا دەيىن عىلىم تۋرالى زاڭناماعا وزگەرىستەر ەنگىزۋدى تاپسىردى. بۇل وزگەرىستەر مەن تۇزەتۋلەر عالىمدارعا تۇراقتى جانە لايىقتى جالاقى بەرۋ ماسەلەسىنە باعىتتالۋى كەرەك. وسى ماقساتتا جەتەكشى عالىمداردىڭ جالاقىسى بازالىق قارجىلاندىرۋعا ەنگىزىلىپ، ىرگەلى زەرتتەۋلەرمەن اينالىساتىن عىلىمي ينستيتۋتتاردى تىكەلەي قارجىلاندىرىلۋى قاجەت.

قر ءبىلىم جانە عىلىم مينيسترلىگىنە عزي-دى ىرىكتەۋ مەن قارجىلاندىرۋدىڭ ناقتى ءارى اشىق قاعيدالارىن دايىنداۋ جۇمىسى تاپسىرىلدى. عىلىمي-زەرتتەۋ جۇمىستارىن گرانتتىق قارجىلاندىرۋ وسىعان دەيىن ءۇش جىل ارالىقتا ورىندالاتىن بولسا، جولداۋعا سايكەس ونىڭ مەرزىمى ەندىگى كەزەكتە بەس جىلعا ۇزارتىلۋى ءتيىس. ويتكەنى، عىلىمي-زەرتتەۋ جۇمىسىنىڭ ناقتى جانە تولىمدى ناتيجەسىن كورسەتۋ ءۇشىن، ءارتۇرلى ەپيدەميولوگيالىق، ادامي فاكتوردىڭ، ەسەپ قۇجاتتارىنىڭ تاپسىرىلۋىنا بايلانىستى عىلىمي جۇمىستىڭ ۋاقىتى شەكتەلۋى مۇمكىن. سوندىقتان عىلىمي-زەرتتەۋدىڭ جاڭا وزگەرىستەرى وعان سەرپىن بەرۋى ىقتيمال. سونداي-اق قر عىلىم تۋرالى زاڭىندا ۇلتتىق عىلىمي كەڭەستىڭ شەشىمدەرىن اپپەلياتسياعا بەرۋ مۇمكىندىگى دە قاراستىرىلۋى قاجەت. عىلىمي جوبالارى وتپەگەن زەرتتەۋشىلەر توبى ءوز جۇمىسىنىڭ لايىقتى ىرىتەلۋىنە جانە باعالانۋىنا مۇمكىندىكتى تەڭ الۋى ءتيىس.

پرەزيدەنت اتاپ وتكەندەي، ەلىمىزدىڭ ءبىلىم مەن عىلىم سالاسىنىڭ الدىندا اۋقىمدى مىندەت تۇر. ول وسى باعىتتا جاڭا بەلەستەردى باعىندىرىپ قانا قويماي، ءبىر قادام العا ءجۇرىپ، تىڭ ترەندتەردى قالىپتاستىرۋ. ال مەملەكەتتىڭ قازىرگى قولداۋى الدا ۇلكەن جۇمىس اتقارىپ، عالىمداردى جاڭا يدەيالار مەن جاڭالىقتارعا، ۋاكىلەتتى ورگاندى عىلىمي قوعامداستىقپەن ءىس-قيمىل ارقىلى وسى سالانى جاڭعىرتۋعا مۇمكىندىكتەر اشادى.

جالپى، ەلىمىزدە جولداۋ 1997 جىلدان بەرى حالىق نازارىنا ۇسىنىلىپ كەلەدى. وسىعان دەيىن پارلامەنت پالاتالارىنىڭ جيىنىندا، تىكەلەي ەفيردە جانە رەسپۋبليكالىق باسىلىمداردا بارلىق سانى 23 جولداۋ جاريالانعان ەكەن. ەلىمىزدىڭ ىشكى-سىرتقى ساياساتىنىڭ باسىمدىقتارى، ينستيتۋتسيونالدىق نەگىزى جولداۋلار، ۇزاقمەرزىمدى ستراتەگيالىق باعدارلامالارىنا سايكەس انىقتالادى. كەيىنگى جىلدارداعى جولداۋلار 2012 جىلى قابىلدانعان «قازاقستان-2050» ستراتەگياسىنىڭ جەكەلەي باعىتتارىنا ارنالىپ كەلەدى. الەۋمەتتىك، دەموگرافيالىق تاقىرىپ، انا مەن بالا، ءبىلىم مەن دەنساۋلىق ماسەلەلەرى ءار جولداۋدا مىندەتتى تۇردە قامتىلادى. بىراق ءار جىلدىڭ ەرەكشەلىگىنە قاراي ينفراقۇرىلىمدىق-ەكونوميكالىق، وندىرىستىك، مەملەكەتتىك باسقارۋ سالاسى نەمەسە رۋحاني-مادەني دامۋ باعىتتارىنا باسىمدىق بەرىلىپ وتىرادى.

دياس تاستانبەكوۆ، حيميك

Abai.kz