پەتروپاۆل قالاسىنداعى №2 ورتا مەكتەپ جابىلاتىن بولدى. قالالىق اكىمدىكتىڭ قاۋلىسىندا مەكتەپتىڭ الەمدى جايلاعان ەكونوميكالىق داعدارىسقا قارسى شارالار اياسىندا بيۋدجەت قارجىسىن  ۇنەمدەۋ قاجەتتىگىنە بايلانىستى جانە مەكتەپتەردى وقۋشىلارمەن تولتىرىپ، وڭتايلاندىرۋ ماقساتىندا №8 مەكتەپكە قوسۋ جولىمەن قايتا جاساقتالاتىنى جازىلعان. مۇنداي ۇسىنىستى وبلىستىق ءبىلىم باسقارماسى ايتىپتى. ال قالالىق ءبىلىم ءبولىمىنىڭ حاتىندا مەكتەپ ديرەكتورى مۇعالىمدەردى جۇمىسقا ورنالاستىرۋ تۋرالى شارالار جوسپارىن جاساۋعا مىندەتتەلىپتى. وسى قۇجاتتار قولىنا تيگەن كۇنى-اق مەكتەپ ديرەكتورى ليۋدميلا بۋينوۆا اتا-انالار جينالىسىن شاقىرىپ، ولاردى وسى جاڭالىقتان قۇلاعدار ەتتى.
جينالىسقا كەلگەن 300-دەي اتا-انا بۇل ءسوز قۇلاقتارىنا تيە سالىسىمەن، ورە تۇرەگەلىپ، قارسىلىقتارىن ءبىلدىردى. بۇل مەكتەپتىڭ بالالارىن №8 مەكتەپ قابىلدايدى دەگەن باسۋ ايتىلعانىمەن، كوپشىلىك ونىڭ الىس ەكەنىن، ەكى اۆتوبۋسپەن ارەڭ جەتەتىندەرىن، قىستىڭ كوزى قىراۋدا كىشكەنتاي بالالارعا ءتىپتى قيىن بولاتىنىن، چەرەمۋشكي اۋدانىندا بۇدان باسقا مەكتەپ جوق ەكەنىن العا تارتتى. شىنىندا دا، بۇل اۋداندا وسىدان باسقا مەكتەپ جوق جانە ويقالانىڭ بالالارى دا №2 مەكتەپكە قاتىناپ وقيدى.

پەتروپاۆل قالاسىنداعى №2 ورتا مەكتەپ جابىلاتىن بولدى. قالالىق اكىمدىكتىڭ قاۋلىسىندا مەكتەپتىڭ الەمدى جايلاعان ەكونوميكالىق داعدارىسقا قارسى شارالار اياسىندا بيۋدجەت قارجىسىن  ۇنەمدەۋ قاجەتتىگىنە بايلانىستى جانە مەكتەپتەردى وقۋشىلارمەن تولتىرىپ، وڭتايلاندىرۋ ماقساتىندا №8 مەكتەپكە قوسۋ جولىمەن قايتا جاساقتالاتىنى جازىلعان. مۇنداي ۇسىنىستى وبلىستىق ءبىلىم باسقارماسى ايتىپتى. ال قالالىق ءبىلىم ءبولىمىنىڭ حاتىندا مەكتەپ ديرەكتورى مۇعالىمدەردى جۇمىسقا ورنالاستىرۋ تۋرالى شارالار جوسپارىن جاساۋعا مىندەتتەلىپتى. وسى قۇجاتتار قولىنا تيگەن كۇنى-اق مەكتەپ ديرەكتورى ليۋدميلا بۋينوۆا اتا-انالار جينالىسىن شاقىرىپ، ولاردى وسى جاڭالىقتان قۇلاعدار ەتتى.
جينالىسقا كەلگەن 300-دەي اتا-انا بۇل ءسوز قۇلاقتارىنا تيە سالىسىمەن، ورە تۇرەگەلىپ، قارسىلىقتارىن ءبىلدىردى. بۇل مەكتەپتىڭ بالالارىن №8 مەكتەپ قابىلدايدى دەگەن باسۋ ايتىلعانىمەن، كوپشىلىك ونىڭ الىس ەكەنىن، ەكى اۆتوبۋسپەن ارەڭ جەتەتىندەرىن، قىستىڭ كوزى قىراۋدا كىشكەنتاي بالالارعا ءتىپتى قيىن بولاتىنىن، چەرەمۋشكي اۋدانىندا بۇدان باسقا مەكتەپ جوق ەكەنىن العا تارتتى. شىنىندا دا، بۇل اۋداندا وسىدان باسقا مەكتەپ جوق جانە ويقالانىڭ بالالارى دا №2 مەكتەپكە قاتىناپ وقيدى.
№8 مەكتەپ ءارى كەتسە 320 بالانى عانا قابىلداي الادى ەكەن. باسقالارىن ورنالاستىرۋ ءۇشىن قالالىق ءبىلىم ءبولىمى دالادا قالعان وقۋشىلاردى №7, №9 جانە №14 مەكتەپتەرگە ءبولىپتى. بىراق  بالاسىن №7 مەكتەپكە ورنالاستىرۋعا بارعان اتا-انالاردىڭ ايتۋىنشا، ونداعىلار: «ءبىز باسقالاردىڭ قاتەسىن تۇزەتۋگە مىندەتتى ەمەسپىز»، – دەپ شىعارىپ سالعان كورىنەدى.
بىلتىر قالاداعى قازاق مەكتەپتەرىندە ورىن بولماعاندىقتان، جەرگىلىكتى بيلىكتىڭ شەشىمىمەن №7, №10 مەكتەپتەردە جانە وسى مەكتەپتە قازاق 1-سىنىپتارى اشىلعان ەدى. سول سىنىپتىڭ اتا-انالارى: «بۇل مەكتەپتى ءبارىبىر جاباتىن بولسا، نەسىنە قازاق سىنىبىن اشقان؟ بالالارىمىزدىڭ ءبىر جىلدان كەيىن باسقا مەكتەپكە ءماجبۇرلى تۇردە اۋىستىرىلاتىنىن بىلسەك، مۇندا بەرمەس ەدىك قوي. مۇمكىن ءتىپتى ورىس مەكتەبىنە بەرە سالار ما ەدىك؟ ءبۇيتىپ كوشىپ-قونىپ ءجۇرىپ العان ءبىلىم ءبىلىم بولا ما؟» – دەپ رەنجيدى.
اتا-انالار بىرنەشە جىل بويى بىرگە وقىپ ۇيرەنىپ قالعان بالالارىنىڭ جان-جاققا شاشىراماي، وقۋدى بىرگە جالعاستىرعانىن قالايدى. ولار بيىل مەكتەپتىڭ 90 جىلدىق مەرەيتويى قارساڭىندا  جوندەۋ جۇمىستارىن جۇرگىزىپتى، ويىن الاڭىن قالپىنا كەلتىرىپتى. 
بۇل مەكتەپتە اقىل-ەسى كەم بالالارعا ارنالعان تۇزەتۋ سىنىپتارى دا بار. وندا ارنايى ماماندار جۇمىس ىستەيدى. ۇجىمدا ءۇش جوعارى ءبىلىمى بار مۇعالىمدەر دە ساباق بەرەدى. سويتكەن ماماندار (بارلىعى 58 ادام) ەندى جۇمىسسىز قالامىز دەپ ابىرجۋلى.
وسى ماسەلەنىڭ ءمان-جايىن بىلمەك بولىپ وبلىستىق ءبىلىم باسقارماسىنىڭ باستىعى تەمىرعالي ابىلماجىنوۆكە حابارلاسقانىمىزدا، ول دەمالىستا ەكەنىن، ەشتەڭە بىلمەيتىنىن عانا العا تارتتى. ال قالالىق وقۋ ءبولىمىنىڭ باستىعى گۇلجان التىنبەكوۆا  مەكتەپتىڭ جابىلاتىنىن راستادى. ونىڭ ايتۋىنشا، عيمارات پەداگوگ كادرلاردى قايتا دايارلاۋ جانە بىلىكتىلىگىن ارتتىرۋ ينستيتۋتىنا بەرىلەدى. ويتكەنى ءبىلىم جانە عىلىم مينيسترلىگىنەن قولدا بار عيماراتتاردى بارىنشا ءتيىمدى پايدالانۋ، وڭتايلاندىرۋ كەرەكتىگى جايىندا حات كەلىپتى. ال №2 مەكتەپتەگى بالالار ورنالاستىرىلاتىن №8, №9, №7 جانە №14 مەكتەپتەرگە ارنايى اۆتوبۋس باعىتى اشىلماق. تەك قالانىڭ ەڭ شەتىندەگى
20-ىقشاماۋداندا ورنالاسقان №9 مەكتەپكە عانا اۆتوبۋس قاتىنامايدى. «ويتكەنى ول مەكتەپكە ءبارىبىر ساباققا جەلكەلەرى جار بەرمەي ارەڭ-ارەڭ كەلىپ جۇرگەن كەشكى مەكتەپتىڭ وقۋشىلارى جىبەرىلەدى»، – دەيدى ءبىلىم ءبولىمىنىڭ باستىعى.
گۇلجان التىنبەكوۆا مۇعالىمدەردىڭ دە، تەحنيكالىق قىزمەتشىلەردىڭ دە بىردە-بىرەۋى قىسقارتىلمايدى، ءوز وقۋشىلارى باراتىن مەكتەپتەرگە جۇمىسقا ورنالاستىرىلادى دەپ سەندىردى. ءسويتىپ، ونىڭ ايتۋىنشا، وقۋشىلاردىڭ دەنى اۋىستىرىلايىن دەپ وتىرعان №8 مەكتەپتە بۇعان دەيىن ديرەكتوردىڭ ورىنباسارى بەسەۋ بولسا، ەندى سەگىزگە جەتكىزىلدى. ياعني وقۋ ءىسى بويىنشا، تاربيە ءىسى جونىندە، عىلىمي ىستەر بويىنشا جانە بەيىمدىك ءبىلىم بويىنشا ورىنباسارلار قوس-قوستان بولادى.

سولتۇستىك قازاقستان وبلىسى،
«جاس قازاق» گازەتى، №27, 10.08.2009