قازاقستان حالقى اسسامبلەياسىنا قاراستى قازاقستان ۇيعىرلارى رەسپۋبليكالىق مادەني ورتالىعى الماتى وبلىسىنداعى جاپپاي توبەلەستەن زارداپ شەككەن بالاعا بۇكىل كومەكتى كورسەتۋگە ءازىرمىز دەپ مالىمدەدى. 

«قۇرمەتتى قازاقستان ازاماتتارى! پانفيلوۆ اۋدانىنىڭ پەنجىم اۋىلىندا 27 قازاندا بولعان وقيعا بۇقارالىق اقپارات قۇرالدارىندا جانە الەۋمەتتىك جەلىلەردە بەلگىلى ءبىر رەزونانس تۋدىردى.

وكىنىشكە قاراي، جەرگىلىكتى مەكتەپتىڭ 9-10 سىنىپ وقۋشىلارى اراسىنداعى توبەلەستەن ۇلداردىڭ ءبىرى - نۇربول ءادىلحان اۋرۋحاناعا ءتۇستى.

ءبىز، «قازاقستان ۇيعىرلارى رەسپۋبليكالىق مادەني ورتالىعىنىڭ» باسشىلارى ءجاسوسپىرىمنىڭ اتا-اناسىنا شىن جۇرەكتەن قايعىرىپ، ونى ەمدەۋ مەن وڭالتۋعا قاجەتتى كەز كەلگەن كومەكتى كورسەتەمىز.

ەكىنشى جاعىنان، ءبىز، ورىن العان بۇل وقيعانى، الەۋمەتتىك جەلىلەردە ەتنوسارالىق جانجال رەتىندە كورسەتۋگە تىرىسۋدان باس تارتامىز. يا، 28 قازانعا قاراعان ءتۇنى اۋىلدىڭ كەيبىر تۇرعىندارى ۇيلەر مەن كولىكتەردىڭ تەرەزەلەرىنە تاس لاقتىرىپ، ۇساق بۇزاقىلىققا جول بەردى.

سونىمەن قاتار الەۋمەتتىك جەلىلەردە اتالمىش ەتنوسارالىق قاقتىعىستار تۋرالى تاراپ جاتقان قاۋەسەتتەردىڭ ەشقانداي نەگىزى جوق ەكەنىن جاۋاپكەرشىلىكپەن مالىمدەيمىز.

الماتى وبلىسى باسشىلىعىنىڭ، قۇقىق قورعاۋ ورگاندارى مەن قازاقستان حالقى اسسامبلەياسى مۇشەلەرىنىڭ جەدەل ءىس-قيمىلدارىنىڭ ناتيجەسىندە اۋىلدا قوعامدىق قاۋىپسىزدىك، ازاماتتاردىڭ بەيبىتشىلىگى مەن تىنىشتىعى قامتاماسىز ەتىلدى.

قازاقستان حالقى اسسامبلەياسى توراعاسىنىڭ قوعامدىق ورىنباسارى ز.كۋزيەۆ، قازاقستان ۇيعىرلارى رەسپۋبليكالىق مادەني ورتالىعىنىڭ وكىلدەرى پەنجىم اۋىلىندا جانە جيگيت-بەشيمەن بىرگە بيلىك پەن پوليتسياعا وسى وقيعانى شەشۋگە كومەكتەسۋدە. ءبىز توبەلەسكە جانە ارانداتۋشىلىققا قاتىسى بار ادامداردىڭ بارلىعى زاڭعا سايكەس جازالاناتىنىنا سەنىمدىمىز.

ءبىز ازاماتتاردى سابىرلىق ساقتاۋعا، رەسمي اقپاراتقا سەنۋگە جانە ءارتۇرلى جالعان حابارلامالارعا، الەۋمەتتىك جەلىلەردەگى قىزۋقاندىلىققا بوي الدىرماۋعا شاقىرامىز! پانفيلوۆ اۋدانىنىڭ قازاقتارى مەن ۇيعىرلارى جاقسى قارىم-قاتىناستاردى، كوپجىلدىق دوستىقتى، باۋىرلاستىق بايلانىستاردى باعالايدى جانە «زياندى ارانداتۋشىلار» وسى وقيعانى پايدالانىپ، اراداعى دوستىققا سىزات تۇسىرۋگە جول بەرمەيدى»، دەيدى ولار ءوز مالىمدەمەسىندە.

27-قازان كۇنى پەنجىم اۋىلىنداعى مەكتەپ وقۋشىلارى اراسىندا توبەلەس بولىپ، ارتى ۇلكەن داۋعا ۇلاسقان ەدى،

Abai.kz