قاسىم-جومارت توقاەۆ رەجەپ تايپ ەردوعانعا جولداعان جەدەلحاتىندا تۇركيانىڭ ۇلتتىق مەيرامى – رەسپۋبليكا كۇنىمەن شىن جۇرەكتەن قۇتتىقتاپ، قازاقستان حالقىنىڭ جانە جەكە ءوز اتىنان ىزگى نيەتىن جەتكىزدى.

قازاقستان پرەزيدەنتى بۇگىندە تۇركيانىڭ ساياسي، الەۋمەتتىك-ەكونوميكالىق جانە مادەني-گۋمانيتارلىق باعىتتا وراسان تابىستارعا قول جەتكىزگەنىن، وڭىرلىك جانە جاھاندىق ماڭىزى زور ماسەلەلەردى شەشۋدەگى بەلسەندىلىگى مەن تاباندىلىعى ارقىلى الەمدىك ساحنادا لايىقتى ورىنعا يە بولعانىن اتاپ وتكەن. سونداي-اق قاسىم-جومارت توقاەۆ قۋاتتى انادولى ەلىنىڭ ارمانىن ارقالاعان ساياساتكەر رەجەپ تايپ ەردوعاننىڭ ەڭبەگى ءاردايىم جەمىستى بولۋىنا تىلەكتەستىك بىلدىرگەن.

 "قازاقستان مەن تۇركيا اراسىندا قالىپتاسقان ءداستۇرلى دوستىق پەن ءوزارا قولداۋعا نەگىزدەلگەن سان قىرلى سالالارداعى ستراتەگيالىق ارىپتەستىگىمىز بولاشاقتا ءوزىنىڭ جالعاسىن تاۋىپ، باۋىرلاس حالىقتارىمىزدىڭ يگىلىگى ءۇشىن قارقىندى دامي بەرەتىنىنە كامىل سەنەمىن. سىندارلى دا مازمۇندى ەكىجاقتى ديالوگىمىزدى جالعاستىرۋ جانە سەرىكتeستىگىمىزگە تىڭ سەرپىن بەرۋ جولدارىن تالقىلاۋ ءۇشىن جۋىق ارادا وزىڭىزبەن تۇركىتىلدەس مەملەكەتتەرى ىنتىماقتاستىعى كەڭەسىنىڭ 8-ءشى سامميتىندە جۇزدەسۋدى اسىعا كۇتەمىن. وسى مۇمكىندىكتى پايدالانىپ، قىمباتتى باۋىرىم، سىزگە سارقىلماس كۇش-قۋات، جاۋاپتى قىزمەتىڭىزگە تولاعاي تابىس، ال تۇرىك اعايىندارىما باياندى وركەندەۋ مەن قۇت-بەرەكە تىلەيمىن", – دەپ جازىلعان جەدەلحاتتا.

Abai.kz