قازاقستان اقش ادىلەت مينيسترلىگىنە نۇر-سۇلتان اكىمىنىڭ بۇرىنعى ورىنباسارى قانات سۇلتانبەكوۆتى ەكستراديتسيالاۋ تۋرالى ءوتىنىش جولدادى. بۇل تۋرالى باس پروكۋرور عيزات نۇرداۋلەتوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتتى. 

ول سىبايلاس جەمقورلىققا قارسى قىزمەتتىڭ سۇراۋى بويىنشا "استانا LRT" كومپانياسىنىڭ ەكس-باسشىسى تالعات اردان مەن ەلوردا اكىمىنىڭ بۇرىنعى ورىنباسارى قانات سۇلتانبەكوۆكە ىشكى ىستەر مينيسترلىگىنىڭ ينتەرپول ارنالارى ارقىلى حالىقارالىق ىزدەۋ جاريالانعانىن ايتتى.

"قانات سۇلتانبەكوۆتىڭ اقش اۋماعىندا انىقتالۋىنا بايلانىستى ونى ەكستراديتسيالاۋ تۋرالى سۇراۋ اقش ادىلەت مينيسترلىگىنە جىبەرىلدى. ءوتىنىش امەريكالىق تاراپتا قارالىپ جاتىر", - دەدى قازاقستاننىڭ باس پروكۋرورى.

Abai.kz