ەاەو: وداقتاستار روۋمينگتەن باس تارتا ما؟
ەۋرازيالىق ەكونوميكالىق كوميسسيا (ەەك) كەڭەسى ەۋرازيالىق ەكونوميكالىق وداق (ەاەو) مەملەكەتتەرى «ءادىل» تاريفتەردى ەنگىزۋ جوسپارىن بەكىتتى.
2019 جىلدىڭ قازان ايىندا ەۋرازيالىق ۇكىمەتارالىق كەڭەس وتىرىسىندا قازاقستان پرەمەر-ءمينيسترى اسقار مامين تاريفتىك جوسپار تۋرالى باستامانى كوتەرگەن بولاتىن.
ەەك ءمينيسترى ارمان شاققاليەۆتىڭ ايتۋىنشا، سويلەسۋ ەركىندىگى - ەاەو ەلدەرىنىڭ ماڭىزدى ۇستانىمىنىڭ ءبىرى. الەمدەگى ينتەگراتسيالىق بىرلەستىكتەر روۋمينگتەگى بايلانىس قىزمەتتەرىنە ارنالعان تاريفتەردىڭ قىمبات بولۋىنا بايلانىستى قارىم-قاتىناستا وزدەرىن شەكتەۋگە ءماجبۇر تۇتىتۋشىلار ديسكريميناتسياسىن جويۋعا ۇمتىلادى.
- ءبىز ەاەو مەملەكەتتەرىنىڭ اۋماعىنداعى روۋمينگتە ۇيالى بايلانىس قىزمەتىنىڭ باعاسىن بەلگىلەۋدەن بۇرىن زەرتتەۋ جۇرگىزدىك، الدا كەزدەسۋى مۇمكىن قيىندىقتارعا ساراپتاما جاسادىق، - دەيدى سپيكەر.
بەكىتىلگەن ءىس-شارالار جوسپارىن ىسكە اسىرعاننان كەيىن ەەك القاسى 2025 جىلدان باستاپ روۋمينگتەگى تاريفكە «ۇيدەگىگە» بارىنشا جاقىنداتىلعان ەاەو ەلدەرىنىڭ ۇيالى وپەراتورلارى ءۇشىن بىرقاتار ۇسىنىستار قابىلدايدى.
Abai.kz
