كۇنى كەشە رەسەي مەن قازاقستان شەكاراسىندا جۇك تاسىمالداۋ كولىكتەرى كەپتەلىستە قالدى. جاۋاپتى ورگاندارعا «قايراق» كەدەن بەكەتىندە كەپتەلىپ تۇرعانىنا ەكى تاۋلىك وتكەن جۇك كولىك جۇرگىزۋشىلەرى حابارلاعان.

قر قارجى مينيسترلىگىنىڭ ءباسپاسوز قىزمەتى جاعدايدى «رەسەيدە كارانتين شارالارى ەنگىزىلگەنىنە بايلانىستى»، - دەپ ءتۇسىندىردى.

«جۇك كولىكتەرىنىڭ كەزەگى قازاقستان-رەسەي شەكارا ايماعىندا 30 قازاننان باستاپ  رەسەي جاقتاعى «بۋگريستوە» ءاوپ الدىندا پايدا بولدى. قازاقستان اۋماعىندا كەپتەلىس بايقالعان جوق. 30 قازان 2021 جىلعى رەسەي پرەزيدەنتىنىڭ جارلىعىنا سايكەس رەسەي فەدەراتسياسىنىڭ كارانتيندىك شارالار جاريالانعان» - دەيدى ءباسپاسوز قىزمەتى.

30 قازان - 7 قاراشا كۇندەرى رەسەيدە دەمالىس كۇندەرى بولىپ جاريالانعان، سوعان سايكەس قازاقستان مەن رەسەي جۇك تاسۋشىلارى ەلىمىزگە قاراي بەت العان.

قارجى مينيسترلىگى «رەسەيدەن قازاقستانعا «قايراق» كەدەن بەكەتى (رف «بۋگريستوە» شەكتەس ءاوپ)  ارقىلى كۇن سايىن 600-گە جۋىق اۆتوكولىك وتەتىن بولسا، 30 قازاندا وتكەن اۆتوكولىك سانى 860-قا جەتىپ، كۇرت ارتقانىن»، -  اتاپ ءوتتى.

ءدال قازىرگى ۋاقىتتا قازاقستاننىڭ رەسەيمەن شەكارالاس اۋماعىندا اۆتوكولىكتەر كەپتەلىسى جويىلدى.

مەملەكەتتىك كىرىس ورگاندارى ەاەو ەلدەرىمەن شەكاراداعى اسكەري ماقساتتاعى تاۋارلاردى، تىيىم سالىنعان جانە شەكتەۋ قويىلعان،  سونداي-اق دسۇ تىزبەسىنە ەنگىزىلگەن تاۋارلاردى قۇجاتتامالىق باقىلاۋدان وتكىزىپ جاتىر. بۇل شارالار 5 مينۋتتان اسپايدى جانە كولىك كەپتەلىسىنە اسەر ەتپەيدى.

ەۋرازيالىق ەكونوميكالىق كوميسسيا (ەەك) كەڭەسى ەۋرازيالىق ەكونوميكالىق وداق (ەاەو) مەملەكەتتەرى «ءادىل» تاريفتەردى ەنگىزۋ جوسپارىن بەكىتتى.

Abai.kz