تۇركيانىڭ TUBİTAK SAGE ورتالىعىنىڭ ديرەكتورى گۇرجان وكۋمۋش تۇرىكتەردىڭ 2023 جىلى "گوكحان" دەيتىن اۋە-اۋە كلاسىنداعى زىمىرانىن سىناقتان وتكىزەتىنىن، قازىر GÖKTUĞ جوباسى بويىنشا Gökdoğan جانە Bozdoğan دەيتىن ەكى زىمىران سىناقتان ءوتىپ جاتقانىن ايتىپتى. ولار دا اۋە-اۋە كلاسىنا كىرەدى ەكەن.F-16 block 50+ ۇشاعىنان اتىپ تا كورىپتى ەكەۋىن. نىساناعا ءدال تيگەن دەسەدى.

ال ءبىزدىڭ "قازاقستان پاراماۋنت ينجينيرينگ" جاساعان "بارىس 8×8" بروندى كولىگىنىڭ سىناقتان وتپەگەنى، ءتىپتى "ارلاننىڭ" دا تالاپقا ساي بولماي قالعانى جايلى اقپارات تۇرىك مەدياسىنا دا جەتىپتى. ءتىپتى قۇرلىق اسكەرلەرى باس قولباسشىسى، گەنەرال-مايور تالعات قويباقوۆتىڭ "بارىستىڭ" كەمشىلىكتەرىن جاسىرۋعا تاپسىرما بەرگەنىن ايتىپ جاتىر. ءبىزدىڭ ارىپتەستەر كوتەرگەن تاقىرىپ ەدى نەگىزى.

جالپى سوڭعى ەكى-ءۇش جىلدا "قازاقستان ينجينيرينگ" حولدينگى مەن قورعانىس مينيسترلىگىنىڭ اراسى جاقسى ەمەستەي كورىنەدى ماعان. قم مەن كەلىسپەي جاتقان تەك پاراماۋنت ەمەس، تاعى ءبىر-ەكى زاۋىت بار. اركىمدىكى وزىنە ءجون.

ايتپاقشى تۇرىكتەر Anka-S درونىن قازاقستان الاتىن بولعانىن، ءتىپتى گەنەرال م تالاسوۆپەن كەزدەسۋ جاسالعانىن جازعان. ءبىز قورعانىس مينيسترلىگىنە سۇراپ ەدىك، يندۋستريا جانە ينفراقۇرلىمدىق دامۋ مينيسترلىگىنە سىلتەپ جىبەردى. "سولار بىلەدى",-دەيدى. ەندى بەيبىت اتامقۇلوۆتىڭ مازاسىن الاتىن شارۋا شىقتى.

امانگەلدى قۇرمەتۇلى

Abai.kz