بۇل تۋرالى ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ «استانا كلۋبىنىڭ» التىنشى وتىرىسىندا ايتتى، - دەپ حابارلايدى baq.kz. 

«ءبىز اتوم ەلەكتروستانسالارى گەوساياساتتىڭ قۇرالى ەكەنىن تۇسىنەمىز. ال تەحنولوگيالار - ءبىزدىڭ قاۋىپسىزدىگىمىز، جايلىلىعىمىز، بىراق ساياساتقا جاتپايدى. دەگەنمەن قازاقستان اتوم ەنەرگەتيكاسىن ەنگىزۋ مۇمكىندىگىن قاراستىرىپ جاتىر. مەنىڭ بىلۋىمشە، پرەزيدەنت توقاەۆ ۇكىمەتكە بۇل ماسەلەنى تىڭعىلىقتى ءارى باعامداپ قاراۋدى تاپسىردى. بۇل جەردە اتوم ەنەرگەتيكاسى تۇراقتى دامۋعا قانشالىقتى ۇلەس قوسادى دەگەن ماسەلە تۇر»، - دەدى ول.

كەلىمبەتوۆ بولاشاقتا جاڭا تەحنولوگيالاردىڭ پايدا بولۋىنا قاتىستى پىكىرىن دە ايتتى.

«بولاشاقتىڭ تەحنولوگياسى مەن كاربون بەيتاراپتىعى تۋرالى ماسەلە كوتەرىلگەندە جاقىن ارادا ءبىز مۇلدەم جاڭا تەحنولوگيالاردىڭ پايدا بولۋىنا كۋا بولۋىمىز كەرەك. بۇل تەك جاڭا تەحنولوگيا عانا ەمەس، دامىعان ەلدەر ساتىپ الا الاتىن تەحنولوگيالار. بۇل ورايدا رەۆوليۋتسيالىق ەمەس، ەۆوليۋتسيالىق ءادىستى قولدانعان ابزال. مەنىڭشە، قازاقستاننىڭ كۇن ءتارتىبى قىتاي مەن ءۇندىستاننىڭ كۇن تارتىبىنە جاقىن. تەحنولوگيانى دامىتاتىن مۇمكىندىكتەردى پايدالانعان ءجون. ماسەلەن، بىزدە كومىرسۋتەكتى قاقپاندارعا قاتىستى قىزىعۋشىلىعىمىز جوعارى»، - دەدى قايرات كەلىمبەتوۆ.

ايتا كەتەيىك، «استانا كلۋب» وتىرىسى ءۇش كۇنگە سوزىلادى. شاراعا الەمنىڭ 50-گە جۋىق ساراپشىسى قاتىسىپ جاتىر.

Abai.kz