فۋتبولدان الەم چەمپيوناتىنا بارۋ ءۇشىن بولىپ جاتقان ىرىكتەۋ جارىسىندا قازاقستان ۇلتتىق قۇراما كومانداسى فرانتسياعا سول ەلدىڭ قۇراماسىمەن ويىنعا بارىپ ءبىر قاپقا سيمايتىن دوپ ارقالاپ ورالدى.
ەسەپ - 0:8.

ۇيات! ماسقارا! سوراقى ناتيجە! ءبىزدىڭ ەلدىڭ فۋتبولى ەۋروپادا نەسى بار دەسەشى؟! ءوزىمىز ازيادا جاتىرمىز، ۇلتتىق وليمپيادالىق كوميتەتىمىز ازياعا قارايدى، ال فۋتبولىمىز ەۋروپاعا ءوتىپ العان... بۇل ەلدە ءتارتىپ دەگەن بار ما ءوزى؟ ءار ويىندا قاپ-قاپ دوپ ارقالاپ كەلىپ، جانكۇيەر اتاۋلىنىڭ جۇيكەسىن جۇندەي ءتۇتۋ توقتاي ما، جوق پا؟

كەزىندە زاڭ اتاۋلىنى بەلدەن باسقان جان باسقارىپ تۇرعان فۋتبول فەدەراتسياسى ەۋروپاعا وتەردە سونشاما شىرىلداپ، قارسى بولىپ ەدىم. ءوزىم ءۇشىن ەمەس،ەل ابىرويى،مەل ۇياتى ءۇشىن. ءالى دە سول پىكىردەمىن. قۇداي ورنالاستىرعان ازيا قۇرلىعىنا قايتا ورالىپ،الەم چەمپيوناتىنا سول كونفەدەراتسيادان قول سوزعانىمىز ءجون بولار ەدى. ...ول كەزدە قۇرامامىزدا ەۋروپالىق ۇلت وكىلدەرى كوپ ويناعان سوڭ قاشقامىز كىلەڭ مونوۇلت وكىلدەرى وينايتىن ازيادان.

بۇگىندە ءتاۋبا، قازاقتىڭ ۇلاندارى فۋتبولدا دا ءوسىپ جەتىلدى. سولارعا سەنىم ارتۋ كەرەك. ەريچ، پەريچتەرگە ازاماتتىق بەرىپ،تاۋەلسىز ەلدىڭ باس قۇجاتىن ويىنشىق قىلۋدى توقتاتۋ كەرەك!!! جەڭىلسەك تە ءوز ۇلدارىمىزبەن بارىپ جەڭىلەيىك. شىڭدالسىن ولار دا.

ماحانبەتشە ايتساق "وزىڭنەن تۋعان جاس بالا،...ەل نامىسىن قورعاماي...ەرلەردىڭ ءىسى بىتەر مە؟!!" بىتپەيدى،ارينە!

نەسىپ جۇنىسباەۆ

Abai.kz