- مەملەكەت دامۋى ۇلتتار دوستىعىنا بايلانىستى. سوندىقتان ەلىمىزدەگى بەيبىتشىلىك پەن تۇراقتىلىقتىڭ وزەگىنە اينالعان ۇلتارالىق كەلىسىمدى نىعايتىپ، ءبىر شاڭىراق استىنداعى كەلەسىمدە ءومىر ءسۇرۋىمىز قاجەت. بۇگىن اشىلىپ وتىرعان ەسكەرتكىش سونىڭ ءبىر جارقىن دالەلى بولعاي - دەدى بەردىبەك ساپارباەۆ زىريان اۋدانىنا بارعان ساپارىندا.

- مەملەكەت دامۋى ۇلتتار دوستىعىنا بايلانىستى. سوندىقتان ەلىمىزدەگى بەيبىتشىلىك پەن تۇراقتىلىقتىڭ وزەگىنە اينالعان ۇلتارالىق كەلىسىمدى نىعايتىپ، ءبىر شاڭىراق استىنداعى كەلەسىمدە ءومىر ءسۇرۋىمىز قاجەت. بۇگىن اشىلىپ وتىرعان ەسكەرتكىش سونىڭ ءبىر جارقىن دالەلى بولعاي - دەدى بەردىبەك ساپارباەۆ زىريان اۋدانىنا بارعان ساپارىندا.

ايماق باسشىسى الدىمەن زىريان قالاسىنىڭ ورتالىعىندا ورنالاسقان تاۋەلسىزدىك اللەياسىنداعى «دوستىق شاڭىراعىنىڭ» اشىلۋىنا قاتىستى.. ودان كەيىن وبلىس اكىمى كۋرچاتوۆ كوشەسىنىڭ بويىنداعى جەكە كاسىپكەر ا.شالاپۋتوۆتىڭ نەگىزگى جۇمىستارىن اياقتاپ، ىسكە قوسۋعا دايىن قويعان 75 ورىندىق جەكەمەنشىك بالاباقشادا بولدى. بالاباقشا قۇرىلىسى شاعىن قالالاردى دامىتۋ باعدارلاماسى اياسىندا «كازتسينك» جشس-مەن مەموراندۋمعا قول قويىلعان كەلىسىمشارت بويىنشا جۇزەگە اسىرىلىپ جاتىر. نىساننىڭ قايتا جاڭعىرتۋ جۇمىستارىنا 20 ميلليون تەڭگە بولىنگەن. 
«جۇمىسپەن قامتۋ - 2020» مەملەكەتتىك باعدارلاماسى اياسىندا ەڭبەك رەسۋرستارىن جيناقتاپ، ىسكە جۇمىلدىرۋ ءۇشىن سالىنعان 60 پاتەرلىك تۇرعىن ءۇيدىڭ اشىلۋىنا قاتىسىپ، پاتەر كىلتتەرىن تابىس ەتتى. Cونىمەن قاتار «قارلىعاش» بالاباقشاسىنىڭ اشىلۋىنا قاتىستى. بالاباقشا 280 ورىن ارنالعان زاماناۋي ۇلگىدە سالىنعان. - بۇگىن زىرياندا ۇلكەن مەرەكە. بىرىنشىدەن، زىريان قالاسىنىڭ تاريحىندا تۇڭعىش رەت وبلىستىڭ بارلىق اۋدان، قالا اكىمدەرى، باسقارما باستىقتارى كەلىپ وتىر. سودان كەيىن سوڭعى 20 جىلدا سالىنباعان قۇرىلىستار جۇزەگە اسىرىلىپ، اشىلىپ جاتىر. سونىڭ ءبىرى - مىنا بالاباقشا - دەدى ايماق باسشىسى.
جۇمىس ساپارىنىڭ سوڭى كوشپەلى وبلىستىق اكىمدىك وتىرىسىمەن اياقتالدى. ەلباسى نۇرسۇلتان نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى ماقالاسىندا ايتىلعان مىندەتتەردى جۇزەگە اسىرۋ، 2012 جىلدىڭ 1 جارتىجىلدىعىندا وبلىستىق بيۋدجەتتىڭ ورىندالۋى، «جۇمىسپەن قامتۋ-2020»، بيىلعى ۇلتتىق بىرىڭعاي تەستىلەۋ قورىتىندىلارى تالقىلاندى.

«اباي-اقپارات»