قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ جۇمىس ساپارىمەن شىعىس قازاقستان وبلىسىندا بولدى. ەلباسى ساپارىنىڭ باستى ماقساتى - ءوڭىردىڭ يندۋستريالدىق دامۋ باعىتىمەن تانىسۋ.

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ جۇمىس ساپارىمەن شىعىس قازاقستان وبلىسىندا بولدى. ەلباسى ساپارىنىڭ باستى ماقساتى - ءوڭىردىڭ يندۋستريالدىق دامۋ باعىتىمەن تانىسۋ.

ايماق دامۋى

•    شىعىس قازاقستان يندۋستريالدى-يننوۆاتسيالىق جوبالاردى ىسكە اسىرۋعا ينۆەستيتسيا قۇيۋ بويىنشا الدىڭعى قاتاردا. «كازتسينك» جشس-ءنىڭ ەلەكتروليزدى مىس بالقىتۋ زاۋىتى قۇرىلىسىنىڭ وزىنەعانا 124, 5 ملرد تەڭگە كولەمىندە ينۆەستيتسيا ءبولىندى;
•    جالپى وبلىستا 612 ملرد تەڭگەنى قۇرايتىن 39 ينۆەستيتسيالىق جوبا بار;
•    وبلىستا جالپى وڭىرلىك ءونىم كولەمى سوڭعى ءۇش جىلدا 58%-عا ءوستى جانە 2011 جىلى  1,6 تريلليون تەڭگەگە جەتتى;
•    ونەركاسىپ ءونىمىنىڭ كولەمى2009 جىلمەن سالىستىرعاندا 64,1%-عا ءوستى جانە  791,1 ملرد. تەڭگەنى قۇرادى;
•    وبلىس رەسپۋبليكادا تومەنگى كورسەتكىشتەر بويىنشا الدىڭعى قاتاردا:
-    تابيعي كولەم يندەكسىبويىنشا - 155,0%;
-    «جۇمىسپەن قامتۋ 2020 باعدارلاماسى»  اياسىندا  شاعىن نەسيەنى يگەرۋ بويىنشا، 2011 جىلى - 1,2 ملرد، 2012 جىلى - 1,95 ملرد تەڭگە ءبولىندى;
-    تىرەك اۋىلدارىن جانە شاعىن قالالاردى دامىتۋ باعدارلاماسى بويىنشا 50 ەلدى مەكەن مەن 4 شاعىن قالاعا قولداۋ كورسەتىلەدى;
•    ورتالىقتاندىرىلعان سۋمەن قامتاماسىز ەتۋ 82,3 % قۇرايدى. اعىمداعى جىلى 24 ەلدى مەكەندە سۋ قۇبىرى جەلىلەرىن سالۋ جوسپارلانۋدا.

مەملەكەت باسشىسى وسكەمەن قالاسىنا جاساعان جۇمىس ساپارى اياسىندا «وسكەمەن ارماتۋرا زاۋىتى» اق، «كەمونت» جشس-دە، بيزنەستىڭ جاۋاپكەرشىلىگى اياسىندا اشىلعان حوككەي مودۋلىندە بولدى.

ۇدەمەلى يندۋستريالدى-يننوۆاتسيالىق دامۋ باعدارلاماسىنا ەنگەن «وسكەمەن ارماتۋرا زاۋىتى» اق - قازاقستان رەسپۋبليكاسىندا كەڭ سپەكترلى مۇنايگاز ونىمدەرىن شىعاراتىن بىردەن-ءبىر كاسىپورىن بولىپ تابىلادى.
وڭىردە يندۋستريالاندىرۋ كارتاسى بويىنشا  2010-2011 جىلدارى 154 ملرد. تەڭگەنى قۇرايتىن 21 جوبا ىسكە اسىرىلدى. 8 كاسىپورىننىڭ  جوبالىق قۋاتى 50 پايىزدان 100 %-عا ءوستى.
2012 جىلى يندۋستريالاندىرۋ كارتاسىنىڭ اياسىندا وبلىستا 7  جوبانى ىسكە اسىرۋجوسپارلانعان، ولاردىڭ جالپى قۇنى 36,3 ملرد تەڭگە.
ارماتۋرا زاۋىتىندا  2009 جىلدان باستاپ «ءوندىرىس قۋاتىن قايتا جاڭعىرتۋ» جوباسى ىسكە اسىرىلۋدا. ونىڭ جۇزەگە اسۋى ءونىم قۋاتىن ارتتىرۋعا، وندىرىلگەن ءونىم سانىن 8900 داناعا جەتكىزۋگە، جىلىنا 6500 ملن تەڭگەنى قۇرايتىن ساۋدا ونىمدىلىگىن قامتاماسىز ەتۋگە مۇمكىندىك بەرەدى. يتاليا مەن چەحيادان ءونىمنىڭ ساپاسىن ارتىرۋعا مۇمكىندىك بەرەتىن 9 تەحنيكالىق قوندىرعى ساتىپ الىندى.
كاسىپورىننىڭ قۋاتتىلىعىمەن تانىسقان دەلەگاتسيا نازارىنا ۇدەمەلى يندۋستريالدى-يننوۆاتسيالىق دامۋ، شاعىن قالالاردى دامىتۋ جانە قولجەتىمدى تۇرعىن ءۇي مەملەكەتتىك باعدارلامالارىنىڭ جۇزەگە اسىرىلۋى جونىندەگى كورمە ۇسىنىلدى. ال ەكىنشى كورمەدە «جۇمىسپەن قامتۋ-2020» باعدارلاماسىنىڭ ەكىنشى باعىتى جانە سەرۆيستىك ورتالىقتىڭ جۇمىسى تانىستىرىلدى.
ەلباسىنىڭ كاسىپورىنداعى قادامى شەمونايحا اۋدانىمەن ورناتىلعان تىكەلەي بايلانىسپەن جالعاستى. «كامىشەنسكوە» شارۋا قوجالىعىنىڭ باسشىسى ۆلاديمير اكۋلوۆ قوجالىقتىڭ بۇگىنگى تابىسى جانە اۋداننىڭ الەۋمەتتىك دامۋى جونىندە باياندادى.
سوڭعى ءۇش جىلدا شارۋا قوجالىعى 900 ملن تەڭگەگە تولىعىمەن اۋىلشارۋاشىلىق كولىكتەرى مەن قوندىرعىلار پاركىسى جاڭارتىلدى.
جىلىنا 11,5 توننا ءسۇت وندىرىلەدى. جالپى ءونىم ءبىر جۇمىسشىعا شاققاندا 22 مىڭ اقش دوللارىن قۇرايدى.
جىل سايىن قوجالىق اۋدان مەن اۋىلدىڭ الەۋمەتتىك دامۋىنا 40 ميلليون تەڭگە بولەدى. جاس وتباسىلارعا 40 تۇرعىن ءۇي سالدى. شارۋا قوجالىعىنىڭ جۇمىسشىلارىنا 3-5 ملن تەڭگە كولەمىندە پايىزسىز نەسيە بەرىلەدى. ساۋىنشىلاردىڭ جالاقىسى 120 مىڭ تەڭگەگە، مەحانيزاتورلاردىڭ جالاقىسى 200 مىڭعا دەيىن جەتەدى. 7 جاس مامان «ديپلوممەن اۋىلعا» باعدارلاماسى اياسىندا جۇمىسقا ورنالاستى.
كامىشەنكا تىرەك اۋىلىن دامىتۋعا 53 جاڭادان جۇمىس ورنىن اشۋعا مۇمكىندىك بەرەتىن 136,7 ملن تەڭگە ءبولۋ قاراستىرىلۋدا. ءوز كەزەگىندە الەۋمەتتىك ينفراقۇرىلىمدى دامىتۋعا  «كامىشەنسكوە» جشس 97 ملن تەڭگە بولمەك.
«كەمونت» جشس-دە دەلەگاتسيا ەلەكتروتەحنيكالىق قۇرال-جابدىقتاردى قۇراستىراتىن كاسىپورىن تسەحىنىڭ قۋاتتىلىعىمەن تانىستى.
كاسىپورىن جوعارى جانە تومەن ۆولتتى رەۆەرسور، كەشەندى ترانسفورماتور سياقتى ەلەكتر قوندىرعىلارىن وندىرەدى.  ولار - مەتاللۋرگيا، اتوم، حيميا، تاۋ-كەن، مۇناي جانە گاز، ەنەرگەتيكا، اۋىلشارۋاشىلىق، تۇرعىن ءۇي وندىرىسىندە قولدانىلادى.
سونىمەن قاتار مەملەكەت باسشىسى «قازاقمىس» جشس-مەن الەۋمەتتىك جاۋاپكەرشىلىك جونىندەگى مەموراندۋمى ( 275 ملن تەڭگە) اياسىندا سالىنعان جاساندى مۇز ايدىنى جابىق حوككەي مودۋلىندە بولدى.
تالعات جايلاۋوۆ - سپورت شەبەرى، حوكەيدەن قازاقستان ۇلتتىق كومانداسىنىڭ كاپيتانى پرەزيدەنتكە ءوز العىسىن جەتكىزدى.
مەملەكەت باسشىسى وسكەمەندىك حوككەي مەكتەبىنىڭ تالىمگەرى ساعىمباەۆ رۋسلانعا (11 جاس) حوككەي كليۋشكاسىن سىيعا تارتىپ، ءوز قولتاڭباسىن قالتىردى.
بۇگىندى تاڭدا وبلىستا حوككەيمەن مىڭداعان ادام اينالىسادى، ولاردىڭ ىشىندە 3 ايەلدەر كومانداسى بار. اتالمىش حوككەي مودۋلىندە 320 جاسوسپىرىمدەر سپورتپەن اينالىسۋعا مۇمكىندىك الدى.
ايماقتا حوككەي سپورتىن دامىتۋعا بارلىق جاعداي جاسالۋدا. وتكەن جىلدىڭ وزىندە عانا سپورت سارايى تولىعىمەن جوندەلىپ، وبلىس ورتالىعىندا ەكى حوككەي ءمودۋلى بوي كوتەردى. الداعى ۋاقىتتا بيزنەستىڭ الەۋمەتتىك جاۋاپكەرشىلىگى اياسىندا سەمەي، زىريان، ريددەر، شەمونايحا قالالارىندا حوككەي مودۋلدەرىن سالۋ جوسپارلانىپ وتىر.

دەرەك كوزى -وبلىس اكىمىنىڭ ءباسپاسوز قىزمەتى.

«اباي-اقپارات»