تاياۋدا ەلىمىزدىڭ ءبىلىم جانە عىلىم مينيسترلىگى جانىنان جاستار ءىسى جونىندەگى ارنايى كوميتەت اشىلدى. سۋداي جاڭا قۇرىلىمنىڭ نەگىزگى قىزمەتى - جاستار ساياساتىنىڭ ادىستەمەسىن دايىنداۋ، جوسپارلاۋ جانە ۇيلەستىرۋ، ونى نورماتيۆتىك تۇرعىدان قامتاماسىز ەتۋ، سونداي-اق مەملەكەتتىك ورگاندار قىزمەتىنە مونيتورينگ جۇرگىزۋ جانە باعالاۋ بولىپ تابىلادى.

مينيسترلىك سايتىنداعى رەسمي اقپارعا جۇگىنسەك، جاستار كوميتەتىن قۇرۋ تۋرالى ۇكىمەتتىڭ قاۋلىسى بەكىتىلىپ تە ۇلگەردى. سوعان سايكەس، ايماقتاردا جاستار ءىسى جونىندەگى باسقارمالار دا قۇرىلاتىن بولادى. اتالمىش كوميتەت مەملەكەت باسشىسى ن.نازارباەۆتىڭ تاپسىرماسىن ورىنداۋ ماقساتىندا قۇرىلعان. ياعني، پرەزيدەنت پارمەن كورسەتىپ ەدى، اتقارۋشى ورگان اتقا قوندى. شۇكىر!

ىلە-شالا مينيسترلىكتىڭ ءباسپاسوز قىزمەتىنە حابارلاسىپ، جاڭا كوميتەت جايىندا از-كەم اقپارات بەرۋدى وتىنگەن ەدىك.

«بارلىق ءتيىستى قۇجاتتار ساراپتامادان ءوتىپ جاتىر، ازىرلەنۋ ۇستىندە. ءتىپتى اتالمىش كوميتەتتىڭ توراعاسى دا ءالى سايلانعان جوق. ازىرشە بۇل تەك يدەيا عانا. ياعني، قۇجاتتار دايىندالىپ جاتىر. مينيستر بارلىعىن بەكىتكەننەن كەيىن بەلگىلى بولادى. ءدال قازىر ناقتى ەشتەڭە ايتا المايمىز»،-دەيدى ۆەدومستۆونىڭ ءباسپاسوز قىزمەتى. قىزىق!

تاياۋدا ەلىمىزدىڭ ءبىلىم جانە عىلىم مينيسترلىگى جانىنان جاستار ءىسى جونىندەگى ارنايى كوميتەت اشىلدى. سۋداي جاڭا قۇرىلىمنىڭ نەگىزگى قىزمەتى - جاستار ساياساتىنىڭ ادىستەمەسىن دايىنداۋ، جوسپارلاۋ جانە ۇيلەستىرۋ، ونى نورماتيۆتىك تۇرعىدان قامتاماسىز ەتۋ، سونداي-اق مەملەكەتتىك ورگاندار قىزمەتىنە مونيتورينگ جۇرگىزۋ جانە باعالاۋ بولىپ تابىلادى.

مينيسترلىك سايتىنداعى رەسمي اقپارعا جۇگىنسەك، جاستار كوميتەتىن قۇرۋ تۋرالى ۇكىمەتتىڭ قاۋلىسى بەكىتىلىپ تە ۇلگەردى. سوعان سايكەس، ايماقتاردا جاستار ءىسى جونىندەگى باسقارمالار دا قۇرىلاتىن بولادى. اتالمىش كوميتەت مەملەكەت باسشىسى ن.نازارباەۆتىڭ تاپسىرماسىن ورىنداۋ ماقساتىندا قۇرىلعان. ياعني، پرەزيدەنت پارمەن كورسەتىپ ەدى، اتقارۋشى ورگان اتقا قوندى. شۇكىر!

ىلە-شالا مينيسترلىكتىڭ ءباسپاسوز قىزمەتىنە حابارلاسىپ، جاڭا كوميتەت جايىندا از-كەم اقپارات بەرۋدى وتىنگەن ەدىك.

«بارلىق ءتيىستى قۇجاتتار ساراپتامادان ءوتىپ جاتىر، ازىرلەنۋ ۇستىندە. ءتىپتى اتالمىش كوميتەتتىڭ توراعاسى دا ءالى سايلانعان جوق. ازىرشە بۇل تەك يدەيا عانا. ياعني، قۇجاتتار دايىندالىپ جاتىر. مينيستر بارلىعىن بەكىتكەننەن كەيىن بەلگىلى بولادى. ءدال قازىر ناقتى ەشتەڭە ايتا المايمىز»،-دەيدى ۆەدومستۆونىڭ ءباسپاسوز قىزمەتى. قىزىق!

سەبەبى، ەلىمىزدىڭ بارلىق اقپارات قۇرالدارى «جاستار كوميتەتىن قۇرۋ تۋرالى قازاقستان رەسپۋبليكاسى ۇكىمەتىنىڭ №874 قاۋلىسى بەكىتىلدى» دەپ اقپارات تاراتىپ ۇلگەردى ەمەس پە؟! ال مينيسترلىك بولسا «بۇل تەك يدەيا عانا»، «مينيستر بارلىعىن بەكىتكەننەن كەيىن بەلگىلى بولادى» دەپ تۇسىنىكسىز مالىمدە جاساپ وتىر. كوزبوياۋشىلىق پا؟

جاقىندا ءبىلىم جانە عىلىم مينيسترلىگى جاساعان مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداما جوباسى ەلوردالىق جاستار اراسىندا تالقىعا ءتۇستى. انىعى، مينيسترلىك وكىلدەرى قازاقستاندىق جاستار ۇيىمدارىنىڭ باسشىلارىمەن كەزدەسىپ، تۇجىرىمداماعا قاتىستى ۇسىنىستارىن تىڭدادى. سونداي-اق، جاستار ساياساتىندا جاسالىپ جاتقان «تەڭدەسسىز» رەفورمالار مەن «عالامات» وزگەرىستەر جايلى ايتىلدى جيىندا. ءبارى عاجاپ!

الايدا، ءتورت جارىم ميلليوننان استام جاستاردىڭ تاعدىرىن شەشەتىن وسىناۋ ماڭىزدى قۇجات بارلىق جەردە تەك رەسمي تىلدە تالقىلانىپ جاتقانى وكىنىشتى. سول رەسمي تىلدە ازىرلەنىپ، بەكىتىلىپ، كەيىن مەملەكەتتىك تىلگە اۋدارىلا سالاتىنى دا ءسوزسىز. ياعني، قازاق جاستارىنىڭ مۇددەسى، وي-تىلەگى اۋىل جاستارىنىڭ ارمان-اڭسارى تاعى ەسكەرۋسىز قالادى دەگەن ءسوز. دەگەنمەن، قازاقستانداعى 1043 جاستار ۇيىمى بىرىگىپ، اتقارۋشى بيلىككە قازاق جاستارىنىڭ ۇرەيى مەن ءۇمىتىن جەتكىزەر، مۇددەسىن قورعاپ قالار دەگەن نيەت بار. ال جەتكىزە الماسا، قورعاپ قالماسا، دارمەنسىزدىگىن مويىنداپ، ءوزىن-ءوزى تاراتقاندارى ءجون بولار.

سول سەبەپتى، جوعارىداعى ۇيىمدار جاستار كوپتەپ جينالاتىن Twitter, Facebook, ۆكونتاكتە، Mail.ru سياقتى الەۋممەتىك جەلىلەردە ناسيحاتتى كۇشەيتىپ، ءتۇرلى دەڭگەيدە كولەمدى ينتەرنەت-فورۋمدار وتكىزىپ، ازات ويلى جاس ازاماتتارمەن پىكىر-تالاسقا شىعىپ، مۇددەلەس جاستاردىڭ مۇڭ-مۇقتاجىن ءبىلىپ، تانىسۋى كەرەك-اق. ويتكەنى، اشىق، بۇكپەسىز ويلار رەسمي جيىنداردا ەمەس، ءدال سونداي الاڭداردا ايتىلادى. سونىمەن قوسا، جاستاردىڭ بەلسەندىلىگى كۇن سايىن ارتىپ كەلە جاتقانىن دا جوققا شىعارا المايمىز. بۇگىندە ءاربىر ەكىنشى قازاقستاندىقتىڭ جاسى 30-عا ءالى جەتكەن جوق. سوندىقتان، جاستار اۋديتورياسىن قامتيتىن مەملەكەتتىك تەلەارنانىڭ اشىلۋى، ءىرى رەسپۋبليكالىق باسىلىمداردا جاستار قوسىمشاسىنىڭ جۇرگىزىلۋى سياقتى ماسەلەلەر دە كەيىنگە قالدىرىلماۋى قاجەت.

مەملەكەت باسشىسى اسسامبلەيانىڭ بيىلعى سەسسياسىندا اتقارۋشى بيلىك وكىلدەرىنە جاستاردىڭ الەۋمەتتىك-ەكونوميكالىق، ماتەريالدىق-تۇرمىستىق پروبلەمالارىنا كوبىرەك كوڭىل ءبولىنۋى ءتيىس دەپ قاداپ ايتقان ەدى. سونداي-اق، سەسسيا بارىسىندا پرەزيدەنت ن.نازارباەۆ بىرقاتار ناقتى تاپسىرمالار جۇكتەدى. ماسەلەن...

«ۇكىمەتكە ۇستىمىزدەگى جىلدىڭ 1 قاراشاسىنا دەيىن مەنىڭ قاراۋىما مەملەكەتتىك جاستار ساياساتىنىڭ 2020 جىلعا دەيىنگە ارنالعان تۇجىرىمداماسىنىڭ جوباسىن ۇسىنۋدى تاپسىرامىن. ۇستىمىزدەگى جىلدىڭ سوڭىنا دەيىن ءبىزدىڭ زاڭنامالارىمىزدى مەملەكەتتىك جاستار ساياسات ماسەلەلەرى بويىنشا جاڭارتۋ قاجەت. وبلىستاردىڭ، استانا جانە الماتى قالالارىنىڭ اكىمدەرى وڭىرلىك جاستار ىستەرى جونىندەگى كەڭەستەردى تىكەلەي وزدەرى باسقارۋى ءتيىس. قازىر جاستار ءۇشىن جاڭا الەۋمەتتىك ليفتىلەر قالىپتاستىرۋدىڭ ماڭىزى وتە زور. تاۋەلسىز الەۋمەتتىك زەرتتەۋلەر جۇمىسقا ورنالاسۋ جانە ەڭبەك جولىن باستاۋدا جاعدايلاردىڭ بىردەي ەمەستىگى جاستار ءۇشىن ەڭ ماڭىزدى ماسەلە بولىپ تابىلاتىنىن كورسەتىپ وتىر. جاس مامان جۇمىسقا ورنالاسا المايتىن جانە ءوز الەۋەتىن جۇزەگە اسىرا المايتىن جاعدايلار دا از ەمەس. جاستار اراسىنداعى ۇدەرىستەرگە تەرەڭ زەرتتەۋلەر جۇرگىزۋ قاجەت»-دەگەن ەدى.

پرەزيدەنتتىڭ ءسوزىن تاقىرىبىمىزعا تۇزدىق بولسىن دەپ ەمەس، جاستار ساياساتىندا كوزبوياۋشىلىق پەن پروفاناتسيا بولماسىن دەگەن ويمەن كەلتىردىك! ازىرشە، تۇيگەنىمىز - وسى، ىلەرىمىز - ءالى الدا!

«اباي-اقپارات»