تۇرىك ليراسى قۇنسىزدانعاننان كەيىن انكارا مەن ىستامبۇلدا نارازىلىق شارالارى وتۋدە. نارازىلىققا شىعۋشىلار "ادىلەت جانە دامۋ" پارتياسى (اكپ) مۇشەلەرىنىڭ وتستاۆكاعا كەتۋىن تالاپ ەتتى.

نارازىلىق شەرۋلەرى سەيسەنبى كۇنى كەشكە باستالىپ، ەل استاناسى مەن ىستامبۇلدىڭ ءارتۇرلى اۋداندارىندا ءوتتى. انكارادا پوليتسيا شەرۋشىلەرگە كەدەرگى جاساماق بولدى. ىستامبۇلدىڭ كۋرتۋلۋس اۋدانىندا Twitter جەلىسىندە جاريالانعان ۆيدەودا پوليتسيانىڭ كوشەنى جاۋىپ، نارازى توپتى توقتاتۋعا تىرىسقانى كورسەتىلگەن. تاعى ءبىر ۆيدەودا نارازىلىق بىلدىرۋشىلەردىڭ «ۇكىمەت – وتستاۆكاعا!» دەپ ۇرانداعانىن كورۋگە بولادى.

تۇرىك ليراسى ەكى جىلدا ەكى ەسە قۇنسىزدانعان. 2020 جىلى 1 ليرا 68 تەڭگە بولسا، قازىر ول 33 تەڭگە كولەمىندە. نارازى حالىق ەردوعاننىڭ بيلىكتەن كەتۋى مەن سايلاۋ وتكىزۋدى تالاپ ەتۋدە.

Abai.kz