اقىن-جازۋشىلارعا، عالىمدارعا، جالپى زيالىلارعا

ءۇ ن د ە ۋ

دانا بابالارىمىز «جانىم - ارىمنىڭ ساداعاسى» دەگەن تەمىرقازىق باعىت ۇستانعان. انت بۇزعان ادامدى قاتاڭ جازالاعان. بۇگىندە بۇل اسىل دىڭگەك قاعيداتتار ونەگە رەتىندە قولدانىستان قالىپ بارادى. بۇعان، ءبىر جاعىنان، عاسىرلار بويى ۇلتىمىزدى ەزگەن، رۋحىمىزدى جاسىتقان ادىلەتسىز توتاليتارلىق جۇيە، ەكىنشى جاعىنان، قوعامىمىزدىڭ كەلەڭسىزدىكتەرىنە كوز جۇما قارايتىن، بيلىكتىڭ سويىلىن سوعاتىن جالتاق، مانساپقور، ەكىجۇزدى زيالىسىماقتار كىنالى. ءبىز وسى دەرتتەن ارىلۋعا ءتيىسپىز.

اقىن-جازۋشىلارعا، عالىمدارعا، جالپى زيالىلارعا

ءۇ ن د ە ۋ

دانا بابالارىمىز «جانىم - ارىمنىڭ ساداعاسى» دەگەن تەمىرقازىق باعىت ۇستانعان. انت بۇزعان ادامدى قاتاڭ جازالاعان. بۇگىندە بۇل اسىل دىڭگەك قاعيداتتار ونەگە رەتىندە قولدانىستان قالىپ بارادى. بۇعان، ءبىر جاعىنان، عاسىرلار بويى ۇلتىمىزدى ەزگەن، رۋحىمىزدى جاسىتقان ادىلەتسىز توتاليتارلىق جۇيە، ەكىنشى جاعىنان، قوعامىمىزدىڭ كەلەڭسىزدىكتەرىنە كوز جۇما قارايتىن، بيلىكتىڭ سويىلىن سوعاتىن جالتاق، مانساپقور، ەكىجۇزدى زيالىسىماقتار كىنالى. ءبىز وسى دەرتتەن ارىلۋعا ءتيىسپىز.

ءۇيسىز-كۇيسىز، جۇمىسسىز سەندەلگەن، جاعدايى تومەن حالىقتىڭ ۇلكەن بولىگى تۇيىققا تىرەلىپ، بارار جەر، باسار تاۋى قالماي رەفەرەندۋم ارقىلى بيلىككە وتكىر تالاپتار قويۋعا ءماجبۇر بولىپ وتىر. سىبايلاس جەمقورلىق، پاراقورلىق، زاڭدى بەلشەسىنەن باسۋ، ادام قۇقىعىن تاپتاۋ، ءتىلدى، ءدىندى قورلاۋ سوڭعى جىلدارى اشىقتان-اشىق بەلەڭ الىپ بارادى. قۇدايدىڭ قازاققا سىيلاعان جەراستى قازىنا بايلىقتارىنىڭ 80 پايىزىن شەتەل كومپانيالارى توناپ الىپ كەتىپ جاتىر. حالىق كەدەيشىلىگىنىڭ باستى سەبەبى - وسى. بۇل - وتە قاتەرلى. وتپەن ويناۋ ورتكە اينالاتىنىن قازىرگى بيلىك سەزىپ-ءبىلىپ وتىرسا دا تاقتان ايىرىلماۋ ءۇشىن حالىقتى قورقىتىپ، جازالاۋعا ەركىن كىرىسۋدە، ءتىپتى، مەملەكەتقۇرۋشى ۇلتتى جويۋدان دا تايىنار ەمەس. جەكە ادامعا تابىنۋشىلىقتى دارىپتەۋ، داڭعازالاتىپ جىرعا قوسۋ - قارانى كورىپ تۇرىپ اق دەۋ قوعامدى ازدىراتىن قۇبىلىس.  رۋحاني قۇندىلىقتار اقشاعا ايىرباستالۋدا. بيلىك قوعامداعى باستى قۇندىلىق ادام ەكەنىن دە ەسكەرۋسىز قالدىردى. قوعام سال اۋرۋىنا ۇشىرادى. ونى ساۋىقتىرۋ، ەمدەۋ ءۇشىن دە رەسپۋبليكالىق جالپىحالىقتىق  رەفەرەندۋم (رۋحتى وياتۋ) قاجەت. رەفەرەندۋم كەزىندە تالاي بىلىق-شىلىقتىڭ بەتى اشىلادى.

ەندى وسىنداي سوراقىلىقتار ەلدىڭ ەرىك-جىگەرىن ەزگىگە سالا بەرمەس ءۇشىن  قايراتكەر  قالامگەرلەرىمىزدىڭ حالىقتىڭ ساناسىن، نامىسىن وياتاتىن، جىگەرىن جانيتىن، رۋحىن كوتەرەتىن، جالىندى سوزدەرى مەن ءتىلىپ تۇسەتىن وتكىر قالام ەركىندىگى قاجەت. ۇلتتىق مۇددە جولىندا قانداي قيىندىقتان بولسا دا تايسالماي بيلىككە بۇقارانىڭ مۇڭ-مۇددەسىن باتىل جەتكىزىپ، حالىقتى قارۋدىڭ كۇشىمەن باسقارۋعا بولمايتىنىن تۇتقالى ورىنداعىلاردىڭ زەردەسىنە قۇيۋ - پارىز. بۇل تۇرعىدا ءار ازاماتتىڭ ءرولى ەرەكشە زور بولماق.

رەفەرەندۋمعا ءاربىر ادام ءوز قۇقىعىن قورعاۋ ءۇشىن قاتىسۋعا ءتيىس. ادىلەتسىزدىككە،  بيلىك تاراپىنان بولاتىن قىسىمعا جول بەرمەيىك. ءبىز سىزدەردى رەفەرەندۋمنىڭ العىشارتتارىن، قارالاتىن ماسەلەلەرىن بەلگىلەيتىن، 29 قىركۇيەك كۇنى استانا قالاسىندا وتەتىن جينالىسقا شاقىرامىز. رەفەرەندۋمنىڭ ادىلەتتى وتۋىنە جاپپاي اتسالىسايىق، ارىستان جۇرەكتى، باتىر بابالارىمىزدىڭ ۇرپاقتارى!

مۇحتار شاحانوۆ، تۇركى الەمىنىڭ باس اقىنى، "تاۋەلسiزدiكتi قورعاۋ" قوزعالىسىنىڭ توراعاسى; قابدەش ءجۇمادىلوۆ، حالىق جازۋشىسى، مەملەكەتتىك سىيلىقتىڭ يەگەرى; سوفى سماتاەۆ، قر مادەنيەتىنە ەڭبەك سىڭىرگەن قايراتكەر, الاشتىڭ حالىق جازۋشىسى, اقىن; ساپابەك ءاسىپ، جازۋشى، قوعام قايراتكەرى; مەكەمتاس مىرزاحمەتوۆ، جازۋشى، مەملەكەتتىك سىيلىقتىڭ يەگەرى، ابايتانۋشى عالىم; عابباس قابىشۇلى، جازۋشى، حالىقارالىق «الاش» سىيلىعىنىڭ يەگەرى; دۋلات يسابەكوۆ، جازۋشى، مەملەكەتتىك سىيلىقتىڭ يەگەرى; نازاربەك قانافياۇلى، پۋبليتسيست، شوقانتانۋشى عالىم; تۇرىسبەك كاكىشەۆ، جازۋشى، پروفەسسور، اكادەميك، توقتار بەيىسقۇلوۆ، جازۋشى، بەيىمبەتتانۋشى عالىم; تەمىرحان مەدەتبەكوۆ، اقىن، مەملەكەتتىك سىيلىقتىڭ يەگەرى; سەرىك تۇرعىنبەكوۆ، اقىن، حالىقارالىق «الاش» سىيلىعىنىڭ يەگەرى، قر ەڭبەك سىڭىرگەن قايراتكەرى; تالعات ايتباەۆ، پۋبليتسيست-جازۋشى، قايراتكەر; بيبىگۇل يمانعازينا، جازۋشى، حالىقارالىق «الاش» سىيلىعىنىڭ يەگەرى; دوسپانبەتوۆ ۇزاقباي، جازۋشى، ابىلايتانۋشى; نىعمەت ەرحانۇلى، «ميراس-كوكشە» قايىرىمدىلىق قورىنىڭ پرەزيدەنتى; رىسبەك سارسەنباي، "جاس الاش" گازەتiنiڭ باس رەداكتورى; حايروللا عابجاليلوۆ، رەسپۋبليكالىق "الاش" تاريحي زەرتتەۋ ورتالىعىنىڭ پرەزيدەنتi, عالىم; Cوۆەتحان عابباسوۆ, جازۋشى، مەديتسينا جانە پەداگوگيكا عىلىمدارىنىڭ دوكتورى; مۇرات ءناسىپ، قازاقستان قولونەر شەبەرى; جۇماش كەنەباي، اقىن، "تانىم" پiكiرسايىس كلۋبىنىڭ جەتەكشىسى; مىرزان كەنجەباي، اقىن;  زەينوللا تىلەۋجانوۆ، اقىن; مۇقتاي قۋانىش، اقىن; جۇماباي دوسپان، «التىن عاسىر» گازەتىنىڭ باس رەداكتورى; قۇلياس تابىل، جازۋشى، مادەنيەت قايراتكەرى، ءلايلىم يمانعازينا، مادەنيەت قايراتكەرى، اباي اتىنداعى وپەرا جانە بالەت تەاترىنىڭ رەجيسسەرى; جۇما-نازار سومجۇرەك, جازۋشىلار وداعىنىڭ مۇشەسى، اقىن، ادەبيەت سىنشىسى; قامالباي ماردانوۆ، فيلوسوفيا عىلىمدارىنىڭ دوكتورى، پروفەسسور; جەڭىس بەگەنباەۆ، بەلسەندى ازامات، ءسالىم وتەنوۆ, زاڭگەر; بولات تەمىرباەۆ، ۇلتجاندى ازامات; قونىسباي اۋباكىروۆ, «اق وردا» مۇشەسى; بالحاش ناحانوۆ، «اق وردا» اقساقالدار قوعامىنىڭ مۇشەسى; تويشىبەك ءيىپۇلى, «اق وردا» مۇشەسى.