بياتلوننان قازاقستان قۇراماسى جەتەكشىلەرىنىڭ ءبىرى رومان ەرەمين ازاماتتىعىن اۋىستىردى. سپورتشى رەسەيگە كوشىپ كەتتى. بۇعان دەيىن جەلىدە بياتلونشىنىڭ قازاقستاننان كەتكەنى جانە قازىر رەسەيلىك ستارتتاردىڭ بىرىندە ونەر كورسەتىپ جاتقانى تۋرالى اقپارات پايدا بولعان ەدى.

«ءيا، سولاي. مەن نوۆوسىبىرگە كوشىپ، ازاماتتىعىمدى اۋىستىردىم. قازاقستانداعى مانسابىمدى اياقتادىم، جۇمىس ىستەۋگە كەتتىم. نوۆوسىبىردە وبلىس ءۇشىن جارىسقا قاتىسۋعا مۇمكىندىگىم بولدى.

مەن بۇل سپورتتى جاقسى كورەمىن. مەن ءوزىمدى دامىتۋ ءۇشىن ءبارىن جاساعانىما سەنىمدى بولعىم كەلەدى. سوندىقتان مەن رەسەي كۋبوگىندا جاتتىعىپ، باق سىنايمىن», - دەدى ەرەمين.

ەرەمين قازاقستانداعى بياتلونشىلار اراسىندا كوشباسشىلاردىڭ ءبىرى بولدى. جاسوسپىرىمدەر اراسىنداعى ەۋروپا چەمپيوناتىنىڭ جۇلدەگەرى اتاندى، 2017 جىلى الماتىدا وتكەن ۋنيۆەرسيادادا دا قولا جۇلدەگەر اتاندى. 2018 جىلعى وليمپيادا ويىندارىندا جانە بياتلوننان الەم كۋبوگىندا ەل نامىسىن قورعاعان. سوڭعى ەكى ماۋسىمدا ول الەمدەگى ەڭ جىلدام 30 بياتلونشىنىڭ قاتارىنا كىرگەن ەدى.

Abai.kz