يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قازاقستاندا تۇرعىن ءۇي باعاسى كەلەسى جىلدان باستاپ تۇراقتانادى دەگەن سەنىمدە، دەپ جازادى arasha.kz. 

مينيستر ەلىمىزدە قۇرىلىس ماتەريالدارىن شىعاراتىن جاڭا كاسىپورىندار اشىپ، باسپانا باعاسىن تۇراقتاندىرۋ جۇمىستارى قولعا الىنعانىن ايتتى. بەيبىت اتامقۇلوۆتىڭ پايىمىنشا جاڭا وندىرىستەر باسپانا باعاسىنىڭ شارىقتاۋىن توقتاتادى.

«ەلىمىزدە وندىرىلەتىن بىرقاتار ماتەريالدىڭ تىزبەگى جاساقتالدى. بۇگىندە 35 جوبانى جۇزەگە اسىرۋ جوسپارلانىپ وتىر. جاڭا وندىرىستەر. ءبىرىنشى كەزەكتە سان-فايانس پەن وزگە دە كەراميكا شىعارامىز. بۇگىندە كەراميكا وندىرەتىن 3 زاۋىت جۇمىس ىستەيدى»، – دەدى اتامقۇلوۆ «ناتسيونالنىي ينتەرەس» باعدارلاماسىنا بەرگەن سۇحباتىندا.

الايدا، ونىڭ ايتۋىنشا، ءوندىرىس كولەمى از. مينيسترلىك تاعى 3 كاسىپورىندى ىسكە قوسىپ، ەلىمىزدى كەراميكالىق ماتەريالمەن 100 پروتسەنت قامتاماسىز ەتۋدى جوسپارلاپ وتىر.

ءمينيستردىڭ بولجامىنشا تۇرعىن ءۇي باعاسى كەلەسى جىلى تۇراقتالادى.

«مەنىڭ بولجامىمشا باعا ءبىر قالىپقا كەلەدى. قازىر سۇرانىس بولعان سوڭ قۇرىلىس كومپانيالارى ءۇيدى سالىپ جاتىر»، – دەپ  تۇيىندەدى بەيبىت اتامقۇلوۆ.

Abai.kz