تامىز ايىنىڭ 12 جۇلدىزىندا قازاق ۇلتتىق اگرارلىق ۋنيۆەرسيتەتىنىڭ باس عيماراتىنىڭ الدىندا، وسى ۋنيۆەرسيتەتتىڭ اسكەري كافەدراسىندا ءبىلىم الىپ جاتقان 264 كۋرسانتتىڭ وتان الدىندا سالتاناتتى تۇردە انت بەرۋ ءراسىمى ءوتتى.

كۋرسانتتاردىڭ ارقايسىسى بۇيرىق بويىنشا العا شىعىپ، وتان الدىندا سالتاناتتى تۇردە، اسكەري بورىشىن ادال وتەۋگە، قازاقستان حالقى مەن پرەزيدەنتىنە ادال بولۋعا، ەگەمەن مەملەكەتىمىزدىڭ زاڭدارىن قاستەرلەپ ساقتاۋعا جانە وزىنە جۇكتەلگەن مىندەتتەردى بۇلجىتپاي ورىنداۋعا، اسكەري قىزمەتتىڭ قيىنشىلىقتارىن كوتەرۋگە انت ەتتى.

تامىز ايىنىڭ 12 جۇلدىزىندا قازاق ۇلتتىق اگرارلىق ۋنيۆەرسيتەتىنىڭ باس عيماراتىنىڭ الدىندا، وسى ۋنيۆەرسيتەتتىڭ اسكەري كافەدراسىندا ءبىلىم الىپ جاتقان 264 كۋرسانتتىڭ وتان الدىندا سالتاناتتى تۇردە انت بەرۋ ءراسىمى ءوتتى.

كۋرسانتتاردىڭ ارقايسىسى بۇيرىق بويىنشا العا شىعىپ، وتان الدىندا سالتاناتتى تۇردە، اسكەري بورىشىن ادال وتەۋگە، قازاقستان حالقى مەن پرەزيدەنتىنە ادال بولۋعا، ەگەمەن مەملەكەتىمىزدىڭ زاڭدارىن قاستەرلەپ ساقتاۋعا جانە وزىنە جۇكتەلگەن مىندەتتەردى بۇلجىتپاي ورىنداۋعا، اسكەري قىزمەتتىڭ قيىنشىلىقتارىن كوتەرۋگە انت ەتتى.

«سالتاناتتى انت بەرۋ ءراسىمى - كەز كەلگەن اسكەري قىزمەتكەردىڭ ومىرىندەگى ەڭ ايتۋلى ءسات. وتان الدىندا، حالىق پەن پرەزيدەنتكە ادال بولۋعا اسكەري انت بەرۋ - ءاربىر جاستىڭ سانا-سەزىمىنە زور اسەرىن تيگىزەدى، سونداي-اق ءوز ومىرىنە ۇلكەن جاۋاپكەرشىلىكپەن قاراۋعا ۇيرەتەدى»، - دەيدى اسكەري كافەدرانىڭ باستىعى، پولكوۆنيك ب.دۇيسەمباەۆ.  ونىڭ ايتۋىنشا، ۋنيۆەرسيتەتتىڭ اسكەري كافەدراسىندا 4 اسكەري ماماندىق بويىنشا دايىندىق جۇرگىزىلەدى، سونىمەن قاتار وزگە جوو-داعى اسكەري كافەدرالاردان ءبىر ەرەكشەلىگى: «ۆەتەرينارلىق سانەكسپەرتيزا» ماماندىعى بار. دايىندىقتان جوعارى دەڭگەيدە وتكەن كافەدرا تۇلەكتەرىنە بيىل العاش رەت لەيتەنانت اتاعى بەرىلەدى. قازۇاۋ-ءنىڭ اسكەري كافەدراسى بەرگەن اقپاراتتار بويىنشا، قازىر كۋرسانتتار اسكەري دايىندىقتىڭ سوڭعى كەزەڭى سانالاتىن جاتتىعۋ جيىنىنا قاتىسۋدا. سالتاناتتى انت بەرۋ راسىمىنە ۋنيۆەرسيتەت باسشىلىعىمەن قاتار سوعىس جانە قارۋلى كۇشتەر ارداگەرلەرى، ستۋدەنتتەردىڭ اتا-انالارى دا قاتىستى. تالىمگەرلەردى وسى مارتەبەلى ساتىمەن قۇتتىقتاعان ۋنيۆەرسيتەت رەكتورى، قر ۇعا اكادەميگى ەسپولوۆ تىلەكتەس يسابايۇلى ءاربىر ازاماتتىڭ وتان الدىنداعى پارىزى مەن جاۋاپكەرشىلىگى تۋراسىندا كەلەلى وي قوزعادى. ارداگەرلەر كەڭەسى اتىنان ءسوز العان قادىرمەندى اقساقال، پولكوۆنيك قازبەك مانسۇروۆ بۇل كۇننىڭ  بولاشاق وفيتسەرلەر ءۇشىن دە، ۋنيۆەرسيتەت ءۇشىن دە تاريحي ماڭىزدى ءسات ەكەنىن باسا ايتتى. كۋرسانت ەرەكتىباەۆ دۋلاتتىڭ اناسى الماتى وبلىسىنىڭ تەكەلى قالاسىنان وسى شاراعا ارنايى كەلگەن ەكەن. ءوز قۋانىشى مەن تولقىنىسىن جاسىرا الماعان ناسيحا ەرەكتىباەۆا:  «قىزىم ەكەۋمىز وسى سالتاناتتى شارانىڭ كۋاگەرى بولىپ وتىرمىز. دۋلات ءاردايىم جاقسى وقىدى، سپورتپەن شۇعىلداندى، ۇبت-نى دا جاقسى تاپسىرىپ، گرانت يەگەرى اتاندى. مىنە، ەندى بۇگىن ءوز وتانىنىڭ الدىندا ازاماتتىق پارىزىن ادال اتقارۋعا انت بەرىپ وتىر. اناسى ءۇشىن بۇدان اسقان ماقتانىش جوق بولار.  دۋلات پەن ونىڭ جولداستارىنا وسى مارتەبەلى كۇن قۇتتى بولسىن دەيمىن. قازاقستانىمىز ءاردايىم ءوسىپ-وركەندەپ، بالالارىمىزدىڭ ەڭبەكتەرى جەمىستى بولسىن!» - دەگەن جۇرەكجاردى لەبىزىن ءبىلدىردى.

ايدانا پۋنكيتبايقىزى