نۇرسۇلتان نازارباەۆ «QAZAQ: التىن ادام تاريحى» ءفيلمىنىڭ ەكىنشى بولىمىندە 2011 جىلعى جاڭاوزەن وقيعاسى تۋرالى ايتىپ بەرگەن.

«مەرەكە كەزىندە الاڭدا تويلاپ جاتقان ادامدارعا شابۋىل جاساۋ – بۇل ءابلازوۆتىڭ جۇمىسى. قازىر ءبارى تۇسىنىكتى، ءبىز تەكسەردىك. ولار اقشا بەرىپ، ءتىپتى مۇنايشىلاردىڭ كيىمىن كيگىزىپ، اراق ىشكىزگەن. تاۋەلسىزدىك كۇنى. ساحنادا كونتسەرت بولىپ جاتتى، ول جەردە ادامدار تۇردى. ولار ساحنانى قيراتتى.  مۇنىمەن توقتاپ قالماي، قارۋ تابۋ ءۇشىن پوليتسيا كەڭسەسىن تالقانداۋعا باردى»، - دەدى ەكس-پرەزيدەنت.

نۇرسۇلتان نازارباەۆ تۇندە تىكۇشاقپەن جاڭاوزەن قالاسىنا بارادى. وقيعا بولعان جەردە ورتەنگەن دۇكەندەر مەن پوشتالار، قيراعان پوليتسيا بولىمشەلەرى قالعان. ول قالا تۇرعىندارىن جيناپ، ازالى جاندارعا كوڭىل ايتادى.

«نەگە قازاقستان تاۋەلسىزدىگىنىڭ 20 جىلدىعىن تويلاۋ كەزىندە، بۇكىل الەم ۇلتىمىزدى ءبىلىپ جاتقاندا جاڭاوزەندە وسىنداي جاعدايعا تاپ بولدىق؟ سول كۇنى جازىقسىز ادامدار قازا تاپتى. كوڭىل ايتۋ ءۇشىن كەلدىم»، - دەگەن ەلباسى سويلەگەن سوزىندە.

Abai.kz