مەملەكەت باسشىسى قاسىم-جومارت توقاەۆ راقىمشىلىق جاساۋ تۋرالى قازاقستان رەسپۋبليكاسىنىڭ زاڭىنا قول قويدى.

"مەملەكەت باسشىسى "قازاقستان رەسپۋبليكاسى تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى" قازاقستان رەسپۋبليكاسىنىڭ زاڭىنا قول قويدى", - دەلىنگەن حابارلامادا.

الدىن الا دەرەكتەر بويىنشا، راقىمشىلىققا 2236 سوتتالۋشى جانە پروباتسيا قىزمەتى ەسەبىندە تۇرعان 11310 ادام تۇسەدى، 1000-عا جۋىق ادام بوساتىلىپ، 3,8 مىڭ ادام پروباتسيا قىزمەتى ەسەبىنەن شىعارىلادى. وتەلمەگەن جازا مەرزىمىن قىسقارتۋ 1294 سوتتالۋشىعا جانە پروباتسيا قىزمەتى ەسەبىندە تۇرعان ادامعا قولدانىلادى. سوتالدى وندىرىستەگى 5000 قىلمىستىق ءىس قىسقارتىلىپ، ونىڭ ىشىندە 1674-تەن اسا تۇلعا قىلمىستىق جاۋاپكەرشىلىكتەن بوساتىلادى. 1471 ادامعا قاتىستى جازانى قىسقارتۋ نەمەسە بوساتۋ تۋرالى ەرەجەلەر قولدانىلادى. قىلمىستىق كودەكستىڭ 78-بابىنا سايكەس، اسا قاۋىپتى قىلمىس جاساعان ادامدارعا راقىمشىلىق جاسالمايدى.

Abai.kz