1991 جىلعى 10 جەلتوقساندا قازاق كسر جوعارعى كەڭەسى قاۋلى ەتەدى. وندا رەسپۋبليكانىڭ كوپۇلتتى حالقىنىڭ ءوزىن-ءوزى بيلەۋ پرينتسيپتەرىنە ادام قۇقى مەن بوستاندىقتارىنىڭ مىزعىماستىعىنا، قوعامنىڭ ساياسي، ەكونوميكالىق جانە يدەولوگيالىق جاعىنان سان الۋاندىعىنا نەگىزدەلگەن دەموكراتيالىق، تاۋەلسىز، بەيبىتشىلىك سۇيگىش، قۇقىلى مەملەكەت قۇرۋعا ۇمتىلىسىن باسشىلىققا الا وتىرىپ،قازاق كەڭەستىك سوتسياليستىك رەسپۋبليكاسىنىڭ اتاۋى قازاقستان رەسپۋبليكاسى بولىپ وزگەرتىلسىن، دەپ جازىلدى.

زاڭعا نۇرسۇلتان نازارباەۆ قول قويىپ، 10 جەلتوقساندا قازاقستاننىڭ تۇڭعىش پرەزيدەنتىنىڭ انت بەرۋ ءراسىمى ءوتتى.

1991 جىلعى 16 جەلتوقساندا قازاق كسر جوعارعى كەڭەسى رەسپۋبليكانىڭ مەملەكەتتىك تاۋەلسىزدىگىن جاريالادى.

سول ۋاقىتتىڭ ەستەلىگىن نازارباەۆ ءوزىنىڭ «تاۋەلسىزدىك تاعلىمى» اتتى ماقالاسىندا جازدى.

1997 جىلى10 جەلتوقساندا ەلوردانى  الماتىدان اقمولاعا اۋىستىرۋ رەسمي تۇردە جاريالاندى.

NurOtan - دا اتاپ وتكەندەي، 30 جىل ىشىندە قازاقستانداعى كەدەيلىك دەڭگەيى 10 ەسەگە - 46,7-دەن 4,6 پايىزعا دەيىن قىسقاردى. 400 ميلليارد دوللار تىكەلەي ينۆەستيتسيا تارتىلدى. بۇل ورتالىق ازيا ەلدەرىنە كەلەتىن بارلىق اعىمنىڭ 75 پايىزى. 170 ميلليون شارشى مەتر تۇرعىن ءۇي پايدالانۋعا بەرىلدى. 30 مىڭ شاقىرىم جول سالىندى جانە قايتا جوندەۋدەن ءوتتى. 1400 جاڭا دەنساۋلىق ساقتاۋ نىسانى، 1800-دەن استام جاڭا مەكتەپ پەن 900 بالاباقشا اشىلدى.

Abai.kz