قىتاي قۇرىلىس كومپانياسى Evergrande اقىرى ءوزىن دەفولت دەپ جاريالادى. رەيتينگ اگەنتتىگى Fitch Ratings-تىڭ ايتۋى بويىنشا بۇل جاڭالىق الەمدىك نارىققا ايتارلىقتاي اسەر ەتۋى مۇمكىن. Fitch Ratings اگەنتتىگى كومپانيا مەن ونىڭ فيليالدارىنىڭ رەيتينگىن "شەكتەۋلى دەفولتقا" دەيىن تومەندەتتى. بۇل 6-جەلتوقسانعا شەيىن تولەنىپ بولۋعا ءتيىستى بوندتىڭ تولەنبەي قالۋىمەن بايلانىستى بولىپ وتىر، كومپانيا $645 ملن جانە ۆ $590 ملن تولەۋگە ءتيىستى بولاتىن.

Evergrande — قىتايدىڭ اسا ءىرى كومپانيالارىنىڭ ءبىرى. قازىر ونىڭ 171 بانك پەن 121 قارجى كومپانيالارىنىڭ الدىندا قارىزى بار. قارىز كولەمى $305 ملرد. دەفولتتان كەيىن قىتاي بانكتەرى كرەديتتەۋدى ەداۋىر قىسقارتاتىن بولادى جانە شەتەل ينۆەستورلارى قىتايعا قارجى قۇيۋدى شەكتەيتىن بولادى.
ال رەسەيدە اقشانىڭ شەتكە كەتۋى سوڭعى 7 جىلدا رەكوردتىق كورسەتكىشكە جەتكەن. رەسەي بيزنەسى وففشورلىق سچەتتاردى بارىنشا پايدالانىپ، بۇرىن-سوڭدى بولماعان كولەمدە شەتەلدىك اكتسيالاردى ساتىپ الىپ، جيناقتالعان قارجىنى رۋبل ايماعىنان سىرتقا تاسىپ اكەتىپ جاتىر. قاڭتار-قاراشا ايلارىندا جەكە سەكتور بويىنشا سىرتقا كەتكەن كاپيتال $73,9 ملرد-تى قۇراپ، وتكەن جىلعى وسىنداي ۋاقىتپەن سالىستىرعاندا 1,5 ەسەگە اسىپ تۇسكەن. قازاقستان تۋرالى اشىق اقپارات كوزدەرىندە ناقتى مالىمەت جوق.

قۋانىش ەدىلحانتەگى

Abai.kz