ۇيقىمىز بۇزىلدى...

العاشىندا مۇنى «كەزدەيسوقتىق» دەپ قابىلداعانبىز. ارقانكەرگەندە قىرشىنىنان قيىلعان جاستاردى ويلاپ، جانىمىز اۋىرعانىمەن، «اقىرى جاقسى بولارعا» سايعانبىز...

بىراق، كوپ ۇزاماي ۇيقىمىز قايتا بۇزىلدى. الماتىنىڭ ماڭايىنداعى بورالدايدا، سوسىن، حالىق تىعىز قونىستانعان تاۋسامالى كەنتى مەن تاڭ ساياجايىندا جارىلىستار مەن اتىستار بولدى، ەندى، مىنە، ىلە الاتاۋىنىڭ ەتەگىندەگى (الماتى وبلىسى) اقساي شاتقالىندا 11 ادامنىڭ اسا قاتىگەزدىكپەن ولتىرىلگەن دەنەلەرى تابىلدى.

بۇرىن «بۇزاقىلار قاپتاپ ءجۇر» دەپ قالىڭ قالادان قورقاتىن ەدىك، ەندىگى جەردە جاپان دالادان ۇرەيلەنەتىن بولدىق. قايدا بارىپ پانالايمىز؟ قانداي قاۋىپسىز جەردە قاڭعىعان وق پەن وتكىر پىشاقتىڭ قاۋپىنەن قۇتىلۋعا بولادى؟.. قىسقاسى، جانعا جايلى، تانگە تىنىش اسان قايعىنىڭ جەرۇيىعى قازاقتىڭ توپىراعىنان تۇرا قاشقانعا ۇقسايدى...

«باعاناشىل» اتالاتىن مەكەن - الماتىنىڭ باي-باعىلان­دارى مەن وليگارح-شونجارلارى (ياعني، «ەلدىڭ ەڭ ءىرى ۇرى-قارىلارى» دەپ تۇسىنسەڭىز، قاتەلەسپەيسىز...) شوعىرلانعان اۋاسى ازون، سۋى بال، ءجانناتتاي جەر.

وسىناۋ جەر ءجانناتىندا الدىڭعى مايدان شەبىندەگىدەي كەسكىلەسكەن اتىس بولىپ، رەسمي حابار بويىنشا، «انتيتەررورلىق وپەراتسيا» جۇرگىزىلدى. ناتيجەسىندە، «5 قاسكۇنەمنىڭ» كوزى جويىلىپتى. ارقاسى كەڭ، قالتاسى مول، قايعى-مۇڭسىز مىرزا-تۇرعىندار اراسىندا قۇربان­دار مەن جابىرلەنگەندەر جوق.

ۇيقىمىز بۇزىلدى...

العاشىندا مۇنى «كەزدەيسوقتىق» دەپ قابىلداعانبىز. ارقانكەرگەندە قىرشىنىنان قيىلعان جاستاردى ويلاپ، جانىمىز اۋىرعانىمەن، «اقىرى جاقسى بولارعا» سايعانبىز...

بىراق، كوپ ۇزاماي ۇيقىمىز قايتا بۇزىلدى. الماتىنىڭ ماڭايىنداعى بورالدايدا، سوسىن، حالىق تىعىز قونىستانعان تاۋسامالى كەنتى مەن تاڭ ساياجايىندا جارىلىستار مەن اتىستار بولدى، ەندى، مىنە، ىلە الاتاۋىنىڭ ەتەگىندەگى (الماتى وبلىسى) اقساي شاتقالىندا 11 ادامنىڭ اسا قاتىگەزدىكپەن ولتىرىلگەن دەنەلەرى تابىلدى.

بۇرىن «بۇزاقىلار قاپتاپ ءجۇر» دەپ قالىڭ قالادان قورقاتىن ەدىك، ەندىگى جەردە جاپان دالادان ۇرەيلەنەتىن بولدىق. قايدا بارىپ پانالايمىز؟ قانداي قاۋىپسىز جەردە قاڭعىعان وق پەن وتكىر پىشاقتىڭ قاۋپىنەن قۇتىلۋعا بولادى؟.. قىسقاسى، جانعا جايلى، تانگە تىنىش اسان قايعىنىڭ جەرۇيىعى قازاقتىڭ توپىراعىنان تۇرا قاشقانعا ۇقسايدى...

«باعاناشىل» اتالاتىن مەكەن - الماتىنىڭ باي-باعىلان­دارى مەن وليگارح-شونجارلارى (ياعني، «ەلدىڭ ەڭ ءىرى ۇرى-قارىلارى» دەپ تۇسىنسەڭىز، قاتەلەسپەيسىز...) شوعىرلانعان اۋاسى ازون، سۋى بال، ءجانناتتاي جەر.

وسىناۋ جەر ءجانناتىندا الدىڭعى مايدان شەبىندەگىدەي كەسكىلەسكەن اتىس بولىپ، رەسمي حابار بويىنشا، «انتيتەررورلىق وپەراتسيا» جۇرگىزىلدى. ناتيجەسىندە، «5 قاسكۇنەمنىڭ» كوزى جويىلىپتى. ارقاسى كەڭ، قالتاسى مول، قايعى-مۇڭسىز مىرزا-تۇرعىندار اراسىندا قۇربان­دار مەن جابىرلەنگەندەر جوق.

ەسەسىنە ادىلەتسىزدىككە جانى قاس، تابيعاتتى اناسىنداي الپەشتەگەن اقساي شاتقالىنداعى ورمانشى پانايوت زاحاروپۋلو مەن ونىڭ ۇلى قازاعا ۇشىرادى...

ەڭ قورقىنىشتىسى: سوڭعى كەزدە ەلىمىزدە اسپاننان اياقتارى سالبىراپ تۇسكەندەي «قاپتاپ كەتكەن تەررورشىلاردى» جويۋدىڭ سىلتاۋىمەن كۇن قۇرعاتپاي ادامداردى قاڭعىباس يتتەردەي قىرىپ سالۋ جيىلەپ ءارى ۇدەپ، ۇردىسكە اينالىپ بارادى. جۇرتتىڭ دا بۇعان ەتى ۇيرەنە باستادى. تاڭەرتەڭ ۇيقىسىنان تۇرعان ادامدار ءبىر-بىرىنەن: «بۇگىن قاي جەردە اتىسىپتى؟ قانشا ادام قازا بولىپتى؟» دەيتىن جايسىز حابارلاردى: «دۇكەننەن ءسۇت اكەلدىڭ بە؟» دەگەندەي، اسا سالقىنقاندىلىقپەن قابىلدايتىن بولدى...

شىنىمەن، ەرتەڭىمىزگە ەلەڭدەي باستادىق...

«اباي-اقپارات»