«دۇنيە - جالعان» دەيتىن قازاق اتامىز دانىشپان ەكەن. كۇنى كەشە اتىراۋدىڭ اقساقالى مەن قاراساقالىنىڭ، شەنەۋنىگى مەن ەلەۋلىسىنىڭ پىرىندەي پىراق ۇشقان ازامات، بۇرىنعى وبلىس باسشىسى بۇگىن بالا-شاعاسىمەن قاۋىشۋى ءۇشىن اتىراۋ اۋەجايىنان ۇشا الماعان كورىنەدى...
ۇشقىزباپتى-مىس، رۇقسات بەرمەپتى-ءمىس... قازىر ۇيقاماقتا-مىس...
ەلباسىنىڭ دىرداي باسى ۇشىپ كەلىپ: «التى جىلعا تاياۋ ۋاقىتتا مەنىڭ تاپسىرمالارىمدى ورىندادى» دەپ ماقتاعان اكىم ورىنىنان كەتكەن بەس كۇندە نە ءبۇلدىرىپ، نە سىندىرىپ قويىپتى؟..
ەلباسىمىز: «بەرگەي رىسقاليەۆ حالىقتىڭ ءال-اۋقاتىن جاقسارتۋ ءۇشىن، جۇمىسسىزدىقتى ازايتىپ، ناقتى جۇمىس ورىندارىن اشۋ ءۇشىن، قىمباتشىلىققا قۇرىق سالۋ ءۇشىن قولىنان كەلگەنىنىڭ ءبارىن جاسادى» دەسە، بۇل قۇلاققا كىرەتىن اڭگىمە بولار ەدى... بىراق، كەزكەلگەن اكىم نەمەسە مينيستر ەل مەن مەملەكەتكە قىزمەت جاساۋ ءۇشىن ەمەس، تەك ەلباسىنىڭ تاپسىرمالارىن ورىنداۋ ءۇشىن عانا لاۋازىمعا تاعايىندالادى ەكەن.
مەيلىڭ، بەرگەي باۋىرىمىز ءوز قىزمەتىندە قاتەلىكتەر جىبەردى-اق دەلىك، ايتپەسە، بەلگىلى ءبىر دارەجەدە جەمقورلىققا ۇرىندى دەلىك، ولاي بولسا، وبلىس اكىمىنىڭ جۇمىسىن باقىلايتىن پرەزيدەنت اكىمشىلىگى مەن ۇكىمەت كەڭسەسى، قالا بەردى، سالىق كوميتەتى مەن ۇلتتىق قاۋىپسىزدىك كوميتەتى اي قاراپ وتىر ما؟ ءتىپتى، حالىقتىڭ ەسەبىنەن قارىن قامپايتقان تۇككە كەرەكسىز ارامتاماق قۇرىلىمدار قارجى پوليتسياسى مەن ەسەپ كوميتەتى شوشقا تاعالاپ ءجۇر مە؟..

«دۇنيە - جالعان» دەيتىن قازاق اتامىز دانىشپان ەكەن. كۇنى كەشە اتىراۋدىڭ اقساقالى مەن قاراساقالىنىڭ، شەنەۋنىگى مەن ەلەۋلىسىنىڭ پىرىندەي پىراق ۇشقان ازامات، بۇرىنعى وبلىس باسشىسى بۇگىن بالا-شاعاسىمەن قاۋىشۋى ءۇشىن اتىراۋ اۋەجايىنان ۇشا الماعان كورىنەدى...
ۇشقىزباپتى-مىس، رۇقسات بەرمەپتى-ءمىس... قازىر ۇيقاماقتا-مىس...
ەلباسىنىڭ دىرداي باسى ۇشىپ كەلىپ: «التى جىلعا تاياۋ ۋاقىتتا مەنىڭ تاپسىرمالارىمدى ورىندادى» دەپ ماقتاعان اكىم ورىنىنان كەتكەن بەس كۇندە نە ءبۇلدىرىپ، نە سىندىرىپ قويىپتى؟..
ەلباسىمىز: «بەرگەي رىسقاليەۆ حالىقتىڭ ءال-اۋقاتىن جاقسارتۋ ءۇشىن، جۇمىسسىزدىقتى ازايتىپ، ناقتى جۇمىس ورىندارىن اشۋ ءۇشىن، قىمباتشىلىققا قۇرىق سالۋ ءۇشىن قولىنان كەلگەنىنىڭ ءبارىن جاسادى» دەسە، بۇل قۇلاققا كىرەتىن اڭگىمە بولار ەدى... بىراق، كەزكەلگەن اكىم نەمەسە مينيستر ەل مەن مەملەكەتكە قىزمەت جاساۋ ءۇشىن ەمەس، تەك ەلباسىنىڭ تاپسىرمالارىن ورىنداۋ ءۇشىن عانا لاۋازىمعا تاعايىندالادى ەكەن.
مەيلىڭ، بەرگەي باۋىرىمىز ءوز قىزمەتىندە قاتەلىكتەر جىبەردى-اق دەلىك، ايتپەسە، بەلگىلى ءبىر دارەجەدە جەمقورلىققا ۇرىندى دەلىك، ولاي بولسا، وبلىس اكىمىنىڭ جۇمىسىن باقىلايتىن پرەزيدەنت اكىمشىلىگى مەن ۇكىمەت كەڭسەسى، قالا بەردى، سالىق كوميتەتى مەن ۇلتتىق قاۋىپسىزدىك كوميتەتى اي قاراپ وتىر ما؟ ءتىپتى، حالىقتىڭ ەسەبىنەن قارىن قامپايتقان تۇككە كەرەكسىز ارامتاماق قۇرىلىمدار قارجى پوليتسياسى مەن ەسەپ كوميتەتى شوشقا تاعالاپ ءجۇر مە؟..
باستى ماسەلە: ءبىرىن-ءبىرى تۇگىمەن جۇتىپ قويۋعا ءازىر ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆ پەن پرەزيدەنت اكىمشىلىگىنىڭ جەتەكشىسى اسلان ءمۋسيننىڭ اراسىنداعى جەكەباستىق، جەكەتوپتىق، جەكەتوبىرلىق كيكىلجىڭدە بولىپ وتىرعان سياقتى...  
اتىراۋدىڭ قاسيەتتى توپىراعىنان شىعىپ، سۋ ىشكەن قۇدىعىنا قاقىرعان قاسيەتسىز گۇلجان ەرعاليەۆانىڭ «ورگازم» سوزىنە ۇقساس سايتى، اسىرەسە، باتىستىڭ ازاماتتارىن تۇقىرتۋعا كەلگەندە، ونىڭ ىشىندە، اتىراۋلىقتاردى كۇستانالاعاندا، الدىنا جان سالار ەمەس. اسپاننان سالبىرىپ تۇسكەندەي بولاتىن گۇلجان: «ب.رىسقاليەۆتىڭ «جاعىمسىز جۇمىسىنىڭ» اۋقىمدى دەڭگەيىنە پرەزيدەنتتىڭ ءوزى تاڭ قالىپ، تاڭداي قاقتى...» دەپ جازدى...
جات پەيىل، بوركەمىك بولمىستىڭ جازۋىنشا، مۇنايلى ايماقتاردى (ماڭعىستاۋ، اتىراۋ، اقتوبە، باتىس قازاقستان، قىزىلوردا) «جەمقورلاردان تازالاپ، ءتارتىپ ورناتپاققا» كىرىسكەن بيلىك بەرگەي مەن امانجان (حالىق ىشىندە «اقامان» دەپ اتايدى) رىسقاليەۆتەردىڭ «قىلمىستىق ىستەرى» تۋرالى شەرنيگەن جەتپىس پاپكە ءىس ازىرلەپتى-ءمىس. قازىر اتىراۋ اكىمشىلىگىندە قازاقستاننىڭ قۇقىق قورعاۋ ورىندارىنىڭ تەرگەۋشىلەرى مەن تەكسەرۋشىلەرى ايعىردىڭ تەزەگىندەي ءۇيىلىپ الىپتى-مىس...  
تالاس جوق، 2006 جىلدىڭ قازان ايىنان اكىمدىككە كىرىسكەن بەرگەيدىڭ ۇزاق جىلدارعى قىزمەتىندە از-كەم قاتەلىك-كەمشىلىكتەردىڭ بولۋى زاڭدى. دەگەنمەن، بەرگەيدىڭ «قۇپيالارىن اشقان» ونىڭ ورىنباسارى ءسالىمجان ناقپاەۆتىڭ سۇتتەن اق، سۋدان تازا بولۋى دا نەعايبىل عوي. سوندىقتان، اتىراۋدىڭ اقساقالدارى مەن زيالى قاۋىمىنىڭ وزدەرىنىڭ ەلدىكتەرىن ايعاقتاپ، ءوڭىردىڭ كەشەگى باسشىسى، تۋعان توپىراقتارىنىڭ ۇلانى بەرگەي رىسقاليەۆتى قورعاپ-قولداپ حات جازۋلارى وتە ورىندى ءارى كىسىلىكتىڭ بەلگىسى، دەپ تۇسىنەمىن.
ونىڭ ۇستىنە، جەلدەي ەسكەن وسەك-وتىرىك پەن جالا-قارالاۋلار تۋرالى قر پارلامەنتى ماجىلىسىندەگى «اق جول» پارتياسىنىڭ دەپۋتاتى امانجان رىسقالي قازىر ءوزىنىڭ بارلىق پارلامەنت دەپۋتاتتارى سەكىلدى دەمالىستا، قازاقستاندا جۇرگەندىگىن ايتىپ: «ءبىز قۇقىقتىق مەملەكەت قالىپتاستىرۋدامىز. جانە مەن كىمنىڭ تاراتىپ جاتقاندىعى بەلگىسىز قاۋەسەت ءۇشىن ەشكىمنىڭ الدىندا اقتالۋعا مىندەتتى ەمەسپىن. كەرىسىنشە، ولار ماعان قاتىستى اقپاراتتارىن دالەلدەۋلەرى قاجەت، ال، ول ءۇشىن ولارعا باستاپقىدا، ەڭ بولماسا، وزدەرىنىڭ بەت پەردەسىن اشۋى كەرەك»، - دەپ اشىق ايتتى...
قازاقستاننىڭ «اق جول» دەموكراتيالىق پارتياسىنىڭ توراعاسى ازات پەرۋاشەۆ ءوز مالىمدەمەسىندە: «ءاربىر ساياساتكەردىڭ، اسىرەسە، بيزنەستەن كەلگەن ادامنىڭ ارقاشان پىكىرلەستەرى دە، وپپونەنتتەرى دە بولادى. بۇل قالىپتى جاعداي. قوعامدىق جانە ساياسي تۇستارىنان باسقا، بۇل ماسەلەنىڭ ەتيكالىق جاعىن دا ۇمىتۋعا بولمايدى. اڭگىمە وتباسى، اتا-اناسى، بالالارى جانە جاقىندارى بار ناقتى ادام تۋرالى ورىن الىپ وتىر...» - دەپتى.
قازاقستاننىڭ ىشكى ىستەر مينيسترلىگىنىڭ اتىراۋ وبلىسىنىڭ بۇرىنعى اكىمى بەرگەي رىسقاليەۆتىڭ ۇستالۋى تۋرالى اقپاراتتى رەسمي تۇردە جوققا شىعارۋىنا قاراعاندا، ءسىرا، بۇرىنعى باسشى بەرگەي رىسقاليەۆ تۇتقىندالعان دا جوق، ونىڭ باۋىرى، ءماجىلىس دەپۋتاتى امانجان رىسقالي ەشقايدا قاشپاي، ەلىمىزدە دەمالىپ جاتقان بولۋى كەرەك. .
...سوندا، بۇل تسيرك كىمگە كەرەك؟ قۇقىق قورعاۋ ورىندارى مەملەكەتتىڭ شەكاراسى مەن ۇلتتىڭ قاۋىپسىزدىگىن قورعاۋمەن قاشان اينالىسادى؟ ىشتەن جاۋ ىزدەسەك، ەلباسى ايتپاقشى، كەزكەلگەن كاسىپكەرمەن بىرگە «كەزكەلگەن اكىم مەن ءمينيستردىڭ قولىنان جەتەكتەپ سوتقا اپارۋعا بولادى عوي»...
قازاق ەلىندە قاۋىپسىز قىزمەت قالدى ما؟!.
«اباي-اقپارات»