الماتىدا جەرگىلىكتى مەملەكەتتىك قىزمەتتەر مەن ازاماتتىق قوعام اراسىنداعى سەرىكتەستىكتى دامىتۋ جوباسىنىڭ قورىتىندىسى شىعارىلدى. «Almaty Qogam» جوباسى بارىسىندا 4 ديالوگتىق الاڭ، بيزنەس-قوعامدارمەن 10 كەزدەسۋ، ۇەۇ مەن مەملەكەتتىك قىزمەتكەرلەرگە ارنالعان سەمينار-ترەنينگتەر، سونىمەن بىرگە جەرگىلىكتى اتقارۋشى ورگاندارمەن كەزدەسۋلەر وتكىزىلدى.

اتالعان ءىس-شارالاردىڭ نەگىزگى ماقساتى قر پرەزيدەنتى قاسىم-جومارت توقاەۆتىڭ باستاماسىمەن شىعارىلعان «ەستيتىن مەملەكەت» تۇجىرىمداماسىنىڭ نەگىزگى قاعيدالارىنا سايكەس كەلەدى. تۇجىرىمداما حالىققا شەشىم قابىلداۋ ۇدەرىسىنە قاتىسۋ مەن ونى باقىلاۋ مۇمكىندىگىن بەرەتىن ينفراقۇرىلىمى بار جانە اتقارۋشى ورگانداردىڭ ازاماتتىق قوعاممەن ءوزارا ارەكەت مەحانيزمى قالىپتاسقان، ازاماتتاردىڭ قىزىعۋشىلىعى ماڭىزدى بولىپ تابىلاتىن مەملەكەتتى ۇيعارادى. سوندىقتان جوبانىڭ ماقساتى مەملەكەتتىك ورگاندار مەن ۇكىمەتتىك ەمەس سەكتور اراسىنداعى اشىق ديالوگتى دامىتۋ بولدى. جوبانى «Social Development Center» قوعامدىق فوندى الماتى قالاسى قوعامدىق دامۋ باسقارماسىنىڭ مەملەكەتتىك الەۋمەتتىك تاپسىرىسى اياسىندا ىسكە اسىردى.

ديالوگتىق الاڭدارداعى تاقىرىپتاردا قوعامدىق كەلەسىم، قالالىق ترانسپورت، الماتىنىڭ ەكولوگيالىق ماسەلەلەرى جانە حالىقتىڭ جاپپاي نەسيەلەندىرىلۋ قاۋپى سۇراقتارى قويىلدى. كونسترۋكتيۆتى تالقىلاۋلارعا مەملەكەتتىك باسقارمالاردىڭ باسشىلارى دا، بەيىندىك ۇيىمدار مەن قوعامدىق بىرلەستىكتەردىڭ ماماندارى دا قاتىستى. جەكە العاندا، جاپپاي نەسيەلەندىرۋ جونىندەگى ديالوگتىق الاڭعا قازاقستان قارجىگەرلەرى اسسوتسياتسياسىنىڭ بانكتىك ەمەس ۇيىمدارى جانە بانك سەكتورىن دامىتۋ ورتالىعى تۇتىنۋشىلارىنىڭ قۇقىعىن قورعاۋ ديرەكتورى، قارجى نارىعىن رەتتەۋ جانە دامىتۋ اگەنتتىگى، ساياسي پارتيا وكىلدەرى جانە الماتى قالاسى ازاماتتىق قوعامىنىڭ باسقا دا مۇشەلەرى قاتىستى.

جوبانىڭ باسقا باعىتى ۇكىمەتتىك ەمەس ۇيىمداردىڭ قىزمەتكەرلەرى منە جەرگىلىكتى شەنەۋنىكتەرگە وقىتۋ سەمينارلارىن وتكىزۋ بولدى. قاتىسۋشىلار ترەنينگ بارىسىندا كيكىلجىڭ جاعداياتتارىن باسقارۋدان باستاپ گرانتتىق قارجىلاندىرۋ سالاسىندا ۇەۇ-مەن ءوزارا ارەكەتكە دەيىنگى ءارتۇرلى سالادا ءبىلىم الدى.

الەۋمەتتىك سەرىكتەستىكتى دامىتۋ اياسىندا كوممەرتسيالىق ەمەس ۇيىمداردىڭ، بيزنەس-قوعامداستىقتاردىڭ جانە مەملەكەتتىك قىزمەتتەردىڭ كەزدەسۋلەرى ءوتتى. وسىلايشا، الماتى قالاسى كاسىپكەرلەرى پالاتاسىمەن، «DAMU» كاسىپكەرلىكتى دامىتۋ قورىمەن، «حالىق» قايىرىمدىلىق قورىمەن جانە «سپپ»الماتى» اكتسيونەرلىك قوعامىمەن ونلاين-سەسسيالار ىسكە اسىرىلدى. الماتى قالاسى اكىمدىگى قاراماعىنداعى ۇەۇ-مەن سەرىكتەستىك جانە ءوزارا ارەكەتتەستىك كەڭەسىنىڭ ۇيىمداستىرىلۋى ماڭىزدى وقيعالاردىڭ ءبىرى بولدى. دوڭگەلەك ۇستەل ءىس-شاراسى بارىسىندا اكىم ورىنباسارى، ەرجان باباكۋماروۆ، قالالىق اكىمدىكتىڭ 11 باسقارماسىنىڭ باسشىلارى، سونداي-اق ۇكىمەتتىك ەمەس سەكتوردىڭ 20 اسا وكىلدەرى جينالدى. قاتىسۋشىلار الماتى قالاسى اكىمدىگىنىڭ ۇكىمەتتىك ەمەس ۇيىمدارمەن ءوزارا ارەكەتىنىڭ جاعدايىن تالقىلادى.

جوبانىڭ اياقتالۋ قارساڭىندا اۋا جاعدايى، قوعامدىق ترانسپورت، اۆتوكولىك جولدارىن جوندەۋ، مەملەكەتتىك بالاباقشالار جانە ت.ب. بىرنەشە الەۋمەتتىك ماڭىزدى باعىت بويىنشا حالىقتىڭ قاجەتتىلىكتەر كارتاسى جاسالدى. كارتا قوعامنىڭ قانداي دا ءبىر قالالىق قىزمەتتەردىڭ جۇمىسىنا قاناعاتتانۋ دەڭگەيىن كورسەتەدى.

http://www.almatyqogam.kz رەسمي سايتىندا جوبا بارىسىمەن تولىق تانىسۋعا جانە حالىقتىڭ قاجەتتىلىكتەر كارتاسىن كورۋگە بولادى.

Abai.kz