فۋتبولدان ەۋروليگا ويىندارىنىڭ جاڭا ماۋسىمىن جەرلەستەرىمىز جاپ-جاقسى باستاعان ەدى. كوكشەتاۋدىڭ «وقجەتپەسى» سىرت الاڭدا مولدوۆانىڭ «زيمبرۋ» كلۋبىن 2:1 ەسەبىمەن ۇتسا، پاۆلوداردىڭ «ەرتىسى» ۆەنگريانىڭ «حالاداشىنان» 0:1 ەسەبىمەن ۇتىلدى. وسى ناتيجەلەرگە قاراپ، قازاقستاندىق كوماندالار كەلەسى اينالىمعا شىعۋعا ءتيىس دەپ الدىن الا تون پىشتىك. الايدا قارىمتا كەزدەسۋدە جەرلەستەرىمىز جىگەرسىزدىك تانىتىپ، جارىس جولىنان شىعىپ قالدى.
«ەرتىستىڭ» قارسىلاسى – «حالاداش» (سومباتحەي، ۆەنگريا)
قۇرىلعان ۋاقىتى: 1919 جىل
ەڭ ۇزدىك كورسەتكىشى: ۆەنگريا چەمپيوناتىنىڭ قولا جۇلدەگەرى (2008/2009). ۆەنگريا كۋبوگىنىڭ ءۇش دۇركىن ءفيناليستى (1975, 1993, 2002).
كوماندانىڭ باپكەرى: اۋرەل چەرتوي
كوماندانىڭ ەڭ ۇزدىك ويىنشىلارى: اتيللا كۋتتور، بالاتس مولنار، كريستيان كەنەشي.
«حالاداش» ەۋرواپا كۋبوگى يەگەرلەرىنىڭ كۋبوگى ءۇشىن باسەكەدە ءبىر مارتە كۇش سىناستى. 1975/76 جىلدارداعى ماۋسىمدا اتالمىش كلۋب ءبىرىنشى اينالىمدا مالتانىڭ «ۆالەتتاسىن» ۇتىپ، (7:0, 1:1), ەكىنشى كەزەڭدە اۆستريانىڭ «شتۋرمىنا» ۇتىلدى (0:2, 1:1)

فۋتبولدان ەۋروليگا ويىندارىنىڭ جاڭا ماۋسىمىن جەرلەستەرىمىز جاپ-جاقسى باستاعان ەدى. كوكشەتاۋدىڭ «وقجەتپەسى» سىرت الاڭدا مولدوۆانىڭ «زيمبرۋ» كلۋبىن 2:1 ەسەبىمەن ۇتسا، پاۆلوداردىڭ «ەرتىسى» ۆەنگريانىڭ «حالاداشىنان» 0:1 ەسەبىمەن ۇتىلدى. وسى ناتيجەلەرگە قاراپ، قازاقستاندىق كوماندالار كەلەسى اينالىمعا شىعۋعا ءتيىس دەپ الدىن الا تون پىشتىك. الايدا قارىمتا كەزدەسۋدە جەرلەستەرىمىز جىگەرسىزدىك تانىتىپ، جارىس جولىنان شىعىپ قالدى.
«ەرتىستىڭ» قارسىلاسى – «حالاداش» (سومباتحەي، ۆەنگريا)
قۇرىلعان ۋاقىتى: 1919 جىل
ەڭ ۇزدىك كورسەتكىشى: ۆەنگريا چەمپيوناتىنىڭ قولا جۇلدەگەرى (2008/2009). ۆەنگريا كۋبوگىنىڭ ءۇش دۇركىن ءفيناليستى (1975, 1993, 2002).
كوماندانىڭ باپكەرى: اۋرەل چەرتوي
كوماندانىڭ ەڭ ۇزدىك ويىنشىلارى: اتيللا كۋتتور، بالاتس مولنار، كريستيان كەنەشي.
«حالاداش» ەۋرواپا كۋبوگى يەگەرلەرىنىڭ كۋبوگى ءۇشىن باسەكەدە ءبىر مارتە كۇش سىناستى. 1975/76 جىلدارداعى ماۋسىمدا اتالمىش كلۋب ءبىرىنشى اينالىمدا مالتانىڭ «ۆالەتتاسىن» ۇتىپ، (7:0, 1:1), ەكىنشى كەزەڭدە اۆستريانىڭ «شتۋرمىنا» ۇتىلدى (0:2, 1:1)
پاۆلودارداعى ستاديون حالىقارالىق تالاپقا ساي بولماعاندىقتان «ەرتىس» قوناقتاردى قاراعاندىدا قابىلداۋعا ءماجبۇر بولدى. تورەشى بەلگى بەرگەن بەتتە-اق جەرلەستەرىمىز قارسىلاستارىنىڭ ايىپ الاڭىنا باسا-كوكتەپ كىردى. بىرنەشە رەت ولار قاقپاعا قاۋىپتى سوققى باعىتتادى. الايدا زىمىراعان دوپ بىردە قاقپاشىنىڭ ولجاسىنا اينالسا، ەندى بىردە باعانادان ساناۋلى سانتيمەتر قيسىق كەتىپ جاتتى. دەسەك تە، تولاسسىز شابۋىلدىڭ ءبىرى ءوز جەمىسىن بەردى. قوناقتاردىڭ قورعانىس شەبىنىڭ قاتەلىگى سالدارىنان دوپ يگور يۋرين تۇرعان تۇسقا كەلدى. «ەرتىستىڭ» ويىنشىسى ءمۇلت كەتكەن جوق.
پاۆلودارلىقتار قۋانىپ تا ۇلگەرمەدى. ارادا ءتورت مينۋت وتكەندە «حالاداشتىڭ» ەڭ مىقتى ويىنشىسى كريستيان كانەشي ايىپ دوبىن ءمىنسىز ورىندادى. ەسەپ تەڭەسكەننەن كەيىن «ەرتىستىڭ» فۋتبولشىلارى قوناقتاردىڭ قاقپاسىن قايتا توراۋىلداۋعا كوشتى. بۇل جولى دا يگور يۋرين مەرگەندىك تانىتىپ، 2:1 ەسەبىمەن ءوز كومانداسىن العا شىعاردى.
ەكىنشى كەزەڭ جوعارىداعىداي «ستسەناري» بويىنشا ءوربىدى. «ەرتىس» بارلىق كۇشىن شابۋىلعا جۇمىلدىردى. پاۆلودارلىقتاردىڭ ەسەپتى ەسەلەۋگە بىرنەشە مۇمكىندىگى بولدى. بىراق ۆەنگريالىق قورعاۋشىلار ءوز الاڭىندا وتە ساۋاتتى ويناپ، قاۋىپتىڭ بەتىن قايتارىپ وتىردى. ەندى قوناقتار شابۋىلداۋدى قويىپ، ءوز قاقپاسىن امان ساقتاپ قالۋدى كوبىرەك ويلادى. كەرەكۋلىكتەر قانشا تالپىنعانىمەن، ەسەپ وزگەرگەن جوق. 85-مينۋتتا «ەرتىستىڭ» ەۋروليگاداعى جارىستى جالعاستىرۋىنا تاماشا مۇمكىندىك تۋىندادى. «حالاداش» قورعاۋشىلارىنىڭ قيمىلى ءسال سايابىرسىعان ءساتىن پايدالانعان «ەرتىستىڭ» بەس بىردەي ويىنشىسى قاقپا ماڭىنا لاپ قويدى. ارىپتەسىنەن پاس العان كونستانتين زارەچنىي جاقسى سوققى جاسادى. زىمىراعان دوپ باعاناعا ءتيدى. ەسەپ وزگەرگەن جوق.
«وقجەتپەستىڭ» قارسىلاسى – «زيمبرۋ» (كيشەنەۆ، مولدوۆا)
قۇرىلعان ۋاقىتى: 1947 جىل
ەڭ ۇزدىك كورسەتكىشى: 8 دۇركىن مولدوۆا چەمپيونى (1992 (كوكتەم), 1992/1993, 1993/1994, 1994/1995, 1995/1996, 1997/1998, 1998/1999, 1999/2000). سونداي-اق 5 رەت كۇمىس جانە 2 رەت قولا جۇلدەگەر اتاندى. مولدوۆا كۋبوگىنىڭ 5 دۇركىن يەگەرى (1996/1997, 1999/98, 2002/2003, 2003/2004, 2006/2007).
كوماندانىڭ باپكەرى: يۆان تابانوۆ
كوماندانىڭ ەڭ ۇزدىك ويىنشىلارى: ولەگ اندرونيك، ۆياچەسلاۆ سوفروني، ۆالەري ونيلا. «زيمبرۋ» ەۋروكۋبوك جولىنداعى باسەكەلەرگە ۇزدىكسىز قاتىسۋدا. چەمپيوندار ليگاسى باسەكەسىندە ەكى رەت (1999/ 2000, 2000/2001) ءۇشىنشى كەزەڭگە ءوتتى. ۋەفا كۋبوگىنىڭ 1/16 فينالىندا (1995/1996) ونەر كورسەتتى.
ەۋروپا ليگاسىندا ويناۋ مۇمكىندىگىنە ويدا-جوقتا يە بولعان «وقجەتپەس» ءوزىنىڭ العاشقى كەزدەسۋىن سىرت الاڭدا وتكىزگەنىنە قاراماستان جەڭىسكە جەتتى. كوكشەتاۋلىقتار مولدوۆانىڭ الدەنەشە دۇركىن چەمپيونى «زيمبرۋدى» ۇتقاندا كادىمگىدەي قۋانىپ قالدىق. تىپتەن، شەتەلدىك باسىلىمداردىڭ وزدەرى وسى ماتچتى العاشقى اينالىمداعى باستى سەنساتسيا دەپ باعالادى.
بىراق بۇل «ەرتەگى» كوپكە سوزىلمادى. «زيمبرۋ» قازاقستاندىقتاردىڭ قاقپاسىنا جاۋاپسىز ەكى گول سوعىپ، دىتتەگەن ماقساتتارىنا جەتتى. ول گولدىڭ اۆتورلارى اعايىندى – ولەگ پەن گەورگي اندرونيك. جالپى، بۇل ماتچتا باسىمدىق تولىق قوناقتار جاعىندا بولدى دەپ ويلاساڭىزدار، قاتتى قاتەلەسىزدەر. «وقجەتپەستىڭ» جىگىتتەرى دە بىرنەشە رەت قاۋىپتى شابۋىل ۇيىمداستىردى. الايدا ولارعا دالدىك جاعى جەتىسپەدى. ەل چەمپيوناتىندا ماڭدىتىپ ونەر كورسەتە الماي جۇرگەن كوكشەلىكتەر ەۋروپا ليگاسى جولىنداعى جارىستا، تىپتەن ساسقالاقتاپ قالدى. ەكى گول دا قاقپامىزعا قورعاۋشىلاردىڭ ورەسكەل قاتەلىگى سالدارىنان سوعىلعانىن ايتا كەتۋگە ءتيىسپىز. ەسەپ – 0:2.
سونىمەن، قوس كوماندامىز جارىس جولىنان شىعىپ قالدى. ەندى ەۋروپا ليگاسى ويىندارىن ەكىنشى اينالىمنان باستايتىن «توبىلدىڭ» تىلەۋىن تىلەيمىز. قوستانايلىقتاردىڭ قارسىلاسى تىم كۇشتى. دميتري وگايدىڭ شاكىرتتەرىنە تۇركيانىڭ ايگىلى «گالاتاسارايىمەن» كۇش سىناسۋعا تۋرا كەلەدى. ال چەمپيوندار لياگاسىنا سىنعا تۇسەتىن «اقتوبە» يسلانديانىڭ «حافنارفورديۋر» كلۋبىمەن شەبەرلىك بايقاسادى.

“ايقىن” گازەتى