پرەمەر-مينيستر ءاليحان سمايىلوۆ قازاقستاندا حالىق تابىسىن ارتتىرۋ قالاي جوسپارلانعانىن ايتتى. بۇل تۋرالى Tengrinews.kzكە سىلتەمە جاساپ Abai.kz حابارلايدى.

"اتامەكەن" ۇلتتىق پالاتاسىمەن بىرلەسىپ، حالىق تابىسىن ارتتىرۋ باعدارلاماسىن ازىرلەۋ جانە قابىلداۋ جوسپارلانعان. حالىق تابىسىن ارتتىرۋ ەڭ باستى ماسەلە بولۋى ءتيىس. كەز كەلگەن جوسپار، كەز كەلگەن باعدارلاما ءبىرىنشى كەزەكتە حالىق تابىسىن ارتتىرۋعا باعىتتالۋى ءتيىس. باسقارۋدىڭ بارلىق دەڭگەيىندە جۇمىس بەلسەندىلىگى ءدال وسى كورسەتكىش بويىنشا باعالانادى", - دەدى سمايىلوۆ ۇكىمەت وتىرىسىندا.

جاڭا پرەمەر-مينيستر جاستار اراسىنداعى جۇمىسسىزدىقتى ازايتۋ ماقساتىندا "جاستار تاجىريبەسى" جانە "العاشقى جۇمىس ورنى" جوبالارى اياسىندا جالاقى كوبەيەتىنى تۋرالى ايتتى.

"قازاقستان حالقىنا" قوعامدىق-الەۋمەتتىك قورى مۇقتاج بالالارعا قازىرگى زامانعى قىمبات مەديتسينالىق قىزمەتتەر مەن دارىلىك زاتتاردى الۋعا مۇمكىندىك بەرەدى. جالپى، وسى جوسپاردى ىسكە اسىرۋ قاڭتار وقيعالارىنان كەيىن ەلدەگى الەۋمەتتىك-ەكونوميكالىق جاعدايدى جەدەل قالپىنا كەلتىرۋگە مۇمكىندىك بەرەدى", - دەپ تولىقتىردى ۇكىمەت باسشىسى.

Abai.kz