ماو تسزەدۋننىڭ ءىزباسارى سانالعان مارشال لين بياو 1971 جىلى سامولەتپەن شەتەلگە قاشىپ بارا جاتقان جەرىنەن اتىپ ءولتىرىلدى.

سول-اق، ەكەن، بۇكىل قىتاي كولەمىندە لين بياونى سىناۋ، قىلمىسىن اشكەرەلەۋ ناۋقانى ءدۇر ەتىپ باستالادى دا كەتەدى. قىتاي استاناسى پەكيننەن باستاپ، اۋىل-اۋىلعا دەيىن اسقاق ۇراندار كوتەرىلىپ، مەملەكەتكە، كومپارتياعا وپاسىزدىق جاساعان لين بياونىڭ جەتى اكەسىن جەزدەي قاقتايدى...

ءدال سونداي جينالىستىڭ ءبىرى ىلە قازاق اۆتونوميالى وبلىسىنىڭ ورتالىعى قۇلجا قالاسىندا وتەدى.

ادەبيەت پەن ونەردىڭ وكىلدەرى قاتىسقان سول جينالىستا وبلىستىق پارتيا كوميتەتىنىڭ سەكراتارى لين بياونىڭ قىلمىسىن اشكەرەلەگەن ۇزاق بايانداما جاسايدى.

سەكراتاردىڭ بايانداماسى باستالعاننان باستاپ، وبلىستىق تەاتردا مۋزۆكانت بولىپ قىزمەت ىستەيتىن زورا دەگەن اكەسى دۇنگەن، شەشەسى ۇيعىر ايەل ءالسىن-ءالسىن قول كوتەرىپ، كەيدە ورنىنان اتىپ تۇرىپ، ءسوز سۇراي بەرەدى.

پارتكوم سەكراتارى بايانداماسىن اقىرلاستىرا سالىپ، بىردەن زوراعا ءسوز بەرەدى. نە ايتار ەكەن دەپ، جۇرت تا زورانىڭ اۋزىنا قۇلاق تۇرەدى، جىم-جىرت بولا قالادى.

ءبىرىنشى بولىپ ءسوز العان زورا مىنبەگە جۇگىرىپ شىعىپ:

– مەن وسى لين بياونىڭ وڭباعان، بۇزىق ەكەنىن باياعىدا بىلگەمىن، بىراق ايتۋدان قورىققام! – دەپتى.

لين بياو ءبىر جاقتا قالادى، بۇكىل زال كۇلكى داۋىسىنان جارىلىپ كەتە جازدايدى...

بۇل اڭگىمەنى ماعان كەزىندە ىلە قازاق اۆتونوميالى وبلىستىق تەاتردا سول زورامەن ۇزاق جىل قىزمەتتەس بولعان قازاقتىڭ اسا كورنەكتى كينو اكتەرى ءمۇتالىپ ءابدراحمانۇلى اعام ايتىپ بەرىپ ەدى.

بايقايمىن، كارىم ءماسىموۆ قامالىپ، تيمۋر قۇلىباەۆ قىزمەتتەن كەتىپ ەدى، ءدال وسىنداي جاعداي ءبۇل كۇندەرى ءبىزدىڭ ارامىزدا دا بولىپ جاتقان سەكىلدى. نەسىن ايتاسىڭ، ءبىزدىڭ دە «زورالار» جاڭبىردان كەيىنگى ساڭىراۋقۇلاقتاي جامىراپ شىعا كەلدى، ءتىپتى قاپتاپ كەتتى...

ال، ءبىز سول ەكەۋىنىڭ وڭباعان جاندار ەكەنىن بىلدىك جانە كەزىندە شامامىز جەتكەنشە اتىن اتاپ، ءتۇسىن تۇستەپ تۇرىپ جازدىق تا...

اۋىت مۇقيبەك. قازاق كوشi وسىمەن توقتاسا، كارiم ءماسiموۆ ەكiنشi گولوششەكين اتانادى

قۇلىباۆتان قۇتىلماي، پارلامەنتكە كۇن جوق!

قازاق كوشىنە قارسىلاردىڭ كۇنى باتتى...

اۋىت مۇقيبەك

Abai.kz