«سامۇرىق-قازىنا» قورىنىڭ باسشىسى الماسادام ساتقاليەۆ قاسىم-جومارت توقاەۆتىڭ سىنىنان كەيىن جازبا جاريالاپ، رەفورمالار تۋرالى ايتتى.

"بۇگىندە ەل باسشىلىعىنىڭ ساياسي ەرىك-جىگەرىنىڭ ارقاسىندا «سامۇرىق-قازىنا» قورىنىڭ قوعامدا قىزۋ تالقىلانىپ جاتقان رەفورمالاردى جۇزەگە اسىرۋعا بىرەگەي مۇمكىندىگى بار. ءبىز سىندارلى ۇسىنىستاردى رەفورمالاۋ باعدارلاماسىنىڭ جوباسىنا ەنگىزۋ ءۇشىن بولىسۋگە دايىن ءاربىر اداممەن ديالوگ جۇرگىزەمىز. نەگىزگى قاعيدالار رەتىندە اشىقتىق پەن ەسەپ بەرۋ، بيزنەسكە كەدەرگىلەردى جويۋ، الەۋمەتتىك جاۋاپكەرشىلىك جانە سىبايلاس جەمقورلىقپەن كۇرەس ايقىندالعان", – دەدى ساتقاليەۆ.

ساتقاليەۆ جاقىن ارادا جوسپارلار اشىق دەرەككوزدەردە جانە كورپوراتيۆتىك سايتتا جاريالاناتىنىن اشىق ايتتى.

"مەنىڭ ويىمشا، ۇلتتىق بايلىقتى ءادىل ءبولۋدىڭ ەلەمەنتى رەتىندە قازاقستان رەسپۋبليكاسى ازاماتتارىنىڭ قور اكتيۆتەرىن يەلەنۋگە تىكەلەي قاتىسۋ مۇمكىندىگى بولۋى مۇمكىن. ءبىز نەگىزگى ماسەلەلەردى شەشۋ ءۇشىن قور كومپانيالارى توبىنداعى بيزنەس-پروتسەستەردى جانە كورپوراتيۆتىك باسقارۋ تاجىريبەسىن رەفورمالاۋعا، مۇناي، گاز، كومىر، تەمىرجول كولىگى، ەلەكتر ەنەرگياسى جانە تەلەكوممۋنيكاتسيا نارىقتارىنداعى قاتىناستار قۇرىلىمىن وزگەرتۋگە باعىتتالعان بىرقاتار تەڭدەسسىز شارالاردى ۇسىنامىز. بۇل ماسەلەلەر 26 قاڭتار، سارسەنبى كۇنى الەۋمەتتىك جەلىلەردە ونلاين-ترانسلياتسيا ارقىلى اشىق ديالوگ فورماتىندا بيزنەس قاۋىمداستىعىمەن تالقىلانادى. ۇسىنىستارىڭىزدى usynys@sk.kz كورپوراتيۆتىك مەكەن-جايىمىزعا جىبەرۋگە بولادى دەپ كۇتەمىز", – دەپ جازدى «سامۇرىق-قازىنا» قورىنىڭ باسشىسى الماسادام ساتقاليەۆ.

Abai.kz