وڭتۇستىك قازاقستان وبلىسىندا بىرنەشە ادام كونگو-قىرىم گەمورراگيالىق بەزگەك اۋرۋىنا شالدىعىپ، ولاردى ەمدەگەن ەكى دارىگەردىڭ قايتىس بولۋى فاكتىسىنە قاتىستى وبلىستىق پروكۋراتۋرا قىلمىستىق ءىس قوزعادى.
وڭتۇستىك قازاقستان وبلىستىق پروكۋراتۋرا ءباسپاسوز قىزمەتىنىڭ حابارلاۋىنشا، وبلىستىق دەنساۋلىق ساقتاۋ باسقارماسىنداعىلار تۇرعىندار اراسىندا بەزگەكتىڭ جاپپاي تارالعانىن جاسىرىپ، اسا قاتەرلى اۋرۋدىڭ الدىن الۋمەن اينالىسپاعان. بەزگەكپەن اۋىرىپ تۇسكەن ادامدى ەمدەگەن وبلىستىق اۋرۋحانانىڭ دارىگەرى ز.قابديەۆتىڭ قازاسىنان كەيىن دە اۋرۋدىڭ شىعۋ سەبەبىن جەدەل انىقتاپ، ۆيرۋستىڭ ادامدار اراسىنا تارالماۋ شارالارىن جاساماعان. تەك پروكۋراتۋرا ارالاسقاننان كەيىن عانا قىرىم بەزگەگىنىڭ وشاعى پايدا بولعان تۇركىستان قالاسىنا سانيتارلىق-ەپيدەميولوگيالىق باسقارمادان، وبلىستىق دەنساۋلىق باسقارماسىنان مامانداردى اتتاندىرعان ەكەن.

وڭتۇستىك قازاقستان وبلىسىندا بىرنەشە ادام كونگو-قىرىم گەمورراگيالىق بەزگەك اۋرۋىنا شالدىعىپ، ولاردى ەمدەگەن ەكى دارىگەردىڭ قايتىس بولۋى فاكتىسىنە قاتىستى وبلىستىق پروكۋراتۋرا قىلمىستىق ءىس قوزعادى.
وڭتۇستىك قازاقستان وبلىستىق پروكۋراتۋرا ءباسپاسوز قىزمەتىنىڭ حابارلاۋىنشا، وبلىستىق دەنساۋلىق ساقتاۋ باسقارماسىنداعىلار تۇرعىندار اراسىندا بەزگەكتىڭ جاپپاي تارالعانىن جاسىرىپ، اسا قاتەرلى اۋرۋدىڭ الدىن الۋمەن اينالىسپاعان. بەزگەكپەن اۋىرىپ تۇسكەن ادامدى ەمدەگەن وبلىستىق اۋرۋحانانىڭ دارىگەرى ز.قابديەۆتىڭ قازاسىنان كەيىن دە اۋرۋدىڭ شىعۋ سەبەبىن جەدەل انىقتاپ، ۆيرۋستىڭ ادامدار اراسىنا تارالماۋ شارالارىن جاساماعان. تەك پروكۋراتۋرا ارالاسقاننان كەيىن عانا قىرىم بەزگەگىنىڭ وشاعى پايدا بولعان تۇركىستان قالاسىنا سانيتارلىق-ەپيدەميولوگيالىق باسقارمادان، وبلىستىق دەنساۋلىق باسقارماسىنان مامانداردى اتتاندىرعان ەكەن.
پروكۋراتۋرانىڭ انىقتاماسى بويىنشا، ماۋسىمنىڭ 24-ءى كۇنى تۇركىستان قالاسىنداعى پەرزەنتحانادا بوسانعان 23 جاستاعى ايەل بەس كۇننەن كەيىن قان توقتاماي، اۋرۋحاناعا قايتادان تۇسكەن. شىلدە ايىنىڭ باسىندا قالالىق ورتالىق اۋرۋحاناسىنىڭ حيرۋرگى سايلاۋبەك Ђسكەنباەۆ وعان وپەراتسيا جاساعان. قان توقتاماعان سوڭ سول كۇنى شىمكەنتتەن كەلگەن قان تامىرلارى حيرۋرگى زەينوللا قابديەۆتىڭ قاتىسۋىمەن تاعى ءبىر وپەراتسيا جاسالادى. الايدا ەرتەسىندە جاڭا تۋعان بالا، تاعى ءبىر كۇننەن كەيىن اناسى قايتىس بولعان. شىلدەنىڭ 9-ى كۇنى وپەراتسيا جاساعان حيرۋرگ ز.قابديەۆ، 11 شىلدەدە حيرۋرگ س.Ђسكەنباەۆ شىمكەنتتىڭ اۋرۋحاناسىندا قايتىس بولادى. ەكەۋىنىڭ دە دياگنوزى – كونگو-قىرىم گەمورراگيالىق بەزگەگى. 10 شىلدە كۇنى تۇركىستان قالالىق اۋرۋحاناسىنا پەرزەنتحانانىڭ نەوناتولوگ-دارىگەرى شىنار باقبەرگەنوۆا وسىنداي دياگنوزبەن تۇسەدى. سول كۇنى پەرزەنتحانادا اكۋشەر-گينەكولوگ دارىگەر بولىپ ىستەيتىن نۇربول Ђتەپبەرگەن اۋرۋحاناعا جاتقىزىلادى. بۇل ەكەۋى دە بەزگەكتەن قايتىس بولعان ايەل مەن جاڭا تۋعان سابيگە مەديتسينالىق كومەك كورسەتكەن بولىپ شىقتى. ەسكى يقان اۋىلىنىڭ تۇرعىنى مامادازيما اليمۇراتۇلى قىرىم بەزگەگى دياگنوزىمەن اۋرۋحاناعا جاتقىزىلعان. وسى جاعدايدى بىلە تۇرا وبلىستىق دەنساۋلىق ساقتاۋ باسقارماسى اۋرۋدىڭ دەر كەزىندە بەتىن قايتارىپ، الدىن الماعان. وسى فاكتى بويىنشا وڭتۇستىك قازاقستان وبلىستىق پروكۋراتۋرا قىلمىستىق كودەكستىڭ 267- بابى، 2-تارماعى بويىنشا (سانيتارلىق-ەپيدەميولوگيالىق ەرەجەنى بۇزۋ، جاپپاي ىندەتكە، كىسى ولىمىنە جول بەرۋ) بويىنشا قىلمىستىق ءىس قوزعادى.

قايىرجان تورەجان
“ايقىن” گازەتى