قىتاي مەملەكەتىنىڭ باسشىسى سي تسزينپين «ورتالىق ازيا – قحر» سامميتىندە قاڭتار وقيعاسىنا قاتىستى «سىرتقى كۇشتەردىڭ ءبىزدىڭ حالىقتارىمىزدىڭ تىنىشتىعىن بۇزۋعا، ءتۇستى توڭكەرىس جاساۋعا دەگەن ارەكەتىنە، ىشكى ىسكە ارالاسۋىنا جول بەرمەيتىنىن»، ايتتى.

«قازاقستاندا تاياۋدا بولعان تارتىپسىزدىكتەر ادام ولىمىنە اپاردى جانە ماتەريالدىق شىعىنعا باتىردى. قازاقستاننىڭ كورشىسى ءارى دوسى رەتىندە قىتاي قازاقستاننىڭ زورلىق-زومبىلىقتى توقتاتۋ جانە جاعدايدى تۇراقتاندىرۋعا كۇش سالۋىن بارىنشا قولدايدى»، - دەدى ول.

قىتاي پرەزيدەنتى «قىتاي قازاقستانعا ارقاشان كومەك كورسەتۋگە دايىن ەكەنىن ءارى پرەزيدەنت توقاەۆتىڭ قاتاڭ باسقارۋىمەن قازاقستان حالقى ءوز ەلىنىڭ جارقىن بولاشاعىنا قادام باساتىنىنا»، - سەنىم ءبىلدىردى.

قازىرگى ۋاقىتتا ءوتىپ جاتقان «ورتالىق ازيا – قحر» سامميتىنە قازاقستاننان قاسىم-جومارت توقاەۆتان باسقا، وزبەكستان پرەزيدەنتى شاۆكات ميرزيوەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون قاتىسىپ وتىر.

Abai.kz