27-قاڭتاردا سەنات بۇرىنعى پرەزيدەنت نۇرسۇلتان نازارباەۆتىڭ وكىلەتىن قىسقارتۋدى ماقۇلدادى. ءماجىلىس نازارباەۆتىڭ قاۋىپسىزدىك كەڭەسى جانە قازاقستان حالقى اسسامبلەياسىن ءومىر بويى باسقارۋ قۇقىعىنان ايىراتىن وزگەرىستى ماقۇلداعان ەدى.

بەيسەنبى كۇنى سەنات وسى تۇزەتۋدى قولداپ، وعان قوسا زاڭ جوباسىنا تاعى ءبىر تۇزەتۋ ۇسىندى.

«زاڭدى تالقىلاۋ بارىسىندا تاعى ءبىر نورما ەنگىزىلىپ وتىر. ول – «تۇڭعىش پرەزيدەنت تۋرالى» زاڭنان مەملەكەتتىڭ ىشكى جانە سىرتقى ساياساتىنا بايلانىستى باستامالاردى ەلباسىمەن كەلىسىلۋگە ءتيىس دەگەن نورما الىپ تاستالىپ وتىر. سوندىقتان دا سەنات زاڭناماعا ەنگىزىلگەن وزگەرىستەردى تۇجىرىمدامالى تۇردە قولداپ، ءبىر وزگەرىسپەنەن ماجىلىسكە قايتارىپ وتىر»، - دەدى سەنات دەپۋتاتى ءلاززات سۇلەيمەن.

Abai.kz